Uô lơưr Hội Nôngx mênhx tỉnh Sơn La thiêz Ủy ban TP Sơn La li ntênhs phuôx tôngv Phôngz yaox sâu zuôr têx txir ntông phưx vưv muôs trâu luôs 2 chas têz qơưk đrâuv shông 2022, nhiv kruôr đhâu, ntâu lênhx pêx xênhv Sơn La tưz muk krưr têx txir mo môngk pêv têx liêx têz chiê tsi trâul caz tho nox uô ruôr hiêv. Tỉnh Sơn La nhiv no muôx 80 cxênhz ntâu ha tsoz chos ntông nox txir thiêz txir tuôz ziz; 20 cxênhz ntâu ha tsoz chos uô lơưr cui tinhv uô kôngz nuv hur jông. Ciêz đrôngs sâu zuôr, muôs trâu luôs 2 chas thax tsav jux juk tâu krêz đar, 17 xiv huv tsênhv tâu sâu zuôr, muôs trâu 21 luz têz qơưk thiêz thax tsav sâuv ntiêx têz. Ntơưv ntênhs phuôx tôngv heik sâuv, zơưv Lường Trung Hiếu, Chủ tịch Hội nôngx mênhx tỉnh Sơn La heik pâuz, shông no, Sơn La sir jos krưr têx hnaz tax trâu nhos 15 tsov têx txir shôngz ntông cov jông gâux, tsi trâul caz tho nox, uô ruôr hiêv:

“Pêz vav chiê siêz, thôngz đhâu phuôx tôngv phôngz yaox li no, zuôr vênhv tôngv tâu chôngz lênhx ntâu tus canr bôv, hội viên nôngx mênhx tror huôv tsar uô têx kông jông, phưx vưv sâu zuôr thiêz muôs trâu luôs 2 chas têz qơưk đrâuv. Lar heik hâur chiv 2022 no, pêz sir jos vênhv tôngv tsôngv pêx xênhv krưr têx txir mo môngk, co zos iz hâur têx shông chor txir mo môngk ntâu, ciêz đrôngs sâu zuôr tsênhv phiv liv. Chênhr zos li heik co, xar njôngr têx kôngz zuôr uô tâu trơưk li tsưr ziv”./.

 (Lê Hạnh-Riê Lâux cxeik, nhênhv)

Ban sêiz car di tích, Sở Vênhx huôv, Thể thao thiêz Du lịch tỉnh Điện Biên nhiv kruôr sik côngv đros Viện Khảo cổ học Việt Nam tsưr tsix hêik pâuz lok têx kror nriêr pâuz jiês tiv iz hâur kror tsuô Thẩm Tâu, xar Pa Ham, huyện Mường Chà. Lơưr co jiês nriêr pâuz kror tsuô Thẩm Tâu tiv iz tâu kriz uô txix hnuz 15/2 txos hnuz 30/3, sâu tsês tâu iz cxiê zav muôx tsiv gri. Cxuô zav txix poz jêz nriêr pov tâu hâur kror tsuô no muôx nhos 2.000 tiêu bản. Zos têx zav li têx đêiv poz jêz nhiêk, têx chuôz zênhx txix poz jêz, tâuk txix poz jêz muôx hniêr njê thiêz iz cxiê zav tsênhv xav jênhv tsik tâu tâu. Chor no mak xav zuôr muôx nhos 7.000-9.000 shông xav lok txos nhiv no. No zos têx vênhx huôv hêik txos pêx xênhv pâuz sir zôngv cxuô zav li no huv đros trâu ntu uô ntêx Đông Sơn nhoz thax tsav tiêx đras đêx liêz. Thiêz xav mak chor vênhx huôv no muôx txix 3.000-3.500 shông xav lok txos nhiv no./.

(Vũ Lợi-Lik Thox cxêik nhênhv)

Iz qơư thêir cêr yiêz tâu cxiv uô ntơưv xã Hoàng Liên, thị xã Sa Pa, tỉnh Lào Cai chiê phưx vưv luôs hâux lưv cxax yuôx phax phôngz moz Covid-19. Trơưk li zơưv Vương Trinh Quốc, Chủ tịch Ủy ban thị xã Sa Pa, kror qơư no zos hâu nov xã bax tsưr ziv uô. 5 six sơưr nzor hâur niêx hnuz,  qơư co qir uô hâux lưv chiê tok tsôngv pêx xênhv muk uô liêx têz ntơư cêr. Đhâu thâuv heik, yax kriê trâu pêx xênhv, canr bôv y tế zuôr uô hâux lưv cxax yuôx pahxx phôngz moz. Tsôngv niêv txir lax pêx xênhv cux jông siêz, thôngx ziv đros hâux lưv uô li co. Tâu pâuz, tsi tiêk Sa Pa xưz, iz cxiê huyện tox siêz txơưr đuô hâur Lào Cai li: Bắc Hà, Mường Khương, Si Ma Cai cux njiz trâul phiv liv hâur fuô uô luôs hâux lưv cxax yuôx vắc xin phax tar moz Covid-19, tsuv uô lơưr ntâu faz tsưr ziv chiê cxax tâu têx yuôx phax phôngz moz gênhk trâu tsôngv pêx xênhv hâur jêx jok, cov tâu trơưk li tsưr ziv tso tơưv./.

 (An Kiên-Riê Lâux cxeik, nhênhv)

Ntơưv jok Phòng Sài, xar Nà Nghịu, huyện Sông Mã, tỉnh Sơn La, Phòng Cảnh sát qênhz yuôx nênhs phamv cxâuv lok zax zênhz (Công an tỉnh Sơn La) sik côngv đros Công an huyện Sông Mã tưz pov, cxov tsês Lường Văn Phương, zus shông 1989, nhoz ntơưv jok Phòng Sài, xar Nà Nghịu, huyện Sông Ma, tỉnh Sơn La zuôr muôs tsik zos chêi zax zênhz. Sâu tsês muôx 1.897 luz yuôx shơư zax zênhz; 2 poz zênhz đơưz; 1 luz điện thoại thiêz ntâu zav cik txos. Ntơưv cơ quan Công an, Phương hêik tiêk zuôr chor zax zênhz co ntơưv thax tsav ntus đriv chox lok sir zôngv thiêz muôs chiê zuôr liv. Nhiv no txuz hâux lưv tsênhv tror tâu qênhz yuôx cov tsênhz mênhx./.

(TTTB-Lik Thox cxêik nhênhv)