Sox seiz jiês cơưv nus Bộ trưởng Bộ Kôngz nuv thiêz huôv tsar tox siêz Lê Minh Hoan, phênhv ntâu cử tri Lai Châu jông siêz, thôngx ziv đros têx luk nus chor đại biểu tưz heik, viv no cux zos têx zov chênhr hâur huôv tsar kôngz nuv truôx vênhk chor cử tri hâur tas nro têz qơưk heik cxuô, tỉnh Lai Châu heik taz lok six moz siêz txos. Cử tri Trần Hùng Mạnh, nhoz xã San Thàng, TP Lai Châu, tỉnh Lai Châu heik:

“Cur jông siêz, thôngx ziv đros têx mak chor đại biểu nus Bộ trưởng Bộ Kôngz nuv thiêz huôv tsar tox siêz Lê Minh Hoan, lar heik zos lok sâuv uô lơưr têx tsưr ziv hâur huôv tsar uô kôngz thiêz qơư sâu zuôr truôx têx xiv huv kôngz nuv. Trơưk li cur, Bộ Kôngz nuv cux tsuv muôx cêr sik hux jos truôx đros têx bộ, ngênhx txơưr đuô chiê sik pheiz kênh phiv liv hâur six hơưv đhâu đros tsôngv pêx xênhv, paz kôngz nuv têz qơưk huôv tsar truôx jông đuô thiêz ziv hnuz  ziv uô tâu ntâu luôs hâux lưv trơưk siêz xar”./.

(Khắc Kiên-Riê Lâux cxeik, nhênhv)

Ntux lok nas lox hâur oz hnuz đhâu sâuv thax tsav tỉnh Sơn La tưz uô 2 lênhx nênhs trâus saz, ntâu tsêr nhoz thiêz côngz trinhx zoz thôngz trâus puôk tsuôx, njuôk xav têx trâus hiêv tas muôx 1,7 tiv đêiv ntâu. Tsênhv tsênhz, ntux nas đêx ngaz cuôr tưz uô 2 lênhx nhuôs zâu, iz lênhx zus shông 2016 thiêz 1 lênhx zus shông 2019, nhoz ntơưv jok Chậu Cọ, phường Chiềng Cơi, TP Sơn La trâus saz tiv ar poz lok uô iz saz fa nja tsêr poz vâu lok trâus; nhiv no tas nro oz lênhx nhuôs co tsênhv tâu chơưv kho ntơưv tsêr kho moz Đa khoa tỉnh Sơn La. Ntux nas cux ruôr hiêv txos 126 luz tsêr; hâur co, 40 luz tsêr tsuv txar qơư nhoz sêi đrơưv tiv ar poz thiêz đêx ngaz. Tas nro tỉnh cux muôx nhos 65 héc ta blêx, tsoz chos ntêr shông thiêz jâuz tâuv cxuô zav trâus hiêv; 300 ntâu thiêr cưx đêx trâus tơưs; iz tuk njưs thêir pak đêx liv đros ntâu pak njêl trâus đêx cuôr yôngz…/.

(Trấn Long-Lik Thox cxêik nhênhv)

Trơưk li Ban seiz car phax tar ntux uô ruôr hiêv thiêz zok nriêr chơưv paz lênhx nênhs têx huyện: Mường Chà, Mường Nhé, Nậm Pồ, Tủa Chùa, Mường Ảng li heik pâuz sei, hâur 2 hnuz đhâu, sâuv thax tsav puôr lênhx muôx ntux lok nas lox uô ruôr hiêv tas ntâu têz qơưk thiêz tsôngv pêx xênhv têx chuôz zênhx chuôz tav uz no. Iz chas co, ntơưv huyện Mường Chà muôx iz chuôz zis, vax tsêr, qơư nhoz pov tơưs ntâu caz plêz, zôngx ziv trâul xưz poz tsêr; 11 chuôz zis nhoz hâur thax tsav zôngx ziv trâul xưz poz, uô ruôr hiêv txos têx vax tsêr ntơưv jok Phiêng Đất B, xã Nậm Nèn, hâur co muôx 6 chuôz zis nhoz qơư lok six riêz nênhs tưz tâu yêik txar zênhx max muk nhoz qơư truôx tuk; tsêr cơưv cxênhx nhuôs zâu Huổi Đáp, xã Pa Ham, ar poz jêz xưz poz lok cxuz tsêr tas. Huyện Mường Ảng trâul uô ruôr hiêv hnhar đuô hur si, đros thiêz 4 luz tsêr trâul đêx ngaz, tox xưz poz lok cxuz. Zuôr xar 70 ha têx kôngz lôngk thiêz shuôz njêl trâul ar, poz jêz xưz poz lok cxuz, đêx nas cuôr yôngz….. Njuôk xav xuz thơưx têx trâul ruôr hiêv tas xar muôx 2 tyv đeiv./.

(Vũ Lợi-Riê Lâux cxeik, nhênhv)

Nhiv kruôr đhâu, ntơưv jok Nậm Khát, xar Nậm Khắt, huyện Mù Cang Chải, tỉnh Yên Bái, Tôv côngz xưv Phòng Cảnh sát qênhz yuôx lok zax zênhz, Công an tỉnh Yên Bái sik côngv đros Công an xã Nậm Khắt, huyện Mù Cang Chải cxov tâu iz txuz zuôr muôs iz đêiv zênhz đơưz. Nênhs trâus cxov zos Cả Xênhv Zax, zus shông 1983, nhoz jok Pú Cang, xar Nậm Khắt, huyện Mù Cang Chải. têx sâu tâu zos iz đêiv zênhz đơưz, iz luz yêz mêir thiêz 3 luz điện thoại. Ntơưv cơ quan qênhz yuôx, Cả Xênhv Zax hêik tiêk tưz zuôr chor zax zênhz co txix tỉnh Sơn La chox lok tỉnh Yên Bái chiê muôs zuôr kror liv. Nhiv no cơ quan Cảnh sát qênhz yuôx, Công an tỉnh Yên Bái tsênhv tror qênhz yuôx, nriêr pâuz cov tsênhz mênhx chiê muôz tik cêr cxâuv trơưk chêi têz qơưk têx cui tênhv./.

(TTTB-Lik Thox cxêik nhênhv)