Huyện tox siêz Than Uyên, tỉnh Lai Châu nhiv no muôx 14 cxênhz ntâu lênhx pox niêv vir ndâuk xênhz huôx nhoz 131 chi hội. Đros thiêz tsưr ziv gra siêz luz nênhx nox nhoz trâu têx lênhx pox niêv vir ndâuk hâur thax tsav, six hơưv đhâu, Hội tưz cxơưz tiês fuô uô phôngz yaox “Pox niêv sik paz huôv tsar uô nox uô hnar”; vênhv tôngv têx lênhx pox niêv vir ndâuk sir jos khưr huôv tsar uô nox, uô trơưk têx tsưr ziv yiêz hâur tsêz chos kôngz, tu zus tsiêx cxu; xar tsưr ziv uô thiêz tu têx zuz nôngz kôngz-tsiêx cxu  jông, sir jos yưv pênhr chiê cxiv tsa têx trâur nuv huôv tsar kinh tế huv đros trâu tsênhv tsênhz ntơưv qơư nhoz. Txix têx pênhr paz max, muôz zuz nôngz kông, tsiêx tu zus trâu chor pox niêv vir ndâuk, tưz muôx ntâu lênhx tưz hla đhâu yeiz pluôs thiêz uô bluô nux./.

(Báo Lai Châu-Riê Lâux cxeik, nhênhv)

 Hâur têx shông đhâu, tỉnh Sơn La tưz moz siêz uô trơưk cxuô tsênhv chêi paz trâu tsôngv px hêir nênhs tsơưs nhoz thax tsav tox siêz đêz đrôngl, iz thênhv jux juk muôx luz nênhx tsâu sor, tsưx phưv truôx ngaz tuk xã hội. Hâur ntu 2016-2020, tỉnh tưz chêx chôngk sêiz car, muôz pênhr nhiêx kir txêik trâu tsôngv px huôv tsar cêr uô nox. Hâur ntơư, tsaz yênhx 135, pênhr nhiêx zos 867 tỷ đêiv; pênhr nhiêx Trung  ương muôz zos 753 tỷ, pênhr nhiêx hâur tỉnh zos 13 tỷ ntâu. Txix têx pênhr nhiêx hêik ntơư, tưz cxiv uô tâu têx côngz trênhx đêx hur, tsêr vênhx huôv jêx jos, tsêr kho njuôk moz, uô qơư tok đêx lok trâu tsôngv px tsêz chos kôngz lôngk; qơư tok đêx hur thiêz zuôr tsiêx cxu puz trâu tsôngv px huôv tsar tu zus, đhâu ntơư, tưz pov njôngr tsôngv px muôx luz nênhx hlôngr yiêz jux juk./.

                           Tsu cxêik nhênhv-DTMN- Thu BT

Suôx câuv iz luz hlik uô luôs hâux lưv cxax yuôx phax phôngz xav txix hnuz uô hâux lưv xuz thơưx đhâu nox tsiêz têz qơưk tas ntơưv tỉnh Lào Cai, tưz uô tsi tâu trơưk li tsưr ziv, siêz xar, tsuôk tax tâu nhos 70% xưz. Qir tiv zos viv cxuô thax tsav qơư hâur six hơưv jê lok no, tsi tâu sir jos lês uô luôs hâux lưv cxax yuôx phax phôngz moz gênhk. Iz chas co, chor nênhs trâul moz Covid-19 ho tsar ndê chôngz lênhx đhâu nox tsiêz têz qơưk tas. Tsi tas li, luôs hâux lưv yax kriê cux tsi tâu lês uô jông; iz cxiê lênhx pêx xênhv tsi tâu pâuz cxix cxuô lok têx li heik sâuv; yuôx vắc xin lok muôx tsi txâuk, kênhz…… Pos Phạm Bích Vân, Phưv Giám đốc Sở Y tế tỉnh Lào Cai heik pâuz: “Uô lơưr Bộ Y tế chox kriê, pêz cux tưz qênhz yuôx,  qênhz shuôs chor nênhs txix 5-11 shông. Hâur têx tsêr cơưv mak choz trâu ngênhx zoz zux, hok hâur côngv thôngx choz trâu Ủy ban cxuô huyện, thị xã, TP uô luôs hâux lưv co, txos nhiv no tưz tâu muôx 114 cxênhz ntâu lênhx nhuôs. Nhiv no, ngênhx tsênhv tok Bộ Y tế têx tsưr ziv fuô kriê thiêz yuôx vắc xin pheiz tuôx, thâuv tưs tuôx txos mak pêz zuôr zênhx max fuô uô hâux lưv cxax yuôx phax phôngz moz trâu chor nhuôv zâu nhoz hnuz nhôngk no”./.

