Sở Zoz zux tỉnh Sơn La nhiv kruôr tsưr tsix tsaz yênhx ntâuk gri sêiz kaz jiês iz cxiv luôs sêiz car tsơưr lươngv tích hợp IMS shông 2022 thiêz txêik tok Tsưr tsix Tsơưr lươngv Châu Á-NQA li khơưk kruôk “Thực hành tsơưr lươngv jông Châu Á shông 2022” . No cux zos taz viv cấp Sở xuz thơưx ciês hâur têz qơưk tâu kror giải no khơưk kruôk.

Sở Zoz zux tỉnh Sơn La li cxiv luôs sêiz car tsơưr lươngv tích hợp IMS tâu muôz lok huôx tôngv txix shông 2020 tưz phuôx huiz tâu jông hâur côngz xưv sêiz car zoz zux. Têx ntâuz ntơưr, tsưr ziv tâu uô tsênhz mênhx, ndax ndênhk, phênhz tsênhz mênhx qênhx, txơưx jênhv thiêz zoz qơưx hâux lưv uô txos trâu yênhx kror qơư. Khov co, tsơưr lươngv zoz zux tỉnh Sơn La hâur têx shông jê lok no tâu uô jông thiêz chuôz cxaz tas nro lok cxuô kror, zos chor shux xênhz cơưv tiêr ntơưr cxênhx pêz thiêz điểm chor mô thik shông tov kaz siêz đuô shông uô ntêx…Zơưv Nguyễn Huy Hoàng, Giám đốc Sở Zoz zux tỉnh Sơn La puz pâuz:

“Hnuz no, FrencheCert li jiês ntâuk gri tiv iz ntơưv Việt Nam tưz hêik tơưv tâu Sở Zoz zux li cxiv luôs sêiz car tsơưr lươngv tsênhv tror tâu kriz uô jông, tâu qênhz shuôk thiêz hlôngr yiêz tsik so. Đhâu co, paz uô jông, gra siêz tâu sêiz car zoz zux chiê gra siêz tsơưr lươngv zoz zux cov tsênhv tsênhz thiêz truôx jông”./.

(Đức Anh-Lik Thox cxêik nhênhv)

Ban tsưr tsix têx hnuz ntênhs lox tỉnh Yên Bái nhiv kruôr tso tơưv tsưr ziv uô têx luôs hâux lưv hơưv Đảng, hơưv shông yiêz mir shông 2023. Iz chas co, thax tsav qơư no zuôr tsưr tsix tuô fov ntơưr nhoz 6 qơư hâur hmo tsiêz 30 chiê phưx vưv tsôngv pêx xênhv. Đros trâu tuô fov ntơưr hmo tsiêz 30, tỉnh Yên Bái cux zuôr uô lok six ntâu têx nuv hơưv Đảng, hơưv shông yiêz txơưr đuô li: Hlơưr shaz hơưv shov Chủ tịch HCM thiêz têx lênhx tuz lênhv tâu tas siv nênhx thâuv ntu tir ntâuk trol châuz tsưx phưv têz qơưk ntơưv chor tuz lênhv co li qơư nda ndax chiv nhênhv 93 shông yênhx lix Đảng cộng sản Việt Nam thiêz tok shông yiêz Mir shông 2023; tsaz yênhx nthuôr uô lov jêv “Yên Bái-Hơưv Đảng, hơưv shông yiêz Mir shông 2023” lok hmo tsiêz 30 nhoz Quảng trường 19/8, TP Yên Bái thiêz uô ntâu hâux lưv jông tok shông yiêz./.

(Đinh Tuấn-Riê Lâux cxeik, nhênhv) 

Pêx xênhv nhoz huyện Than Uyên, tỉnh Lai Châu tsênhv sir jos tu xar muôx 200 héc ta tsoz chos chiv ntux tsâus li: poz cưk thiêz cxuô zav jâuz tâuv. Chiv ntux tsâus yiêz shông no, njuôk xav huyện zuôr tsêz chos muôx 2.000 ntâu héc ta blêx. Txos nhiv no pox nhuôs nôngx mênhx sâuv thax tsav tưz uô tiêr têx ar têz, tsêz zuz tâu muôx 40% thiêz uô zuz ntơưv iz cxiê kror qơư, njuôk xav zuôr chos trâu hâur hlik hli 1/2023. Chiê txo grêk tsơưs têx trâus hiêv tiv ntux no, txos nhiv no, Ủy ban huyện Than Uyên tưz muôx ntâuz ntơưr chox kriê kriz  uô chor tsưr ziv phax, tar ntux no trâu tsoz chos, tsiêx tu zus, tsiêx đêx thiêz chox kriê uô chiv ntux tsâus yiêz 2022-2023. Thôngx cxix, chox kriê têx xar yax kriê, hêk pox nhuôs muôz tax thêir vor trâu chor zuz blêx; tsik tsêz chos blêx trâu chor hnuz ntux no chênhr, no njiv… Zơưv Nguyễn Trọng Hướng, Phưv trưởng phòng Kôngz nuv thiêz huôv tsar jêx jok huyện Than Uyên puz pâuz:

“Cơ quan uô hâux lưv no tưz hêik pâuz têx ntâuz ntơưr chox krie Ủy ban têx xar, thị trấn kriz uô jông côngz xưv phax, tar ntux no trâu tsoz chos, tsiêx tu zus. Sir jos yax kriê trâu pox nhuôs tsik tso yar têx tsiêx cxu, chox lok tu zus tsêx trung ntơưv tsês tsêr guôx. Thiêz bax tsês chiê têx zav nox, taz por vêv xênhz thú y, tsuôs yuôx tuô lov caz moz têx tsêr guôx, cux xưk li bax kriz uô cxax têx zav yuôx vắc xin chiê paz phax, tar jông cxuô zav caz moz trâu chor tsiêx cxu cux xưk li chor tsiêx tu zus hâur chêix ntux no chênhr, no njiv”./.

(Khắc Kiên-Lik Thox cxêik nhênhv)

Công an huyện Tuần Giáo, tỉnh Điện Biên nhiv kruôr ntêk tâu Cà Văn Thắm, xênhz shông 1999, nhoz ntơưv jok Món, xã Quài Tở, huyện Tuần Giáo, tỉnh Điện Biên huôz lưv tus xor tôngx. Tsênhv tsênhv, thâuv 10 six tsâuk ntux hnuz 26/12, Thắm cheix yêz meir ntơưv tsêr nhoz hâur jok Món, xã Quài Tở muk trâu thax tsav Tân Tiến, thị trấn Tuần Giáo uô si. Viv kêr txeik fôngx zưs nhiêx chiê tưr txiêx đhâu sâuv mạng xã hội, tsi muôx nhiêx txiêx thêv, Thắm pov tix lâus Lường Văn Mạnh tsênhv jâuv nhoz iz lênhs ntơưv trôngx thiêz tuôr xor tôngx ntơưv têk, Thắm tưz xar tsưr ziv huôz tix lâus Mạnh luz xor tôngx co. Đhâu ntơư, Thắm cheix yêz muk jê tix lâus Mạnh thiêz uô txux nus li uz li no, tok txos thâuv tix lâus Mạnh tsi ndo kaz phax, tưz huôz gra luz xor tôngx ntơưv tix lâus Mạnh  têk cheix yêz meir khiêr. Txuz nuv co nhiv no công an huyện Tuần Giáo tsênhv uô cov tiêr têx ntâuz ntơưr chiê muôz tik cêr cxâuv trơưk li chei têz qơưk cui tinhv./.

Vũ Lợi-Riê Lâux cxeik, nhênhv