Têx hnuz no, chôngz lênhx kruô thiêz pox nhuôs cxuô mênhx cxưx Thái, Mường, Hmôngz tưz tuôx trâu thax tsav jôngr jok Nhọt, xar Gia Phù, huyện Phù Yên, tỉnh Sơn La chiê hlơưr shaz hơưv txos chor tuz lênhv muôx côngz tưz tas siv nênhx hâur jiês ntâuk châuv tros châuz Pháp đhâu thâuv huyện Phù Yên uô tiêr côngz trinhx qơư hlơưr shaz hơưv txos hloz Hôx, Thơưx Võ Nguyễn Giáp thiêz têx thơưx tuz lênhv txơưr. Niêv tix Văn Thị Kim Huệ, iz lênhx nênhs tuôx txix Nam Từ Liêm, thành phố Hà Nội puz pâuz: “Cur tuôx muk đhâu tsik so ntơưv no. Hlôngr nhoz ntơưv no mak cur pov lok six tso siêz viv zuk cux zos iz lênhx nênhs nhoz Tây Bắc. Thâuv lok đhâu ntơưv no mak shir phaz hênhr. Viv njiê pov ntơưv qơư cxiv uô tâu iz côngz trinhx jông li no. Nhoz thax tsav Tây Bắc cux muôx tsơưs têx tsêr mnov, txi côngv, mak no cux zos iz kror chiê pêx xênhv tso siêz thiêz paz trâu têx tuz nhuôs pâuz sir jos đuô hâur luz nênhx”./.

(VOV4-Lik Thox cxêik nhênhv)

Lênhx pox niêv mênhx cxưx Phù Lá, Sải Bích Huế, xênhz shông 1989 nhoz jos Na Pắc Ngam, xã Tà Chải, huyện Bắc Hà (Lào Cai) tưz truôx siêz sơưr zuôr txir khơưz nyar-tiv phaz li iz xiv huv nto bê. HTX Quang Tom li xiv huv “txir khơưz kha kruôr” zos niêv lâuk Huế uô giám đốc tâu niêv ciêz nhiêv nox, njênhs njôngr thiêz ntâus grê siêz. Tsi taz paz muôz siêz tsiv grê txir khơưz Bắc Hà, mak tsênhv tso pov lênhx pox niev mênhx cxưx tsơưs nênhs li siêz sir jos huôv tsar cêr uô nox. Tsar phongx kôngz nuv thiêz huôv tsar nôngx cxênhz huyện Bắc Hà Nguyễn Xuân Giang puz pâuz, lơưr phênhv ntâu tsôngv kruô ntâus grê, xiv huv no nox kaz, huv đros ntâu lênhx nênhs sir zôngv. Tiv zix xiv huv muôx tsơưr pưr, ntâu vitamin. Six hơưv tsês chiê cux ntêr, tsưr ziv uô jông, tâu ntâus grê siêz./.

(Pov tsir Lào Cai-Txâur Vax cxeik nhênhv)

Têis cik 11/1, tỉnh Điện Biên hêik pâuz nzir 32 lênhx nênhs trâus moz Covid-19 nhoz têx huyện; Mường Ảng, Tủa Chùa, Tuần Giáo, Mường Chà, Nậm Pồ, Điện Biên Đông, Điện Biên, thị xar Mường Lay thiêz thành phố Điện Biên Phủ, tas nro chor nênhs trâus moz ntơưv tỉnh hâur 10 hnuz đhâu xar muôx 400 lênhx nênhs. Nhiv no tas nro tỉnh muôx 470 ntâu lênhx nênhs tsênhv tâu chơưv kho moz, chor nênhs tâu kho jông moz thiêz tơưv tsêr kho moz zos 560 ntâu lênhx nênhs.

Đros moz Covid-19 txơưr txar phiv liv sâuv thax tsav, tỉnh Điện Biên cux kriz uô truôx jông 4 qơư qênhz yuôx caz moz ntơưv têx qơư lok trâu hâur tỉnh. Lơưr zơưv Bằng Xênhv Vưx, Phưv chủ tịch Ủy ban tỉnh Điện Biên, hâux lưv uô truôx jông têx qơư qênhz yuôx, sêiz jor no tsik uô zuôv Chính phủ Nghị quyết 128 thiêz hâux lưv qênhz yuôx li tsưr ziv zos chiê qênhz yuôx cov tâu truôx jông chor nênhs muk lok trâu hâur thax tsav qơư chiê por vêv tâu jông đas jos trâu pêx xênhv./.

(Vũ Lợi-Lik Thox cxêik nhênhv)