Nhiv kruôr đhâu no, Hội nôngx mênhx tỉnh Sơn La tưz tsưr tsix jiês tưr thik nôngx mênhx muôx tsưr ziv tỉnh Sơn La jiês tiv 5, shông 2022. Jiês tưr thik nôngx mênhx muôx tsưr ziv tâu tsưr tsix 5 shông iz jiês, chiê yax mông, cxơưz tiês têx phongz yaox tưr thik, zôngv công nghệ thôngz xor mông, chuôz cxaz chiê côngv thôngx pâuz txos, gôngr phênhv huôv tsar KTXH. Zơưv Lường Trung Hiếu, Chủ tịch Hội nôngx mênhx tỉnh, tsar Ban tsưr tsix jiês thik nôngx mênhx txơưx jông tỉnh Sơn La jiês tiv 5 puz pâuz:

“Xav tênhv no zos jiês xênhz huôx chính trị jông hâur cán bộ, hội viên nôngx mênhx tas nro tỉnh chiê nhênhz chơưv, cơưv shâuv Đangv, têz qơưk têx tsênhv chêi, chei têz qơưs muôx lênhx coaz txos kôngz nuv, nôngx mênhx thiêz nôngx cxênhz; pêz cux xar njôngr thôngz đhâu co zuôr paz cán bộ, hội viên nôngx mênhx tas nro tỉnh muôx qơư xênhz huôx jông chiê tâu sik pheiz kênh, cơưv shâuv chênhz zênhv, uô li chas cov đhâu iz jiês tưr thik tror lok tiv phaz zuôr muôx cxaz ntâu tsưr ziv huôv tsar cêr uô nox”./.

(Trấn Long-Txâur Vax cxeik nhênhv)

Lơưr tổng hợp txix Ban sêiz car phax tar ntux têz ruôr hiêv thiêz zok nriêr chơưv paz tỉnh Lào Cai, jiês ntux lok nas lox nhiv kruôr đhâu tưz uô 3 lênhx nênhs trâus saz tiv trâus xoz tuô, yênhx puô luz tsêr trâus ruôr hiêv, ntâu zav trâus puôk tsuôx.

Tsênhv tsênhz, 3 lênhx nênhs trâus saz tiv trâus xoz tuô thâuv tsênhv nox hmo ntơưv jok Chu Cang Hồ, xar Tòng Sành, huyện Bát Xát. Đuô li, ntux nas lox cux tưz uô xar muôx 600 luz tsêr trâus puôk tsuôx, ntâu tiv zix zos ntơưv thị xar Sa Pa muôx 400 ntâu luz tsêr thiêz 30 héc ta ntâu blêx nhoz thị xar Sa Pa trâus lor vâu… Nhiv no, chor thax tsav qơư trâus ruôr hiêv tsênhv nriêr pâuz lok têx trâus hiêv co, chox kriê lưx lươngv chơưv paz, pêx xênhv sêi đrơưv khưx phưx têx trâus hiêv co, muôx tsưr ziv paz trâu chor chuôz zis njiz trâus hiêv ntâu./.

(An Kiên-Lik Thox cxêik nhênhv)

Nhiv kruôr jê ntơưv no, ntơưv thax tsav ntus niêv đêx Liêz nhoz jos Cầu Vải, xã Mẫu Đông, huyện Văn Yên, tỉnh Yên Bái, tiv muôx têx tsi siz huv, jông siêz uô ntêx co, tix lâuk Cù Xuân Nam xênhz shông 1988, nhoz jos Cầu Vải tưz trâus Vũ Văn Hùng xênhz shông 1987 nhoz ntơưv xã Châu Quế Hạ, huyện Văn Yên zôngv triêv gâus uô trâus saz hnhar thiêz tuôs. Ciês thâuv tuô tuôs tix lâuk Nam  Hùng tưz nriêr cêr khiêr muk gâuv. Jênhv tâu xor, công an huyện Văn Yên, Phongx cảnh sát hình sự, Công an tỉnh Yên Bái thiêz Công an huyện Bảo Thắng, tỉnh Lào Cai tưz sik côngv đros têx lưx lươngv muôx txơưx jênhv qênhz yuôx ntơưv têx cêr muk lok thiêz thax tsav buôk co. Đhâu 5 six hơưv đros hnuz, tưz ntês tâu Vũ Văn Hùng. Ntơưv chiz coaz Công an, Hùng jênhv, tiv muôx têx luk tsi siz huv uô ntêx co viv li Hùng tưz zôngv triêv gâus tix lâuk Cù Xuân Nam, thiêz đhâu co txeik nhiêx txiêx,ntês yêz khiêr muk Lào Cai chiê gâuv. Nhiv no Hùng tưz tâu chox lok Yên Bái chiê phưx vưv côngz xưv qênhz yuôx/.

(VOVTB-Txâur Vax cxeik nhênhv)

Ntơưv thax tsav jok Đề Bua, xar Phìn Hồ (huyện Nậm Pồ, tỉnh Điện Biên), Zênhx Pênhz phax Si Pha Phìn sêiz shuôk jiês sik côngv đros Phòng phax tar zax zênhz thiêz nênhs phamv cxâuv, Bôv đôiv Pênhz phax tỉnh Điện Biên nhiv kruôr cxov tâu Lù Văn Võ (zus shông 1977),  nhoz ntơưv jok An, xar Mường Khoa, huyện Tân Uyên, tỉnh Lai Châu thiêz Lò Văn Ngân (zus shông 1992) nhoz jok Nà Hiền, xar Nà Tăm, huyện Tam Đường, tỉnh Lai Châu lok kror cxâuv zuôr muôs tsik zos chêi zax zênhz. Têx sâu tâu zos: 2 đêiv zênhz đơưz, 1 luz yêz mêir, 2 luz điện thoại thiêz 5 triệu đêiv ntâu.

Ntơưv cơ quan qênhz yuôx, xuz thơưx oz lênhx nênhs co hêik tiêk tưz sik côngv nhiêx chiê tuôx trâu tỉnh Điện Biên zuôr chor zax zênhz no txix iz lênhx nênhs pâuz tsik tsênhz bê chiê chox lok trâu tỉnh Lai Châu muôs. Taz sik, thâuv lok txos kror qơư co chêk trâus lưx lươngv Bôv đôiv Pênhz phax tỉnh Điện Biên cxov tsês. Nhiv no, Zênhx Pênhz phax Si Pha Phìn tsênhv tror qênhz yuôx nzir chiê muôz tik cêr cxâuv trơưk chêi têz qơưk têx cui tênhv./.

(Vũ Lợi-Lik Thox cxêik nhênhv)