Đros thiêz tsưr ziv tsi chiê lênhx nênhs tưs trâul pôngz kaz, chiê cxuô ziv chuôz zis puôr lênhx muôx tsiêz nox, Chi hội doanh nghiệp TP Sơn La, tỉnh Sơn La tưz uô têx nuv txiv ngaz xã hội, muk shuôs thiêz muôz huv puz trâu chor chuôz zis muôx luz nênhx txov nhêv ndax six hơưv tsiêz têz qơưk Mir shông 2023.

300 ntâu poz huv tưz tâu muôz puz trâu têx chuôz zis pluôs, chuôz zis zuôr xar pluôs hâur thax tsav chor xã, phường hâur TP Sơn La. Iz poz huv tsiêz tsês trâu chuôz zis pluôs tsiv grê iz tsov đeiv iz chuôz zis; chuôz zis zuôr xar pluôs 500 cxênhz đeiv iz chuôz zis; xav hur si tas muôx 200 tsov đeiv ntâu, zos têx lênhx nênhs nhoz hâur Chi hội siz chos gôngr paz “Tsiêz viv chuôz zis pluôs”.

No zos Chi hội Doanh nghiệp TP Sơn La li hâux lưv uô tsi so hâur six hơưv tsiêz, shông yiêz chiê tôngv zênhx, sik pheiz kênh têx phiv liv đros chuôz zis muôx luz nênhx txov nhêv chiê sơưr đơưk puôr lênhx muôx tsiêz nox sor si, cxix cxuô./.

 (Lê Hạnh-Riê Lâux cxeik-Lik Thox nhênhv)

Hâur shông 2022, têx tiv phaz ntơưv tỉnh lào Cai tưz yax mông, vênhv tôngv, tir tar tâu 177 lênhx nênhs tsi tâu muôx 18 shông xar nhiês siz zuôr uô txix gơưv. Taz sik, sâuv thax tsav tỉnh tsênhv muôx 165 lênhx tsi tâu txâuk shông siz zuôr uô txix gơưv, hâur co muôx 31 lênhx zos shux xênhz, phênhv ntâu zos mênhx cxưx Hmôngz. Lơưr tsưr ziv côngz xưv phax tar siz zuôr thâuv tsi tâu txâuk shông, siz zuôr cxênhz jê hâur tsôngv box mênhx cxưx tsơưs nênhs sâuv thax tsav tỉnh shông 2022, Lào Cai sir jos txu grês 30% lênhx nênhs mênhx cxưx tsơưs nênhs siz zuôr thâuv tsi tâu txâuk shông pir đros shông 2021. Li ntơưv, shông 2022, nênhs siz zuôr thâuv tsi tâu txâuk shông nhoz tiv phaz bâuv 82% pir đros shông 2021 tsi tax ploz tsênhr txu grês tưz tso tơưv./.

(Baotintuc-Txâur Vax cxeik nhênhv)

Tas cik hnuz xiêz 10/1, Đoàn Đại biểu Côx hôiv tỉnh Điện Biên  đros huyện Nậm Pồ tsưr tsix uô tiêr, choz luz tsêr niêv côngv siêz trâu zơưv Chảo Xênhv Vax (muôx lênhx txir zos zơưv Sìa Xênhv Vax tuz lênhv tâu tas siv nênhx viv tsưx phưv têz qơưk) chuôz zis, nhoz jok Nậm Chim 1, xã Si Pa Phìn, huyện Nậm Pồ.

Zơưv Chảo Xênhv Vax chuôz zis lok six txov nhêv, zos iz chuôz zis pluôs hâur jok, vax tsêr mê grêiv, đaz pêk tuôs tsênhv thâuv muôx txos 10 tơưv lênhx nênhs tsênhv nhoz uô cê hâur iz tsêr. Txix chuôz zis têx cêr txov, vax tsêr kâus kêz jik li co, thôngz đhâu Đoanx Đại biểu Côx hôiv tỉnh li têx heik pâuz, Công ty Xổ số kiến thiết tỉnh Trà Vinh tưz chơưv paz 150 tsov đeiv trâu chuôz zis cxiv uô đuô iz luz tsêr yiêz nhoz.

Ndax six hơưv no, Công ty Xổ số kiến thiết tỉnh Trà Vinh cux muôz 2 tsov đeiv nhiêx puz trâu zơưv Chảo chuôz zis chiê zuôr têx chuôz zênhx uz no phưx vưv xênhz huôx. Hâux lưv paz cxiv uô tsêr niêv côngv siêz zos heik lol têx sik pheiz kênh phiv liv, cêr txov đros chuôz zis muôx côngz têz qơưk, nênhs pluôs chiê lơưr muôx luz nênhx truôx tuk, sir jos hla đhâu yeiz pluôs./.

(Báo Điện Biên-Riê Lâux cxeik, nhênhv)

2 luz hlik ntâu jê ntơưv no, niêv lâuk Lường Thị Hoàn nhoz jos Đêu 2, xã Nghĩa An, thị xã Nghĩa Lộ, tỉnh Yên Bái li qơư tsiv uô greix kruôr tsuv chuôz cxaz lênhx nênhs uô chiê muôx txâuk hax huv phưx vưv tsôngv kruô thiêz lênhx nênhs sir zôngv hâur ntu nox tsiêz. Chungz fênhx iz ciêz, niêv lâuk Hoàn li qơư tsiv uô txix 2-5 puôk cir greix. Đros tsưr ziv tsov cưv txos hâux lưv taz por, vêv xênhz zav nox, têx xiv huv tâu uô puôr lênhx tâu chôngz lênhx nênhs lok six nhiêv txos. Niêv lâuk Hoàn puz pâuz “Shông tưs cux li ntơưv, tsiêz mak zoz qơưx sir zôngv têx xiv huv greix kruôr chuôz ndê siêz 6-8 jiês têx luz hlik tov ntêx. Hâur hâux lưv tsiv uô, cur chuôz zis thâuv tưs cux xeir têx xiv huv jông, pâuz tsênhz hâur pâus chiê cungz trâu niêv ciêz têx xiv huv jông tiv zix kaz tiv zix chiê tuôr truôx bê zos xiv huv OCOP Mường Lò”./.

(TTTB-Txâur Vax cxeik, nhênhv)