Đhâu thâuv gri têx trox yêz tror tâu txo grêk kik 4 jiês tsik so, ntâu zav hax huv tưz ndê gri trơưk gri trox yêz cux tsik tâu txo grêk uô trâu nênhs sir zôngv nhoz tox siêz Sơn La lok six cxơưx. Chor nganhx muôx vax huôv ntơưv thax tsav qơư tsênhv kriz uô tsưr ziv truôx tuk gri cux xưk li chuôz cxaz qênhz yuôx ciêz đrôngs. Pos Đỗ Thị Bích Châu, Phưv Giám đốc Sở Công thương Sơn La puz pâuz, uô lơưr Chinhr phuv thiêz Ủy ban tỉnh li chox kriê, nganhx tưz thiêz tsênhv sêiz kaz truôx jông têx txơưr txar sâuv ciêz đrôngs, sir jos chox kriê, muôx tsưr ziv chiê paz truôx tuk  gri:

“Sở cxiv tsa tsưr ziv sêiz car thiêz truôx tuk gri têx hax huv zov chênhr. Thôngx cxix, sik côngv đros têx Sở, nganhx, huyện, thành phố, Cục sêiz car ciêz đrôngs chuôz cxaz uô qênhz yuôx ciêz đrôngs, qênhz yuôx gri, chor nênhs cxoz txưv tuôr tsês hax huv, ndê gri tsik zos chêi, tiv zix zos chor hax huv tsuv tâu tuôr truôx tuk gri. Sik côngv đros têx taz viv chiê pâuz tsênhz txos gri têx hax huv, muôx tsưr ziv uô cov huv đros trâu qênhx shênhx nhiv no./.

(Lê Hạnh-Lik Thox cxêik nhênhv)

Huyện Sìn Hồ (Lai Châu) tsênhv muôx ntâu tsưr ziv paz tsôngv box chuv tôngv phax tar moz trâu tsiêx cxu, keiz ok. Zơưv Bế Văn Tiệp-Phưv giám đốc Tsênhv qơư jix vuv kôngz nuv huyện Sìn Hồ puz pâuz: Ntu đhâu, tsênhv qơư jix vuv kôngz nuv huyện tưz đros têx chiz coaz muôx chuyên môn chox kriê UB têx xã, thị trấn cxơưz tiês yax mông, heik kriê têx ziv chuôz zis tu zus pâuz tsênhz qênhx shênhx moz. Đhâu co, tsôngv box sâuv thax tsav muôz siêz jênhv pâuz lok côngz xưv phax tar moz trâu tsiêx cxu, keiz ok. Tiv zix li tix lâuk Lý A Nhè nhoz jos Tà Ghênh (xã Phìn Hồ, huyện Sìn Hồ) muôx 15 tul buô, tix lâuk uô vêv xênhz guôx tu zus hur đuu, tsuôk yuôx tuô caz moz iz ndis qơư tu zus thiêz seiz njôngr qênhx shênhx moz sâuv têx phaz pênhv thôngz xor mông chiê phax tar moz trâu buô. Khov co, txos nhiv no, tix lâuk chor buô muôx jông đas jos thiêz hloz lox jông./.

(TrangtraiViet-Txâur Vax cxeik nhênhv)

Tỉnh Yên Bái chuôz cxaz uô têx tsưr ziv, tiv zix zos côngz xưv yax kriê chiê sir jos uô côngz xưv cxax nzir chor côngz yuôx vắc xin phax moz Covid-19 tiv oz trâu chor nênhs muôx 18 shông tror sâur thiêz cxax nzir côngz yuôx tiv iz trâu chor nhuôs txix 12 txos tsik tâu muôx 18 shông sâuv thax tsav.

Chiê kriz uô tâu truôx jông côngz xưv cxax yuôx, Nganhx Y têr Yên Bái tưz chox kriê chor qơư y têr ntơưv thax tsav qơư sêiz car truôx jông chor nênhs nhoz sâuv thax tsav, uô lơưr tsưr ziv muk trâu yênhx kror qơư, yênhx chuôz zis, hêik yênhx lênhx nênhs pâuz, cov tsik muôx lênhx tưs nhoz sâuv thax tsav qơư tsik tâu cxax yuôx. Côngz xưv tsưr tsix, kriz uô cxax yuôx tâu uô jông, huv đros trâu yênhx hov nênhs sâuv thax tsav. Pos Vũ Việt Dương, Trưởng khoa qênhz yuôx caz moz, Tsênhv qơư Y têr thành phố Yên Bái puz pâuz:

“Muôx sik côngv cxix cxuô txix cxuô cấp nganhx uô jông côngz xưv yax kriê trâu pêx xênhv thiêz pêz tưz kriz uô têx qơư cxax yuôx muk jê tiv zix txos trâu pêx xênhv. Pêz uô chor qơư cxax yuôx ntơưv têx Trạm Y têr xar, phường lok sik têx tsêr vênhx huôv chiê cov pêx xênhv tuôx cxax yuôx tâu jông tiv zix thiêz sêi tiv zix”./.

(Tuấn Xuân-Lik Thox cxêik nhênhv)

Chuôz zis niêv lâuk Nông Thị Phiến nhoz jos Làng Nủ, xã Phúc Khánh, huyện Bảo Yên (Lào Cai) huôv tsar trâur nuv chos txir ndeiv tox, muôx phênhv sâu  ngaz tul. Niêv lâuk Phiến pheiz kênh: shông 2019, đhâu nriêr pâuz sâuv mạng internet, niêv lâuk pâuz txos trâur nuv chos txir ndeiv tox nhoz xã Quảng Tiến, huyện Quảng Trạch, tỉnh Quảng Bình viv li tưz cxaz chuôz cơưv shâuv chênhz zênhv. Đhâu muk seiz shuôk tsênhv tsênhz, niêv lâuk cuiz tênhv zuôr 3 cxênhz ntâu tsoz lok chos siv sâuv 1 hecta ar. Shông 2021, niêv lâuk Phiến chuôz zis sâuv chiv xuz thơưx tâu 1 tênhr, đros grê muôs zos 40-50 cxênhz đeiv iz cir, chox lok phênhv sâu 40 tsov đeiv. Chiv shông 2022, sâu tâu ntâu đuô shông tov ntêx, njuôs xav tax muôx nhos 3 tênhr, niêv lâuk chuôz zis li phênhv sâu zos 120 tsov đeiv. Đrâuv muôs txir ndeiv tox trâu niêv ciêz, thâuv txos cheix tơưk pax, iz hnuz, niêv lâuk chuôz zis tos muôx nhos 100 jiês kruô hâur thiêz đrâuv huyện tuôx ndis shuôk, tsov shav, iz jiês sâu 20 cxênhz đeiv. Txix jix vuv no cux chox lok phênhv sâu trâu niêv lâuk Phiến chuôz zis./.

(Báo Dânviet-Lan dịch đọc)