Uô lơưr phongz yaox “chos yiêz 1 tiv tsoz ntông njuôz” hnuz 9/7, xar Thanh Yên, huyện Điện Biên, tỉnh Điện Biên tsưr tsix chos 125 tsoz ntông pax lâus trơưk ntu cêr txix jok Việt Yên txos jok Yên Bình. Zuôr xar 100 lênhx canr bôv, công chức, pêx xênhv jok Việt Yên cxaz chuôz chos ntông. Chor ntông pax lâus no zos Phòng Kôngz nuv thiêz Huôv tsar jêx jok huyện Điện Biên choz zok; siêz muôx 2,5 thiêr, tâu xêir tsov jông uô ntêx thâuv zuôr chos. Chor nênhs cxaz chuôz chos ntông cux tâu hêik pâuz têx tsưr ziv chiê tsoz phưz chor ntông co. No zos kror hâux lưv uô muôx tsiv gri, paz muôx tênhv qơư njuôz, hur, jông. Txix hnuz 9-11/7, Phòng Kôngz nuv thiêz Huôv tsar jêx jok huyện Điện Biên tror choz zok txos trâu xar Noong Hẹt 163 tsoz ntông pax lâus, Na Ư 280 tsoz ntông pax lâus chiê chor thax tsav qơư no tsưr tsix chos thiêz tsoz phưz./.

(BĐB-Lik Thox cxêik nhênhv)

400 ntâu ziv chuôz zis pluôs nhoz huyện Mường La, tỉnh Sơn La li siêz xar njôngr muôx tâu iz luz tsêr truôx tul chiê đreiv ntux nyar ntux nas, tso siêz uô lox tôngv xênhz yar tưz tâu uô tsênhv tsênhz, đhâu 2 shông tiv phaz krêz uô tsưr ziv paz txưv ziv chuôz zis pluôs, chuôz zis txov nhêv lok tsêr nhoz. Luz tsêr truôx jông đar 50 yiv ndis tâu uô tiêr hnuz no zos chuôz zis niêv lâuk Lò Thị Phượng, nhoz jos Mến, xã Hua Trai, huyện Mường La, tỉnh Sơn La li siêz xar njôngr 10 shôngk đhâu. Chuôz zis niêv lâuk Phượng zos chuôz zis muôx luz nênhx txov nhêv, tsi muôx txir, phênhv sâu tsuôk khov txos hâux lưv uô liêx têz, tsuôk txâuk chiê cxơưx trâu chuôz zis luz nênhx, tsi car xar txos cxiv uô tsêr yiêz nhoz. Chuôz zis luz tsêr tsiv grê 107 tsov đeiv, hâur co paz txưv 40 tsov đeiv, chor tsênhv yuôr zos chuôz zis, nênhs cxênhz jê gôngr côngv. Niêv lâuk Lò Thị Phượng pheiz kênh:

“Thâuv ntêx cur chuôz zis nhoz hâur luz tsêr tâu zôngv ntông cxiv uô, lok six txov nhêv. Nhiv no muôx tsêr yiêz jông nhoz cur lok six jông siêz. Uô tsâus têz qơưk tưz tsov cưv paz chuôz zis chiê muôx tâu tsêr jông nhoz. Txix nhiv no cur tso siêz uô lox tôngv, tso mê nhuôs muk cơưv ntơưr huôv tsar cêr uô nox chiê sir jos hla đhâu cêr pluôk”./.

(Lê Hạnh-Txâur Vax cxeik nhênhv)

Đros qiv hơưv phiv liv, muôx ntâu chuô hâur shông, huyện Than Uyên (Lai Châu) zos thax tsav ar tâu xav jênhv zuôr njiz trâus ntâu kror phiv liv hâur huôv tsar kôngz nuv, tiv zix zos đros chor zav tsoz chos yiêz. Taz sik, đros chor hluôk nênhs thiêz pêx xênhv li sir jos thiêz xar huôv tsar uô nox, tsưr ziv chos chor txir nho Hạ đuz tưz tâu chos trâu ntơưv thax tsav qơư. Niêv tix Chang Thị Nhung, mênhx cxưx Thái, nhoz jok Đám Đăm, xar Hua Nà, huyện Than Uyên hêik: đros chor liêx chos iz chiv ntơưv thax tsav qơư, txơưv pox nhuôs zuôr sir jos khưr uô nox luôx tưs lok cux tsuôk uô tâu txâuk nox xưz. Vax txir nhoz tưz tâu cơ quan uô hâux lưv huyện tuôx chos siv thiêz xav jênhv huv đros trâu qiv hơưv, đêx ar ntơưv no. Txir kaz jiz, xav 1.000 thiêr ndis ar têz mak sâu tâu xar muôx 1,6 tấn txir thiêz gri muôs njuôk xav tâu muôx 200 cxênhz đêiv iz cir:

“Đhâu tsưr ziv chos txir nho mak cur pov lok six jông, huv đros thiêz cur vav tiêk cur chuôz zis zuôr tâu kruôz kriê chiê uô lơưr tsưr ziv no. Cur cux vav tiêk zuôr tâu têz qơưk paz, kruôz kriê thiêz chos ntâu zav tsoz chos txơưr đuô li tsưr ziv chos zav tsoz chos no chiê paz pox nhuôs huôv tsar kinh têr”./.

(Khắc Kiên-Lik Thox cxêik nhênhv)

24 txuz đros 24 lênhx nênhs phamv cxâuv lok zax zênhz tưz trâus lưx lươngv Bộ đội pênhz phax tỉnh Sơn La côngv đros têx lưx lươngv ntês cxov hâur luz hlik phax tar zax zênhz txix hnuz 30/5 txos hnuz 30/6. Sâu tâu 8 đeiv zênhz đơưz, zuôr xar 244 cxênhz njiêr zax zênhz shơư yuôx; 37 gram ntâu mis zax zênhz; 8 luz yêz meir thiêz 9 luz điện thoại di động. Hâur co, Bộ đội pênhz phax tỉnh Sơn La lov lik yưr lir 11 txuz đros 11 lênhx nêhs phamv cxâuv, sâu tâu 2 đeiv zênhz đơưz; 2 cxênhz 800 ntâu njiêr zax zênhz đros ntâu chuôz zênhx txơưr. Đrâuv co, Bộ chỉ huiz Bộ đội phax tỉnh Sơn La côngv đros têx lưx lươngv yax mông tsôngv box lok zax zênhz li txux hiêv, muôz siêz tsôngv box li jênhv pâuz hâur tơưv txênhz phax tar zax zênhz thiêz nênhs phamv cxâuv, tsi paz nênhs muôv muôs zax zênhz, thâux gra zax zênhz tsi trơưk chei./.

(CTV VOVTB-Lan dịch đọc)