Hnuz 11/7, zơưv Lò Minh Hùng, Phưv Bí thư Thường trực Tỉnh ủy Sơn La, Trưởng ban chox kriê cxiv tsa huyện Quỳnh Nhai uô tiêr cxiv tsa jêx jok yiêz trâu shông 2025 tưz sêiz shuôk jies cơưv ntâuk  gri 6 luz hli hâur shôngk  shông; kriz uô jênhv vưv 6 luz hli kaz shông. Zơưv Lò Minh Hùng hêik chor sở, nganhx bax pênhr jos chiê kriz uô chor luôs hâux lưv cxiv tsa jêx jok yiêz lơưr ploz tsênhr pluôs yiêz. Hêik huyện Quỳnh Nhai hêik pâuz kho đuô, cxaz nzir đề án thiêz Nghị quyết cxiv tsa huyện Quỳnh Nhai tuô cov tâu tiêr jêx jok yiêz; bax jông cxuô kror chiê ntâuk hri iz shông uô lơưr Thường vụ Tỉnh ủy li Nghị quyết sôr 14-NQ-TW hnuz 26/7/2021 lok cxiv tsa huyện Quỳnh Nhai uô tiêr cxiv tsa jêx jok yiêz đros trâu ntâuk gri tsaz yênhx kho đuô têx tsêr đaz tuôs lav nhoz sâuv thax tsav; kriz uô ndar six hơưv, truôx jông chor tsaz yênhx tsưr ziv têz qơưk./.

(VOV-Ly dịch đọc)

Nhiv kruôr no, tỉnh Lai Châu đoanx côngz xưv zos zơưv Hồ Xênhv Shôngx, Uỷ viên Ban Thường vụ Tỉnh uỷ, Chủ tịch Uỷ ban Mặt trận tổ quốc VN tỉnh uô thơưx chox đoanx tưz muk shuôs thiêz muôz huv puz trâu chor nênhs trâul moz trâul saz, têx lênhx tuz lênhv tâu tas siv nênhx thâuv ntu tir ntâuk trol châuz li chuôz zis ntơưv huyện Phong Thổ ndax chiv nhênhv 75 shông Hnuz Xaz pênhz thik xênhz (27/7/1947-27/7/2022). Ntơưv chor nênhs, chuôz zis muôx côngz têz qơưk li heik sâuv chuôz zis: Zơưv Hồ Xênhv Shôngx tưz nus txos lơưr li đas jos thiêz heik tơưv cêr uô tsâus ntâu txos chor tuz lênhv, lênhx nênhs trâul moz trâul saz, têx lênhx tâu tas siv nênhx li côngz txiêx njis lox tir ntâuk trol châuz tsưx phưv têz qơưk. Iz chas ntơư, chor hâu nov tưz xa luk phôngv jông đas jos thiêz xar cov lơưr li chuôz zis tror uô jông têx cêr nênhx jông, uô ntêx nyuôs, sir jos uô trơưk Đảng, têz qơưk têx chei kriê thiêz đros moz siêz lês uô jông, tsov iêr chi cax chiê sơưr đơưk ntơưv qơư cơưv shâuv, uô trơưk, cxơưz paz thax tsav, têz qơưk ziv hnuz ziv huôv tsar, vav mênhx./.

(BCL-Riê Lâux cxeik, nhênhv)

Cơ quan Cảnh sát qênhz yuôx, Công an tỉnh Điện Biên nhiv kruôr khởi tố, cxov cơưv tsês tês iz lênhx Phưv Chủ tịch xar Thanh Hưng, huyện Điện Biên, tỉnh Điện Biên lok kror cxâuv liv zôngv zuk vax huôv, qênhx chiê đas nox nhiêx txiêx cxuô zav. Lơưr cuêz tênhv khởi tố sôr 81, cơ quan qênhz yuôx tỉnh Điện Biên li chêi cxov cơư tsês (cir hnuz 7/7), zơưv Vì Văn Biến trâus cxov cơư tsês chiê qênhz yuôx, uô tsênhz mênhx kror cxâuv “Liv zôngv zuk vax huôv, qênhx  tâu choz, tưz uô chuôr têx ntâuz ntơưr thêv nhiêx ntiêr mêir luôv cêr, mêir thoz huk cêr hâur hâux lưv uô cêr zoz thôngz muk lok hâur têx liêx têz nhoz hâur Dự án kriz uô kôngz nuv ntơưv xar Thanh Hưng, huyện Điện Biên shông 2018 chiê nox chor nhiêx muôx 123.260.000 đêiv lơưr cui tênhv nhoz khoản 2, Grê 353, Bôv Chêi hình sự. Six hơưv lav cxov cơư zơưv Vì Văn Biến zos 4 luz hli./.

(Vũ Lợi-Lik Thox cxêik nhênhv)

Zar hnuz kêix 11/7, Phongx Cảnh sát qênhz yuôx têx nênhs zuôr muôs uô luôv zax zênhz tsi trơưk chei, Công an tỉnh Lai Châu heik pâuz, txix hnuz xiêz 02 txos xiêz 8/7, taz viv tưz ruôr por tsês tâu 4 txuz zuôr muôs, uô luôv zax zênhz tsi trơưk chei, ntêk tâu 5 lênhx nênhs, sâu tsês muôx 25 poz zênhz đơưz, 42 cxênhz njiêr yuôx shơư zênhz đros ntâu zav chuôz zênhx txơưr đuô cik txos. Ntơưv jiês kruôs chor taz viv, lênhx nênhs uô tâu hâux lưv jông lok sâuv sơưr tơưv txênhz, phax tar chor nênhs zuôr muôs, uô luôv zax zênhz tsi trơưk chei zar hnuz kêix 11/7, đại tá Nguyễn Viết Giang, Giám đốc Công an tỉnh Lai Châu heik cơ quan cảnh sát qênhz yuôx cxuô cấp zênhx max cxiv uô têx ntâuz ntơưr , tror krêz đar qênhz yuôx, yơưz phơưz, ntêk chor nênhs tsênhv yuôr chiê uô jông lơưr chei têz qơưk cui tinhv. Iz chas co, tror xar tsưr ziv txix têx pâuz tâu, njiz trâul hâur phax tir thêir têx nênhs uô cxâuv chei chiê lês uô jông đuô luôs hâux lưv phax tar zax zênhz nhoz yênhx thax tsav, suôv qơư. Nhiv no Công an tỉnh Lai Châu tsênhv cxov tsês 5 lênhx nênhs thiêz tsênhv tror qênhz yuôx, uô tsênhz mênhx têx txuz zuôr muôs, uô luôv zax zênhz trơưk chei heik sâuv./.

 (Khắc Kiên-Riê Lâux cxeik, nhênhv)