 (An Kiên-Riê Lâux cxeik, nhênhv)

Hâur ntu nhiv kruôr đhâu no, Công an huyện Văn Chấn (Yên Bái) tưz muk qênhz yuôx, sêiz pov zơưv Vũ Xuân Trường (xênhz shông 1976) nhoz jos Trung Tâm, đrôngl Sơn Thịnh, huyện Văn Chấn, tsênhv taz tov tưr txiêx. Ntơưv qơư tưr txiêx, cơ quan công an tưz ntêk cxov tâu 14 lênhx, 72 triệu nhiêx đros trâu iz luz fax tưr txiêx, 22 luz máy hu xor tôngx, 7 luz yêz máy đros trâu miz cxiê chuôz zênhx cik txos.

Nhiv no Công an huyện Văn Chấn (Yên Bái ) tsênhv taz tov qênhz yuôx uô cov tsênhz mênhx chiê muôz chor nênhs tưr txiêx co bluô nhiêx thiêz tik cêr cxâuv cov zos đrêiv chêi têz qơưs tso tơưv./.     

                            Tsu cxêik nhênhv-Thừa Xuân- Thu BT

Công an huyện Điện Biên seiz car, hux jos đros Phongx Cảnh sát qênhz yuôx chor nênhs zuôr muôs, uô luôv zax zênhz tsi trơưk chei (công an tỉnh Điện Biên) thiêz Công an TP Điện Biên Phủ tưz ruôr por tsês tâu iz txuz zuôr muôs uô luôv zax zênhz tsi trơưk chei, ntêk cxov tâu 2 lênhx nênhs zos Công Xênhv Lik, xênhz shông 2002, nhoz ntơưv jok Tà Té B, xã Noong U, huyện Điện Biên Đông, tỉnh Điện Biên thiêz Bông Xênhv Zax, xênhz shông 2003, nhoz ntơưv jok Huổi Hoa 1, xã Keo Lôm, huyện Điện Biên Đông thâuv tsênhv taz tov thâux gra tsi trơưk chei zax zênhz. Đhâu qênhz yuôx shuôs lênhx nênhs thiêz yêz 2 lênhx nênhs co tsar, công an sâu tsês 180 cxênhz njiêr yuôx shơư zênhz. Đhâu qênhz nus, Công thiêz Bông gơưk krêz lênhk tiêk, luôs lưv tus muôz 70 tsov đeiv ntiêr gơưk thâux gra chor zax zênhz heik sâuv xưz. Đhâu qênhz nus nzir, Phongx Cảnh sát qênhz yuôx têx nênhs fêv, zuôr muôs uô luôv zax zênhz tsi trơưk chei, Công an tỉnh Điện Biên tưz seiz car, hux jos đros chor lưv lươngv muôx vax huôv txơưr đuô tror ntêk tâu 2 lênhs zos Hồng Xênhv Lik, xênhz shông 2001 thiêz Ziêk Xênhv Lik, xênhz shông 2002, puôr lênhx nhoz uô cê ntơưv jok Tin Lán, xã Núa NGam, huyện Điện Biên, tỉnh Điện Biên tsênhv thâux gra tsi trơưk chei zax zênhz. Têx chuôz zênhx sâu tâu muôx 48 cxênhz njiêr yuôx shơư zênhz. Nhiv no Cơ quan Cảnh sát qênhz yuôx Công an tỉnh Điện Biên tưz uô ntâuz ntơưr, chiê tror qênhz yuôx, uô tsênhz mênhx thiêz muôz tik cêr cxâuv trơưk li chei têz qơưk cui tinhv./.

 (Vũ Lợi-Riê Lâux cxeik, nhênhv)