Đros njiêz luk “Lào Cai-qơư jông trâu sơưr đơưk tuôx ndis seiz uô si”, zar hnuz kêix 28/8, tưz tsưr tsix tsaz yênhx Lào Cai-Thái Lan sik côngv, muôx têx lênhx hlôngr njêx muôs hâu nov ntơưv qơư, ngênhx muôx vax huôv tỉnh Lào Cai, Đại sứ quán Thái Lan thiêz chor doanh nghiệp 2 têz qơưk cxaz chuôz. Tsaz yênhx heik sâuv tưz piêr kriê têx muôx jông ntơưv trôngx đriv Lào Cai thiêz hâur thax tsav têx chei hu zâuv yưv pênhr uô trâu Thái Lan pâuz txos. Zơưv Hoàng Quốc Khánh, Phưv Chủ tịch Ủy ban tỉnh Lào Cai heik mênhx, ntơưv qơư zuôr sir jos buôk ti têx lênhx nênhs yưv pênhr uô, doanh nghiệp Thái Lan, cux li sik hux jos sei thiêz jông đros têx doanh nghiệp Lào Cai: “Pêz xar thiêz chiê siêz nzor tâu txeik tok têx lênhx nênhs yưv pênhr uô, doanh nghiệp Thái Lan tuôx yưv pênhr uô ntơưv Lào Cai. Pêz chos luk zuôr sik hux jos thiêz muôz jông six hơưv trâu uô têx ntâuz ntơưr, zuôr ar, kriê txux chi tsưr ziv uô hâux lưv, yưv pênhr cxiv uô têx côngz trênhx zov chênhr.....chiê lênhx nênhs yưv pênhr Thái Lan tso siêz huôv tsar uô truôx cxuô luôs hâux lưv ntơưv Lào Cai”./.

          An Kiên-Riê Lâux cxeik, nhênhv

Shông cơưv 2024-2025, Lai Châu muôx 335 taz viv tsêr cơưv, 5 cxênhz 200 ntâu lớp cơưv thiêz 150 cxênhz ntâu lênhx shux xênhz. Chiê tuôv zênhv zoz qơưx shông cơưv yiêz, txos nhiv no zuôr xar 11 cxênhz 400 lênhx cán bộ seiz car, cưk kriê, nhân viên, hâur co muôx zuôr xar 8 cxênhz 600 lênhx cưk kriê kriê ntơưr tưz muôx njêx muôk ntơưv taz viv chiê uô côngz xưv bax trâu shông cơưv yiêz. Taz sik, phêv liv đros nganhx zaoz zux tiv phaz hâur shông cơưv no zos tsênhv yuôr muôx nhos 972 lênhx cưk kriê thiêz thiêx li txâuk ploz tsênhr biên chế tâu choz. Pos Nghiêm Thị Kim Huê, Phưv Giám đốc Sở zaoz zux Lai Châu puz pâuz, muôx tsi txâuk cưk kriê ntơưr nhoz tas nro têx cấp cơưv, hâur co lok six zuôr trâus muôx 330 lênhx cưk kriê têx môn cơưv li luk Anh, Tin học, Mỹ thuật, Âm nhạc: “Lai châu li phêv liv hâur côngz xưv xeir zuôr cux li ntâu tỉnh txơưr zos tsi muôx cưk kriê chiê xeir zuôr. Nhiv no phênhv ntâu sâuv tas nro têz qơưk têx tỉnh puôr lênhx muôx tsi txâuk cưk kriê ntơưr thiêz puôr lênhx muôx zoz qơưx xeir zuôr. Đros Lai Châu mak zos tỉnh muôx KTXH tsênhv phêv liv pir đos têx tỉnh txơưr, viv li hâux lưv zaz zâuv cưk kriê tuôx  Lai Châu cux njiz ntâu phêv liv đuô pir đros têx tỉnh txơưr”./.

Khắc Kiên-Txâur Vax cxeik nhênhv

Ủy ban tỉnh Điện Biên nhiv kruôr đhok thiêz muôz lok sir zôngv têx meir cxeik đuôz camera seiz kaz, qênhz shuôs têx yêz muk lol tâus cêr, seiz kaz truôx tuk thax tsav côngz côngv. Têx meir cxeik đuôz seiz kaz, qênhz shuôs yêz muk lol tâus cêr ntơư muôx 19 meir camera seiz kaz, xưv bluô têx uô cxâuv chei cheix yêz muk lol tâus cêr thiêz 6 meir qênhz yuôx têx yêz muk lol. Chor meir co tâu đhok tso ntơưv têx cêr yuôv tênhz liêz tênhz njuôz zuôr paz cơ quan muôx vax huôv đơưk uô tâu sei têx hâux lưv phênhz kriê cêr trâu yêz muk lol, têx tsi jông hâur thax tsav qơư muôx meir cxeik đuôz co. Zơưv Lê Thành Đô, Chủ tịch Ủy ban tỉnh Điện Biên heik pâuz, đhok uô têx meir li heik sâuv zos ntơưv qơư li sir jos chiê uô tâu jông đuô cxuô luôs hâux lưv lok seiz car, taz por truôx tuk xã hội, truôx tuk zoz thôngz. Đhok uô têx meir cxeik đuôz camera zos tỉnh iz hâur têx hâux lưv zov chênhr chiê fuô uô lơưr têx hlôngr yiêz trơưk ntu têz qơưk huôv tsar nhiv no./.

Vũ Lợi-Riê Lâux cxeik, nhênhv

Têx hnuz no, têx jêx jos, têx cêr muk lok nhoz niêv đrôngs Sơn La, tỉnh Sơn La puôr lênhx đei têx qix liêz chiê hơưv tos hnuz tsiêz độc lập Quốc khánh xiêz 2/9. Têx huôx tôngv yax mông tâu chuôz tsar uô; têx qix, têx băng rôn, têx lo luk heik jông tâu đei cxuô qơư sâuv têx cêr lox hâur niêv đrôngs thiêz têx jêx jos. Đhâu co gôngr phênhv zaoz zux cêr chax chês nhiêv têz, nhiêv qơư, muôz siêz chinhz yênhx sik côngv siêz mênhx cxưx thiêz khav tênhv truôx siêz cxiv tsa têz qơưk ziv hnuz ziv bluô nux, vav mênhx. Niêv lâuk Kiều Thị Trang nhoz tuêv 3, phường Tô Hiệu, TP Sơn La heik: “Ndax Tsiêz độc lập yênhx shông, cur chuôz zis puôr lênhx đei qix, iz jiês jiês đei qix cur cux pov lok six txưv haox, shir phaz thâuv tâu nhoz uô nênhx hâur iz têz qơưk hôx fênhx, shir phaz li no”./.

Trấn Long-Txâur Vax cxeik nhênhv