Hnuz xiêz 6/4, Ban tuyên giáo TW li đoanx côngz xưv số 6 zos zơưv Trần Thanh Lâm, Phưv tsar Ban tuyên giáo TW uô tsar đoanx tưz muôx jiês uô hâux lưv đros tỉnh Sơn La lok côngz xưv cxiv tsa, hlôngr yiêz Đảng thiêz tas nro cxix luôk chính trị; côngz xưv tuyên giáo, chêx cuk uô Bộ chính trị li chỉ thị số 05 lok cxơưz tiês cơưv shâuv thiêz uô lơưr Hloz Hôx li cêr uô nênhx jông. Phuôx plov ntơưv jiês uô hâux lưv, zơưv Trần Thanh Lâm tưz sâu jênhv, kruôk txos tỉnh Sơn La li têx chêx cuk tax tâu hâur hâux lưv krêz uô Đangv li têx chỉ thị, nghị quyết. Thôngx cxix thix ziv hâur ntu zuôr txos, Sơn La tsuv tror nhênhz chơưv tsưr tsix krêz uô muôx chêx cuk Ngị quyết đại hội Đangv tas nro têz qơưk jiês tiv 13 thiêz Nghị quyết đại hội Đangv têx cấp; krêz uô muôx chêx cuk Bộ chính trị li ntâuk grê số 01 hnuz 18/5/2021 lok tror uô Bộ chính trị li Chỉ thị 05 “cxơưz tiês cơưv shâuv thiêz uô lơưr Hloz Hôx li siêz xar, cêr uô nênhx jông” tror muôz siêz đuô thiêz côngz xưv ndar txos tiv phaz, txos xã hội chiê taz por muôx chêx cuk..../.

(TTTB-Txâur Vax cxeik nhênhv)

Ciêz hmo ntux Bắc Hà, Lào Cai bax zuôr tâu khưx phưx yiêz thiêz jông đhâu iz ntuk tsuv so viv moz Covid-19. Iz chas co, xav txix 8 six tsâuk ntux hnuz xiêz 09/4, zos gâuk hmo so chiê bax txi côngv phuôz têik Hùng Vương, ciêz hmo ntux Bắc Hà zuôr tâu tsưr tsix uô ntâu zav txux chi cêr lov jêv li: Đhiê pax vuôk xòe, đhiê kênhx…. Iz chas ntơư, tsôngv kruô tuôx ntơưv ciêz no tsênhv tâu seiz njiê pov tsôngv box Hmôngz, Cho, Tày, Nùng hâur thax tsav qơư li têx tsôngk tril yo tiêz khax jông jav, nox siv têx zav nox kaz thiêz. Ndax six hơưv txi côngv phuôz têik Hùng Vương, ntơưv Bắc Hà cux zuôr uô ntênhs hội pax nyuô blêiv  trâu ntơưv Dinh thự Hoàng A Tưởng chiê phưx vưv tsôngv kruô sơưr đơưk hâur thiêz đrâuv luôs 2 chas thax tsav qơư tuôx ndis seiz uô si./.

(An Kiên-Riê Lâux cxeik, nhênhv) 

Iz txuz hluôr tơưk uô cuz nhiêz tas luz tsêr lơưx thiêz têx chuôz zênhx hâur tsêr nhiv kruôr muôx yưv ntơưv xã Lóng Phiêng, huyện Yên Châu, tỉnh Sơn La. Tsênhz mênhx txuz hluôr tơưk cuz tsêr nhoz muôx yưv thâuv zar hnuz keix hnuz xiêz 4/4 ntơưv chuôz zis tix lâuk Vì Văn Tình thiêz niêv lâuk Lò Thị Hương, mênhx cxưx Xinh Mun nhoz jos Cò Chịa, xã Lóng Phiêng, huyện Yên Châu (Sơn La) li tsêr nhoz. Môngr jông tsi muôx ruôr hiêv lok lênhx nênhs, taz sik luz tsêr thiêz chuôz zênhx trâus cuz tas hur si, tas nro tsiv grê muôx nhos 300 tsov đeiv. Qir tiv qir thơưx tâu xav tênhv zos tiv cuz tênhv tênhz./.

(T Thùy-Txâur Vax cxeik nhênhv)

Phongx Cảnh sát qênhz yuôx têx nênhs zuôr muôs uô luôv zax zênhz tsi trơưk chei, Công an tỉnh Yên Bái nhiv kruôr qênhz pov, ntêk tâu txuz zuôr muôs 18 cxênhz njiêr yuôx shơư zênhz. No zos txuz zuôr muôs, uô luôv zax zênhz lox yax xav txix thâuv ntêx txos nhiv no ntơưv tỉnh Yên Bái tâu qênhz pov thiêz ntêk tâu. Tsênhv tsênhz, thâuv 12 six tar su hnuz xiêz 02/4, ntơưv qar qơư 201, tsêr tok kruô tuôx nhoz so Tây Bắc Xanh hâur jok Nước Nóng, xã Tú Lệ, huyện Văn Chấn, tỉnh Yên Bái, tổ côngz xưv Phongx Cảnh sát qênhz yuôx têx nênhs zuôr muôs uô luôv zax zênhz tsi trơưk chei, Công an tỉnh Yên Bái qênhz pov, ntêk tâu Hoàng A Hồng, xênhz shông 1997, nhoz ntơưv jok Ngài Thầu, xã Nà Bủng, huyện Nậm Pồ, tỉnh Điện Biên zuôr muôs uô luôv zax zênhz tsi trơưk chei. Lưv lươngv muôx vax huôv tưz sâu tsês ntơưv qơư muôx nhos 18 cxênhz njiêr yuôx shơư zênhz, hnhar muôx 1.500 gam, đros trâu iz cxiê zav chuôz zênhx txơưr đuô cik txos. Ntơưv cơ quan qênhz yuôx, xuz thơưx Hoàng A Hồng krêz lênhk tiêk, zuôr chor yuôx shơư zênhz co ntơưv Lào gra lok hâur thax tsav tỉnh Yên Bái chiê muôs. Nhiv no txuz nuv co tsênhv tror tâu qênhz yuôx, uô tsênhz mênhx./.

 (TTTB-Riê Lâux cxeik, nhênhv)