HĐND tỉnh Yên Bái khóa 19 nhiv kruôr tso tơưv Nghị quyết lok tỉnh li phênhv khơưk kruôk trâu xar, jêx jok hâur cxiv tsa jêx jok yiêz ntơưv thax tsav qơư, ntu 2021-2025. Tsênhv tsênhz, piz txix hli 12/2021, chor xar uô tiêr luôs hâux lưv cxiv tsa jêx jok yiêz zuôr tâu têz qơưs paz 500 triệu đêiv iz xar; xar txov nhêv tiv zix uô tiêr luôs hâux lưv cxiv tsa jêx jok yiêz tâu têz qơưs muôz paz 1 tiv đêiv iz xar; xar uô tiêr cxiv tsa luôs hâux lưv jêx jok yiêz tâu jông đuô zos 600 triệu đêiv iz xar; xar uô tiêr luôs hâux lưv cxiv tsa jêx jok yiêz jông tiv iz zos tâu têz qơưs muôz paz 1 tiv 200 triệu đêiv iz xã. Đros chor jêx jok uô tiêr luôs hâux lưv cxiv tsa jêx jok yiêz nhoz chor xar thax tsav I, II tsik tâu zos xar uô tiêr luôs hâux lưv cxiv tsa jêx jok yiêz tâu khơưk kruôk 50 triệu đêiv iz jêx jok; jêx jok uô tiêr cxiv tsa jêx jok yiêz nhoz chor xar txov nhêv tiv zix tsik tâu zos xar uô tiêr cxiv tsa jêx jok yiêz tâu khơưk kruôk 100 triệu đêiv iz jêx jok; jêx jok uô tiêr luôs hâux lưv cxiv tsa jêx jok yiêz hov jông nhoz chor xar tsik tâu zos xar uô tiêr cxiv tsa jêx jok yiêz hov jông tâu khơưk kruôk 150 triệu đêiv iz jêx jok./.

(T.Xuân-Lik Thox cxêik nhênhv)

Têx lớp kriê cơưv hâur pâuk ntơưr krêz thâuv tsâus ntux, têx pluôk mor nox sor siêz tsês trâu mê nhuôs puôs, têx luz tsêr siêz jông cux pov bộ đội pênhz phax nhoz ntus đriv Mường Lạn, huyện Sốp Cộp, tỉnh Sơn La li têx paz txưv.

Tsiêz shông no zuôr zos cheix ntux yiêz jiês xuz thơưx niêv lâuk Mùa Thị Khoa nhoz jos Huổi Men, xã Mường Lạn zos iz lênhx tưz pâuz sâu tâu ntơưr, iz hâux lưv niêv lâuk tsi tâu muôx jiês tưs xar txos, txos trâu thâuv tâu cán bộ Zênhx pênhz phax Mường Lạn tuôx krêz lớp kriê cơưv hâur pâuk ntơưr thiêz chox kriê sđ muk cơưv ntơưr. Pâuz sâu ntơưr, nhênhv ntơưr zos niêv lâuk Khoa li kror jông shir phaz lul: “Đhâu 9 luz hlik cơưv ntơưr, cur tưz txơưx sâu, txơưx nhênhv, txơưx uô toán, muôx yênhx tưv paz cur uô nox, luz nênhx tsâu sor đuô”./.

(VOVTB-Txâur Vax cxeik nhênhv)

  “Lâux câuz cuô đik cêr hluz”-iz tsaz yênhx xar hôiv siêz jông nhoz qơư y têr đros tsưr ziv paz tsơưr pưr trâu chor nênhs moz muôx luz nênhx txov nhêv tưz thiêz tsênhv tâu kriz uô đêz đar, tâu côngv thôngx sir jos sik côngv thiêz thôngx ziv đros uô.

4 six sơưr nzor, qơư uô jâuz mor nox Tsêr kho moz Phục hồi chức năng tỉnh Lào Cai tưz tơưl tênhz chis pov cêr cax lus, chor nênhs siêz jông tsênhv sêi đrơưv uô “Lâux câu cuô đik cêr hluz” sor so chiê chox muk paz trâu chor nênhs moz pluôs nox cov nzor tiv zix. Niêv tix Vũ Thị Hảo, phường Bắc Cường, thành phố Lào Cai hêik: “Cur pov no zos iz kror hâux lưv uô jông thiêz zuk cux lok six sir jos thôngx ziv đros uô, chiê paz phêiz kênh tâu têx phiv liv, cêr siz hluz txos trâu chor nênhs moz”./.

(TTTB-Lik Thox cxêik nhênhv)

Nhiv kruôr đhâu, tuêv côngz xưv zênhx pênhz phax trôngx đriv ntiêx têz Tây Trang uô jênhv vưv ntơưv jos Na Ư, xã Na Ư, huyện Điện Biên, tỉnh Điện Biên pov 2 lênhx txir nênhx muk yêz meir txix têz qơưk Lào lok VN, zos nhiês muk lok tsi trơưk chei. Tuêv côngz xưv tưz qênhz yuôx, thiêz đhâu co pâuz tâu lênhx tsar yêz zos Và A Xế, xênhz shông 2001, nhoz jos Hua Thanh, xã Hua Thanh, huyện Điện Biên, tỉnh Điện Biên. Uô ntêx co Xế tâu tul txir nzơưv nhoz Lào hu tênhv cov muk thax tsav ndêx đriv têz 117 chiê tos lênhx nênhs muk txix Lào lok, tâu thêv nhiêx côngz zos 500 cxênhz đeiv. Nênhs tâu Xế thâux zos Thào A Lồng, xênhz shông 1993 nhoz jos Huổi Dúng, xã Pa Tần, huyện Nậm Pồ, tỉnh Điện Biên, tsênhv nhoz uô nênhx tsi trơưk chei ntơưv Lào thiêz xar nriêr cêr tror lok VN viv li ntiêr lênhx nênhs kriê cêr chiê tsi trâus pênhz phax qênhz pov. Txuz hâux lưv no tsênhv tâu zênhx pênhz phax trôngx đriv ntiêx têz Tây Trang côngv đros chiz coaz muôx txơưx jênhv uô tiêr ntâu ntơưr chiê yưr lir têx lênhx nênhs uô cxâuv trơưk pháp luật li cui tênhv./.

(VOVTB-Txâur Vax cxêik nhênhv)