Ntâuk grê jiês uô hâux lưv hâur Bộ chính trị li đoanx qênhz yuôx số 547 thiêz Ban thường vụ Tỉnh ủy Lào Cai lok hâux lưv krêz uô Đảng li Nghị quyết Đại hội 13 tas cik hnuz 25/8, tsar đoanx qênhz yuôx zos Ủy viên Bộ chính trị, Phưv thủ tướng thường trực chính phuv Phạm Bình Minh heik jông siêz đros tsưr ziv thik trắc nghiệm nriêr pâuz lok Nghị quyết đhâu Internet zos tiv phaz tsưr tsix, ntâuk grê siêz chêx cuk lênhs tov, tsưr tsix uô jông hâux lưv nhênhz chơưv, cơưv shâuv Nghị quyết ntơưv tỉnh Lào Cai. Nhoz thax tsav tox siêz, taz sik Lào Cai tưz xar tơưv tâu tsưr ziv uô jông, paz heik kriê Nghị quyết đêz đar trâu cxuô lênhx nênhs pâuz txos:

“Coaz tsôngv zos njiêz luv tâu heik kriê txos chôngz lênhx ntâu tul pâuz, tsi taz zos đảng viên mak tsênhv txos tsôngv box chiê txix co krêz uô mak Lào Ci tưz uô jông. Nhoz no muôx têx chênhz zênhv jông, li thôngx ziv krêz uô txix tỉnh txos cơ sở; tiv zix zos cxiv tsa phần mềm tsưr tsix thik trắc nghiệm sâuv internet”./.

(An Kiên-Txâur Vax cxeik nhênhv)

Hâur 2hnuz 28 thiêz 29/8, ntơưv Lai Châu zuôr uô Hnuz hội qir huôv tsar uô nox, hlôngr yiêz Việt Nam txux chi tsưr ziv 2022 đros njiêz luk “Nzaz nzơưv six hơưv jông, hla đhâu têx phiv liv, sir jos sik tưr đros luôs lưv luz têz qơưk huôv tsar uô nox”. Co zos xor xưv chiê cxiz tỉnh Lai Châu thiêz têx tỉnh, TP hâur tas nro têz qơưk huôv tsar uô trơưk li têx tsưr ziv yiêz heik sâuv. Hnuz hội zuôr buôk ti uô thiêz thôngz đhâu đros luôs 2 chas thax tsav đrâuv sâuv mạng. Tsưr stix xor xưv cux zos chiê cxiv tsa thiêz txuôk đros têx lênhx nênhs nhênhz chơưv, piêr kriê cêr huôv tsar uô nox, têx dưv anr, xiv huv jông, xiv huv công nghiệp tox siêz…..txos trâu chor nênhs sir zôngv, lênhx nênhs seiz car, nênhs nhênhz chơưv khoa học, côngv thôngx doanh nghiệp, paz cxiz huôv tsar, krêz đar ciêz đrôngs, kriê têx hluôk nênhs, pêx xênhv, tsôngv pox niêv, shux xênhz tsưr ziv huôv tsar uô nox uô hnar hâur six hơưv zuôr txos./.

(Khắc Kiên-Riê Lâux cxeik, nhênhv)

Hnuz đhâu 25/8, Sở zaoz zux thiêz thox cxov tỉnh Sơn La tsưr tsix phêv ziv ntâuk grê shông cơưv 2021-2022; krêz uô jênhv vưv shông cơưv 2022-2023. Txos nhiv no tas nro tỉnh tưz muôx 330 ntâu hâur tas nro zuôr xar 600 qơư zaoz zux tax ploz tsênhr têz qơưk, hla đhâu UB tỉnh li tsưr ziv tso tơưv; tsơưr lươngv kriê thiêz cơưv ntơưr ziv hnuz ziv tâu hlôngr yiêz nhoz yênhx cấp cơưv, cxênhx cơưv. Ntơưv jiês thik cơưv tiêr cxênhx 3 nhiv kruôr đhâu, shux xênhz thik tiêr cxênhx 3 nhoz Sơn La tax 99% ntâu, sơưr tiv 49 sâuv 63 tỉnh thành phố lok điểm chungz fênhx têx môn thik, chuôz ndê 10 thênhv pir đros thiêz jiês thik tsêz no./.

(Trấn Long-Txâur Vax cxeik nhênhv)

Njuôk xav, tiv coz nas chuô lox sôr 3 uô ruôr hiêv txos, chor thax tsav hâur tỉnh Yên Bái lok nas lox, muôx kênh qơư nas lok six hloz. Sơưr đơưk tsuv chênhr phax lok khâur jênhs chuô, xoz thiêz chuô lox thâuv ntux đuz nxông. Txix têx li heik co, Tsar ban seiz car phax tar ntux uô ruôr hiêv-zok nriêr chơưv paz lênhx nênhs tưz muôx côngz tênhv xa trâu cxuô ngênhx thành viên Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh; Uỷ ban cxuô huyện, thị xã, TP lok sâuv bax phax tir thêir coz nas chuô lox sôr 03 thiêz đêx nas hloz. Hâur co heik cov sox seiz njôngr coz nas chuô co li têx txơưr txar; xa mông, heik zênhx max txos trâu hâu nov thiêz tsôngv pêx xênhv bax tsưr ziv phax txar jav, lar heik zos lok sâuv đêx cuôr yôngz, tox xưz poz; bax tsês têx kôngz krâur, zav nox, đêx hur, yuôx kho moz gênhk….lơưr tsưr ziv 4 ntơưv qơư chiê phax tar nas chuô, đêx hloz./.

(TTTB-Riê Lâux cxeik, nhênhv)