Txix hmo 10/5 txos 11/5, hâur thax tsav tỉnh Lai Châu muôx ntux lok nas lox trâu cxiê qơư, zôngx ziv uô muôx tox xưz poz sâuv têx cêr muk lol. Ntux nas lox lok trâu ntâu thax tsav qơư li: Mường Tè, Nậm Nhùn, Sìn Hồ, TP Lai Châu, Tam Đường, Tân uyên, Than Uyên. Zơưv Nguyễn Văn Hưởng, Phưv Giám đốc Sở zoz thôngz tỉnh Lai Châu heik pâuz: nhiv no Sở cux tưz chox kriê cxuô taz viv seiz car cêr ar, lênhx nênhs yưv pênhr uô, kho têx cêr muk lol bax cxuô faz tsưr ziv qênhz shuôs tsi so, thoz huk zênhx max têx ar, poz jêz cxuz cêr chiê yêz muk lol tâu sei zos muôx yưv tox xưz poz: “Pêz cux tưz chox kriê têx lênhx nênhs yưv pênhr uô, cxiv kho têx cêr muk lol qênhz yuôx shuôs têx cêr lox cux iz zav li chor cêr lox muk lol hâur tỉnh, têx ntu zôngx ziv trâul xưz poz ntơư chiê tso lênhx nênhs, têx yêz uz no nhoz trơưr ntơưv qơư chiê seiz shuôs njôngr, thoz huk têx ar, poz jêz cxuz cêr. Phênhv ntâu pêz heik chor nênhs yưv pênhr uô qênhz yuôx, qênhz shuôs tsi so, lar heik zos têx jiês njuôk xav zuôr muôx ntux nas hloz, chuô lox, đêx cuôr yôngz ntơư. Lơưr taz viv cxiv uô cêr cux tso têx yêz, lênhx nênhs nhoz đreiv ntơưv têx ntu cêr zôngx ziv trâul xưz poz, zos thâuv muôx yưv têx tsi jông mak zênhx max cxiv kho chiê yêz muk lol tâu đhâu”./.

(Khắc Kiên-Riê Lâux cxeik, nhênhv)

Txix hmo 10/5 txos têis cik 11/5, sâuv thax tsav huyện Nậm Pồ, tỉnh Điện Biên tưz muôx ntux lo nas lox truz ntêr uô iz tos tuk qox hla đhâu đêx Nậm Đích, sâuv txox cêr 145 txuôk xar Chà Cang-Xar Nậm Tin-Tsênhv qơư huyện Nậm Pồ trâus đêx cuôr yôngz. Njuôk xav zuôr tas xar muôx 400 triệu đêiv. Tâu pâuz, thâuv ntêx ntơưv thax tsav qơư no tưz zênhx muôx iz tuk qox khor jông, taz sik tiv đêx ngaz cuôr uô trâu tuk qox trâus puôk tsuôx tas txix ntâu shông uô ntêx. Tiv tsik tâu muôx nhiêx chiê cxiv uô qox yiêz, huyện Nậm Pồ tưz hêik pêx xênhv sik côngv paz lav uô iz tuk qox zâu kik hla đhâu đêx. Taz sik, ntux lok nas lox, tuk đêx Nậm Đích pur siêz thiêz tưz cuôr tas iz zar tuk qox co. Nhiv no muk lok đhâu ntơưv ntu cêr no njiz lok six ntâu phiv liv, hok shux xênhz, cưk kriê ntơưr thiêz pêx xênhv li zoz qơưx muk lok đhâu ntơưv no mak lok six ntâu. Ciês txêik tâu xor mông, Ủy ban huyện Nậm Pồ tưz chox kriê phongx kinh têr thiêz Hạ tầng huyện đros chor taz viv cik txos bax chuôz zênhx cxuô zav chiê khưx phưx zoz thôngz muk lok đhâu ntơưv tuk qox no ciês thâuv đêx grêk, taz por cov muk lok tâu thông ntơưv ntu cêr no./.

(Vũ Lợi-Lik Thox cxêik nhênhv)

Sở zoz zux tỉnh Lào Cai tưz kriê xeir zuôr shux xênhz cơưv lớp 10 phưv thôngz mênhx cxưx shông cơưv 2022-2023 đros ntâu zoz qơưx tso tơưv, chiê gra siêz tsơưr lươngv xeir zuôr shux xênhz. Ntơư zos xêir zuôr têx tuz nxeik hluôk nhiv kruôr hloz lox zos heir nênhs tsơưs, uô nênhx nhoz ntêr ntơưv chor thax tsav txov nhêv hâur tỉnh Lào Cai. Xeir zuôr tsi tsênhr đhâu 5% hâur hur si tsưr ziv tâu xeir zuôr niêx shông  zos nênhs Choz Tsiz têx tuz nhuôs uô nênhx nhoz ntêr ntơưv thax tsav lok six txov nhêv hâur tỉnh Lào Cai.

Chor tsêr cơưv cxênhx 3 mênhx cxưx tỉnh Lào Cai xeir zuôr shux xênhz hâur tas nro tỉnh; têx tsêr cơưv cxênhx 3; cxênhx 2 mênhx cxưx xeir zuôr shux xênhz trơưk li hâur thax tsav huyện, thị xã; Shux xênhz nhoz hâur TP Lào Cai, zos muôx txâuk têx ntâuz ntơưr, cxuô zav li heik sâuv muôx têx đas cir xeir muk cơưv trâu tsêr cơưv phổ thông mênhx cxưx cxênhx 2 thiêz cxênhx 3 huyện Bảo Thắng./.

(VOV4-Riê Lâux cxeik, nhênhv)

Nhiv kruôr đhâu, Cơ quan Cảnh sát qênhz yuôx, Công an huyện Yên Châu (Sơn La) tưz muôx cuêz tênhv khởi tố txuz án hình sự, khởi tố Hà Thị Nguyệt, zus shông 1986, nhoz ntơưv jok Huổi Sét, xar Chiềng Hặc, huyện Yên Châu lok kror cxâuv txoz txưv uô trâus saz trâu lênhx nênhs txơưr thâuv bâu tơưl, siêz xar tsik thôngz. Uô ntêx co hnuz 19/3, tiv bâu tơưl hênhr viv zuk tuk txir zos Nguyễn Văn Hoan tưz muôx cêr gâux đrâus, uô đaz uô tuôs đros zuk tuk nxêik, Hà Thị Nguyệt tưz zôngv triêv txiêr hlêik zuk tuk txir kror qơư mok, đhâu co tuôx trâu cơ quan Công an hêik pâuz lok zuk kror cxâuv. Hà Thị Nguyệt kror uô cxâuv no zuôr uô trâu Nguyễn Văn Hoan trâus saz muôx nhos 72% tưz txâuk chiê khởi tố uô trâu lênhx nênhs txơưr trâus saz hnhar lơưr cui tênhv ntơưv điểm b, ntu 2, Grê 135 Bôv Chêi hình sự. Niêv tix Hà Thị Nguyệt tsik tâu muôx kror cxâuv tưs hlo thiêz nhiv no tsênhv tu zus mê nhuôv mok, lưx lươngv muôx vax huôv Công an huyện Yên Châu tưz uô lơưr tsưr ziv txưr tsik khênhr muk đhâu thax tsav qơư nhoz thiêz tsik khênhr Hà Thị Nguyệt tơưv muk trâu saz đrâuv têz qơưk./.

(TTTB-Lik Thox cxêik nhênhv)