Tas cik hnuz xiêz 5/4, ntơưv tsênhv qơư Phêv ziv tỉnh Điện Biên, Ban trị sự Giáo hội phật giáo VN tỉnh Điện Biên tsưr tsix Đại hội teiv plor jiês tiv 3, six cxiv 2022-2027. Hâur six cxiv nhiv kruôr đhâu, Ban trị sự giáo hội Phật giáo VN tỉnh Điện Biên tưz tso tơưv tsưr ziv huôx tôngv tsênhz mênhx; têx tăng ni, Phật tử phuôx huiz chính yênhx sik côngv siêz, khov co tưz tsưr tsix yênhx côngz ntâu huôx tôngv vênhx huôv jông li: đại lễ Phật đản, lễ txi côngv thiêz Vu Lan ; têx khóa tu trâu tsôngv box Phật tử, hluôk nênhs; Ntênhs phêv Phật giáo cheix pax lâuk...Đros côngz xưv xã hội thiêz siêz jông, tưz gôngr 34 tỷ đeiv ntâu chiê cxuôv tsêr lav nhoz, cxiv tsa tsêr cơưv ntơưr, uô cêr bê tông./.

(Vũ Lợi-Txâur Vax cxeik nhênhv)

Ntâu shông đhâu, cxuô cấp ủy đảng thiêz hâu nov ntơưv Sơn La tưz sir jos chox kriê lês uô hâux lưv phax tar siz zuôr nzor, siz zuôr cxênhz jê. Phênhv ntâu tsôngv box tưz uô lơưr chei siz zuôr thiêz chuôz zis, siz zuôr trơưk cui tinhv thiêz txưv hnuz nhôngs. Taz sik, hâux lưv qênhz yuôx, ntâuk grê chiê qênhz pov nzor, phax tir thêir têx li heik co nhoz iz cxiê thax tsav qơư cux tsênhv tsi tâu tâu uô jông, iz chas co têx lênhx uô cxâuv tsi tâu xưv bluô txos qơư, uô trâu têx gơưv niêv txir siz zuôr nzor cux tsênhv muôx yưv. Ciês ntơưv jok Tà Dê, xã Lóng Luông, huyện Vân Hồ, hâur hli 2 thiêz hli 3 tưz muôx 13 gơưv niêv txir siz zuôr nzor thâuv hnuz nhôngk nhiv kruôr muôx 14-16 shông. Trơưk li Bí thư chi bộ, tsar jok Tà Dê Trồng Xênhv Zax, hâur jok cux pâuz uô ntêx têx li heik co, taz sik phax tir thêir tsi tâu, txơưv chei têz qơưk, hâur jok, hâur xã tưz muôx têx cui tinhv. Tix lâus Trồng Xênhv Zax xar tiêk, chiê phax tir thêir tâu têx li heik sâuv, hâu nov cxuô cấp tsuv xưv bluô ntov jông têx chuôz zis uô cxâuv:

“Lok sâuv siz zuôr nzor, hâur jok no shông tưs cux muôx. Têx chuôz xênhv cux tưz yax kriê txos trâu chor tuz nxeik tsi khênhr zuôr pox niêv, zuôr txir nzor taz sik têx no lok six phiv liv cơưk, pêz nênhs Hmôngz tưz 2, 3 tiêv nênhs lok no lơưv, nhiv no cux uô tsi tâu. Zos tsar jok, cur cux yax kriê txos trâu tsôngv niêv txir cưr tix nênhx tsa sơưr đơưk tiêk, cov tsi cxoz uô li ntơư, taz sik thâuv tưs đhâu nox tsiêz tas cux muôx ntâu gơưv niêv txir siz zuôr tsi tâu txưv shông”./.

 (Thủy Ly-Riê Lâux cxeik, nhênhv) 

Ntu jê ntơưv no, sâuv thax tsav huyện Mường La, tỉnh Sơn La tsi so muôx têx txuz tuz saz tuz nhiês xor tênhv tenhz trạm biến áp, uô pôngz tênhv nhoz ntâu cêr tênhv, qơư tsôngv box nhoz uô nênhx, uô zênhr shar txos taz por tênhv tênhz, cux xưk li tsôngv box luz nênhx. Txix qênhx shênhx co, Công an huyện Mường La tưz chuv tôngv krêz uô uô cê têx tsưr ziv, pâuz tâu qênhx shênhx, chuôz tsar phax tar, tơưv txênhz đros zav nênhs phamv cxâuv no, tiv zix zos nênhs tuz saz tuz nhiês. Xav txix hâur shông 2021 txos nhiv no, taz viv tưz pov, yưr lir 6 txuz, 8 lênhx nênhs muôx lênhx coaz txos tuz saz tuz nhiês xor tênhv, gôngr phênhv uô ngaz tul đuô sâuv thax tsav. Zơưv Ninh Quang Dũng, giám đốc tênhv jos huyện Mường La, tỉnh SƠn La pheiz kênh:

“Nênhs fêv nhiês têx chuôz zênhx tênhv tênhz lok six riêz nênhs, tiv 1 uô zênhr shar txos taz por phax cuz tuô cuz nhoz tsôngv box tsêr, tiv 2 zos tsi taz por trâu têx ziv chuôz zis nhoz thax tsav co thiêz nênhs zôngv tênhv sâuv thax tsav li txox siê; tiv 3 zos uô zenhr shar txos txiv ngaz sâuv thax tsav thiêz uô tso tsês hâux lưv cungz tênhv đêz đar thiêz njiz ntâu phêv liv txơưr”./.

(CTV-Txâur Vax cxeik nhênhv)

Ủy ban tỉnh Yên Bái nhiv kruôr tso tơưv quyết tinhv xưv bluô Công ty tsiv uô ntông Thiên An VIệt Nam, muôx qơư nhoz ntơưv thax tsav công nghiệp faz Nam tỉnh Yên Bái 100 tsov đeiv viv uô cxâuv lok sâuv tsi truôx tuk phax cuz tuô cuz. Uô ntêx ntơư, hnuz 21/3, hâur six hơưv qênhz yuôx truôx tuk phax cuz tuô cuz ntơưv Công ty tsiv uô ntông Thiên An Việt Nam, Phongx Cảnh sát phax cuz tuô cuz thiêz chơưv paz lênhx nênhs, Công an tỉnh Yên Bái qênhz pov doanh nghiệp no tưz uô cxâuv têx cui tinhv lok sâuv truôx tuk phax cuz tuô cuz, zôngx ziv muôx yưv têx tsi jông, tơưs cuz thiêz tưz uô ntơưr xưv bluô uô cxâuv hành chính./.

(TTTB-Riê Lâux cxeik, nhênhv)