Têis cik 7/12, Hôiv đôngx tỉnh Lai Châu khóa 15, ntu 2021-2026 tưz kriz cơưv jiês cơưv tiv 12 chiê sêiz lax, thôngz đhâu têx nghị quyết kriz uô tsênhv mênhx Đảng, Têz qơưk têx chủ trương, tsênhv chêi, cuêz tênhv têx jênhv vưv, tsưr ziv paz thơưz huôv tsar kinh têr-xar hôiv, taz por côx phax-ngaz tuk shông 2023 thiêz têx shông zuôr txos. Hêik ntơưv jiês cơưv, pos Zax Por Mỷ, Bí thư Tỉnh ủy, Chủ tịch Hôiv đôngx tỉnh Lai Châu hêik mênhx: Shông 2022 zos shông tiv oz kriz uô Đảng li Nghị quyết Đại hôiv Têiv plor tas nro têz qơưk jiês tiv 13, tsưr ziv huôv tsar kinh têr-xar hôiv 10 shông ntu 2021-2030. Chiê uô tâu têx tsưr ziv tưz tso tơưv, Hôiv đôngx tỉnh tsưr tsix 7 jiês cơưv chiê sêiz lax, cuêz tênhv têx tsưr ziv uô paz thơưz huôv tsar kinh têr-xar hôiv, taz por uô jông lơưr Ban Thường vụ Tỉnh ủy, Đảng Đoàn Hôiv đôngx tỉnh li chox kriê thiêz tỉnh li zoz qơưx tsênhv tsênhz. Jiês cơưv Hôiv đôngx tỉnh Lai Châu zuôr tâu cơưv txos tas hnuz 9/12./.

(Khắc Kiên-Lik Thox cxêik nhênhv)

Hnuz đhâu xiêz 8/12, HĐ tỉnh Yên bái khóa 19 tsưr tsix jiês khiêz phêv tiv 10 chiê ntâuk grê chêx cuk uô jênhv vưv huôv tsar KTXH shông 2022, tso tơưv tsưr ziv jênhv vưv shông 2023. Phuôx plov krêz uô jiês khiêz phêv, Chủ tịch HĐ tỉnh Yên Bái Tạ Văn Long heik mênhx, shông 2022 txơưv njiz ntâu phêv liv, taz sik đros tỉnh ủy li lênhs tov, chox kriê, HĐ tỉnh seiz car, UB li chox kriê, sei đrơưv đros côngv thôngx doanh nghiệp thiêz tsôngv box têx mênhx cxưx hâur tỉnh li gôngr côngv jông, Yên Bái tưz hla đhâu têx phêv li, tax têx zênhx liv hâur uô jênhv vưv huôv tsar KTXH shông 2022. Qênhx shênhx KHXT hâur tỉnh shông 2022 tror chuôz ndê, tax chêx cuk coaz tsôngv. NJuôs xav txos tas shông, zuôr muôx 16/31 chỉ tiêu hla đhâu tsưr ziv; 15/31 chỉ tiêu tax tsưr ziv tso tơưv. Jiês khiêz phêv tsưr tsix hâur 2,5 hnuz txix hnuz xiêz 8-10/12./.

(Thừa Xuân-Txâur Vax cxeik nhênhv)

Uô lơưr Tập đoàn Tênhv tênhz Việt Nam li Ntênhk ciêz tso nyar siêz jông jiês tiv 8, têis cik 8/12, yênhx puô car bôv, công nhân, viên chức Công ty tênhv tênhz Điện Biên tưz cxaz chuôz tso nyar siêz jông. Tsaz yênhz tưz zaz zâuv muôx 160 ntâu lênhx nênhs hâur têx taz viv công ty cxaz chuôz tso nyar. Chor nyar njuôk xav zuôr sâu tâu muôx 100 taz viv nyar. No zos huôx tôngv muôx tsiv gri tâu taz viv tsưr tsix tsik so yênhx shông đros siêz xar txo grêk tsơưs têx phiv liv muôx tsik txâuk nyar ntơưv thax tsav qơư. Ntênhk ciêz tso nyar siêz jông 2022 zos chiê hêik tơưv tâu tsênhv njiêz “Sik côngv iz siêz” tâu tsưr tsix ndaz ndơưv chiv nhênhv 68 shông Hnuz cxôngx nzor nganhx tênhv tênhz Việt Nam (21/12/1954-21/12/2022) thiêz uô lơưr “Hli viv nênhs sir zôngv tênhv tênhz”. Tas nro Tập đoàn Tênhv tênhz Việt Nam li chor qơư tso nyar sâuv tas nro têz qơưk puôr lênhx tưz bax jông chiê đros Viện Huyết học-Cxaz nyar Trung ương thiêz chor qơư y têr thax tsav qơư txêik jênhv chor nhân viên nganhx tênhv tênhz li têx nyar siêz jông co./.

(Vũ Lợi-Lik Thox cxêik nhênhv)

Lok zar hnuz keix hnuz xiêz 7/12, đhâu jiês muk uô si thiêz nox hmo ntơưv 1 qơư nox hâuk sâuv thax tsav thị trấn nông trường Mộc Châu, huyện Mộc Châu (Sơn La), 40 lênhx shux xênhz cơưv lớp 4, tsêr cơưv cxênhx iz Mộc Lỵ, huyện Mộc Châu pov moz plaz, xar ntuôr thiêz ntuôr, tâu chuôz zis chox muk tsêr kho moz đa khoa MỘc Châu chơưv kho. Đhâu thâuv chơưv kho, ntâuk grê, têx lênhx mê nhuôk shux xênhz zos trâus tưx zav nox. Tsêr kho moz tưz cxax yuôx phax tưx. Txos nhiv no, 40 lênhx shux xênhz li đas jos tưz jông đuô tuôx; 37 lênhx tâu tso muk tsêr. Têx lênhx tsênhv yuôr tror tâu seiz shuôk, kho moz. Bác sĩ CK II Vi Hồng Kỳ, giám đốc tsêr kho moz đa khoa huyện Mộc Châu, tỉnh Sơn La puz pâuz: “Tsêr kho moz tưz huiz tôngv lưx lươngv bác sĩ thiêz điều dưỡng chuôz tsar trâu khoa chơưv kho. Thâuv 40 lênhx mê nhuôk shux xênhz tuôx chơưv kho pov moz plaz thiêz ntuôr. Đhâu 3 six hơưv shux xênhz li đas jos tưz jông đuô tuôx thiêz tâu tso muk tsêr”./.

(Thu Thùy-Lan dịch đọc)