Hnuz 11/1, Bí thư Trung ương Đảng, Chủ tịch Ủy ban Trung ương Mặt trận têz qơưk Việt Nam Đỗ Văn Chiến đros Đoanx côngz xưv Trung ương tưz chuôr yuô, khơưk muôz huv Tsiêz trâu chor chuôz zis, đoàn viên, nênhs lox tôngv muôx luz nênhx txov nhêv nhoz tỉnh Lai Châu thiêz dự tsaz yênhx “Tsiêz sor siêz-Ntux yiêz sik côngv siêz” Mir shông 2023. Tsiêz têz qơưkMir shông 2023,  cxuô  cấp công đoàn tỉnh Lai Châu tưz khơưk muôz 3.000 ntâu kror hax huv trâu chor đoàn viên, nênhs lox tôngv muôx luz nênhx txov nhêv đros chor nhiêx muôx 2 tiv đêiv ntâu. Cxuô cấp, cxuô nganhx, thax tsav qơư tưz thiêz tsênhv khơưk muôz yênhx cxênhz kror hax huv Tsiêz trâu chor chuôz zis tâu sơưv cêr chêi, nênhs muôx côngz, chuôz zis pluôs thiêz chor nênhs muôx luz nênhx txov nhêv. Ndaz ndơưv jiês no,Ủy ban  Trung ương Mặt  trận Têz qơưk Việt Nam thiêz Đoanx côngz xưv tưz khơưk muôz 400 kror hax huv tas nro tsiv gri muôx 500 triệu đêiv ntâu trâu chor chuôz zis, đoàn viên, nênhs lox tôngv muôx luz nênhx txov nhêv nhoz Lai Châu./.

(Khắc Kiên-Lik Thox cxeik, nhênhv)

Hnuz 11/01, Ủy ban tỉnh Sơn La tưz cơưv ntâuk grê luôs hâux lưv cir ntơưr chos luk nhoz Chủ tịch Ủy ban cxuô huyện, TP đros Chủ tịch Ủy ban tỉnh lok sâuv seiz car đêx ar thiêz tsưx phưv tênhx qơư shông 2022; fuô uô têx luôs hâux lưv hâur shông 2023. Qênhz yuôx, seiz kaz truôx jông têx qơư tsiv uô, zuôr muôs têx huv muôx vuôz tsuôz, kiêk nênhs; hlôngr yiêz tsưr ziv seiz kaz đhâu txuôk đros luôs 2 chas thax tsav qơư, tsi so….chiê nzor pâuz thiêz phax tir thêir tsi chiê muôx yưv cuz nxor lok uô vuôz tsuôz, kiêk nênhs tênhx qơư, hâur đêx; đơưk tu zênhx max thiêz jông tsôngv pêx xênhv li têx heik pâuz lol kiêk nênhs, vuôz tsuôz tênhx qơư. Hâux lưv qênhz yuôx, qênhz pov, tir thêir, xưv bluô tâu uô truôx jông. Hâur shông, tưz qênhz pov, xưv bluô 300 ntâu txuz uô cxâuv lok ar têz, tsi truôx tuk cxiv tsa; 02 qơư uô cxâuv tênhx qơư; 18 txuz uô cxâuv lok sâuv krêz sâu thiêz fax thâux têx khoar cxax ti trơưk chei. Xav hur si têx nhiêx bluô uô cxâuv li heik sâuv tâu nhos 1,4 tyv đeiv./.

Trấn Long-Riê Lâux cxeik nhênhv 

Gri buô muôs grêix thiêz kêiz thiêz ntau zav hax huv kôngz nuv, kôngz krâur, zav nox nhoz tỉnh Yên Bái têx hnuz jê Tsiêz cux lok six truôx tuk. Nênhs uô, nênhs tu zus sâuv thax tsav tsênhv muôx lok six ntâu hax huv muôs sâuv ciêz đrôngs tsơưr lươngv tâu taz por. Gri grêix buô nhoz thành phố Yên Bái thiêz cxuô thax tsav qơư txơưr hâur tỉnh ntâu hnuz no tâu muôx 51.000 đêiv iz cir. No zos phênhv gri tsik siêz, taz sik tâu tuôr truôx viv li nênhs tu zus cux tsik cxơưx luôx tưs. Lơưr njuôk xav cux zuôr tâu iz kror liv, tiv zix hâur têx hnuz jê Tsiêz gri grêix buô têx jâuv zuôr ndê siêz mê njil. Zơưv Hoàng Văn Dũng nhoz xar Văn Phú, thành phố Yên Bái puz pâuz: Chor buô muôs hâur jiês tsiêz uô ntêx co tưz tâu zus lok six jông, thâuv muôs mak iz tuk cux hnhar txix 70 txos 80 cir: “Ntu nhiv no mak cux ndê gri mê njil, nênhs tu zus sâu tâu liv, ntu no mak pêz cux taz por tâu kinh têr”./.

(TTTB-Lik Thox cxêik nhênhv)

Ban chox kriê phax tar moz Covid-19 tỉnh Lào Cai nhiv kruôr quyết tinhv nduô tsês tsi yax xa têx mông lok moz gênhk đhâu 100 ntâu heik pâuz pov tsir đros trâu 400 ntâu xor xưv niêx hnuz, niêx ciêz chiê phưx vưv luôs hâux lưv yax mông. Ntơưv qơư no cux quyết tinhv tsi zuôr nhiêx txiêx seiz njuôk shuôs moz Covid-19 trâu têx lênhx pêx xênhv muôx zoz qơưx  txix chor tsưr tsix, taz viv, thax tsav qơư txơưr đuô paz max Lào Cai. Đhâu thâuv tas têx cêr  paz heik sâuv, zuôr tror sâu sơưr đơưk li nhiêx txiêx trơưk cui tinhv nhiv no. Zơưv Hoàng Quốc Hương, Giám đốc Sở Y tế tỉnh Lào Cai heik pâuz: “Hâur ntu nhiv kruôr đhâu, chor nênhs cxax yuôx phax phôngz moz hâur Lào Cai xav kror đruôz đraz tưz tax 95%. Taz sik, pêz cux heik cxuô huyện, TP tror cxax yuôx vắc xin phax tar moz gênhk, viv cxax vắc xin thiêx tso siêz xưz, iz chas co, bax têx qơưk kuôk cêv chor nênhs trâul moz, yuôx, chuôz zênhx seiz njuôk shuôs kho moz thiêz lênhx nênhs lês uô têx hâux lưv co cov cxix cxuô”./.

An Kiên-Riê Lâux cxeik nhênhv