Luôs hâux lưv tsi so hlôngr qơư uô nuv tưz paz trâu chor canr bôv cơưv shâuv tsưr ziv lês hâux lưv zok muôz jông đuô chiê nthuôr đar têx txux chi, siêz xar, lar heik zos chor canr bôv hluôk tâu njuôk hov, zuôr xeir lês uô têx hâux lưv lox.

Iz shông ntâu xav txix thâuv tâu hlôngr Bí thư Đảng ủy, Chủ tịch HĐND xã Bản Vược, huyện Bát Xát, tỉnh Lào Cai txix hli 2/2021, pos Nguyễn Thị Quỳnh Nga, kuz Tsar phongx Tư pháp huyện tưz zênhx max qir têk hlo lês uô têx nuv yiêz đros trâu ntâu luôs hâux lưv, phiv liv đuô nhoz iz xã ntus đriv. Pos Nga heik: “Thâuv lok Bản Vược uô hâux lưv, cur cux xav tinhv tsưr ziv, zuôr uô li chas chiê sưv jê đros tsôngv niêv txir lax pêx xênhv, viv uô li ntơư thiêx muôx têx buôk ti pâuz tâu têx uz no hâur thax tsav qơư, txix ntơư li đơưk uô tâu têx hâux lưv hâur qơư nhoz”./.

(An Kiên-Riê Lâux cxeik, nhênhv)

  Then kin pang zos hêir nênhs poz ziz đơưz ntênhk hội ndo txiêx njis txos njux plis Then-zos lênhx nênhs thâuv ntêx tâu huôz têik ntux tso lok mchơưv ntiêx têz chiê cxuô luz jêx jos truôx tuk, tsâu sor.  Thảo x Vax nhoz jos Cang, Xã Khổng Lào đros uô ntênhk hội txi côngv huôz têik Hùng shir phaz lul hêik pâuz:  “Cur jông siêz tâu đros côngv ntênhk hội nzuôr plâuz hâu no. Viv hâur iz shông, thâuv zuôr txos tsiêz 30, zuk tâu nzuôr plâuz hâu, taz sik nhoz hâur tsêr tsuôk zos iz lênhs xưz. Tâu đros côngv uô ntênhk hội co, cur tâu đros chôngz lênhx uô cê nzuôr plâuz hâu thiêz hêik kriê ntênhk hội kin pang trâu tsôngv kruô sđ pâuz txos”./.

                                 Tsu cxêik nhênhv-Khắc Kiên –Hạng BT

Hâur 3 hnuz so ntênhs txi côngv phuôz teik Hùng Vương, huyện Mộc Châu (Sơn La) tưz txeik tok zuôr xar 14 cxênhz lênhx kruô tuôx ndis seiz têz qơưk uô si. Ciês hnuz 11/4, chor kruô tuôx trâu Mộc Châu uô si tsar ndê chôngz lênhx, zuôr xar 8 cxênhz lênhx nênhs. Ntâu qơư ndis shuôs uô si hâur Mộc Châu tưz hu zâuv tâu chôngz lênhx ntâu tus kruô tuôx ndis seiz, nhoz so li: Qơư nhoz so thiêz ndis uô si jôngr ntông chiêz jok Áng; Happy Land Mộc Châu; trôngz yuôx zêx; têx jok jux lix côngv thôngx….. Hâur thax tsav huyện Mộc Châu nhiv no muôx 250 ntâu qơư trâu tsôngv kruô ndis shuôs têz qơưk tuôx nhoz so thiêz 300 ntâu qơư phưx vưv nox hâuk. Hâu nov huyện Mộc Châu cux heik têx qơư kruô tuôx nhoz so, qơư sơưr đơưk muk lol ndis seiz uô si tsuv uô jông lơưr têx tsưr ziv truôx tuk lol phax tir thêir moz gênhk./.

 (Lê Hạnh-Riê Lâux cxeik, nhênhv)

Tỉnh điện Biên tưz fêik tâu iz lênhx nênhs moz, zos muôz máy tsov đhâu tơưr grêix trâu tus cxa, uô cov cxa chax kâuv khor truôx.

Ntơư zos tsưr ziv yiêz, uôi tâu truôx huv đros lênhx nênhs moz. Lênhx nênhs fêik moz no zos txir nênhx, muôx 26 shông, nhoz  xã Thanh Yên, huyện điện Biên. Lênhx nênhs moz no zos kho moz trâu tsêr njuôk, kho moz nhoz, viv ntos pôngz siêz 3 thiêr. Đhâu 120 phút, cưk yuôx tưz fêiv tâu trâu lênhx nênh moz co.

Đhâu 4 luz six hơưv fêiv moz, lênhx nênhs moz tưz muk tâuk jux juk./.

                                Tsu cxêik nhênhv-Vũ Lợi-Hanh BT