Txix shông cơưv 2022-2023, nganhx zaoz zux tsưr tsix kriê luk Anh thiêz Tin học zuôr trâus trâu shux xênhz lớp 3. Txơưv yuôr tsi ntâu hnuz thiêz tưz qir lok trâu shông cơưv yiêz, taz sik tỉnh Sơn La nhiv no tsênhv muôx tsi txâuk cưk kriê kriê 2 môn cơưv no. Lơưr thôngz sâu, tas nro tỉnh zuôr trâus muôx nhos 300 lênhx cưk kriê luk Anh thiêz tin học thiêx li txâuk. Pos Điêu Thị Dân, Phưv giám đốc Sở zaoz zux tỉnh Sơn La puz pâuz: Uô ntêx, nganhx zaoz zux Sơn la qênhz yuôx, chox chor shux xênhz lớp 3 nhoz têx tsêr cơưv mê chêx chôngk lok tsêr cơưv lox chiê uô ntơưr. Đrâuv co, heik cưk kriê kriê cxuô cấp, cxuô tsêr cơưv thôngz đhâu tsưr ziv kriê sâuv lớp cơưv thiêz kriê trực tuyến...Pos Dân heik: “Chiê taz por 100% shux xênhz lớp 3 sâuv thax tsav tâu cơưv môn luk Anh thiêz tin học, Sở zaoz zux tưz chêx chôngk phênhv ntâu cưk kriê luk Anh thiêz tin học nhiv no muôx hâur têx taz viv tsêr cơưv thiêz sâuv thax tsav chiê kriê ntơưr. Tiv 2 zos heik chor cưk kriê no kriê hâur têx tsêr cơưv lơưr six hơưv cui tênhv; thôngx cxix têx qơư zaoz zux tsov lơưr qênhx shênhx chiê muôx tsưr ziv uô huv đros thiêz muôx chêx cuk tiv zix”./.

(Trấn Long-Txâur Vax cxeik nhênhv)

T.Ư đoanx hluôk nênhs cộng sản HCM nhiv kruôr đros cxuô taz viv cik txos fuô uô ntâu tsênhv njiêz hâur jiês so uô têx nuv jông siêz shông 2022 ntơưv xã Tà Xùa, huyện Bắc Yên, tỉnh Sơn La. Đoanx côngz xưv tưz muôz 500 tsov đeiv txix phênhv pênhr 120 li têx pênhr paz max trâu hluôk nênhs tỉnh Sơn La kêr txeik huôv tsar kinh tế; choz côngz trênhx “tênhz tơưk pov cêr têx cêr muk lol hâur jok” trâu tsôngv pêx xênhv Tà Xùa; muôz 10 poz huv puz trâu têx lênhx hluôk nênhs muôx luz nênhx txov nhêv. Iz chas ntơư, chor cưk yuôx, bác sĩ hluôk uô têx nuv jông siêz tưz seiz njuôk shuôs moz, pheiz yuôx tsi zuôr nhiêx trâu tsôngv pêx xênhv. Đoanx côngz xưv tsênhv muôz 10 cxênhz tsoz zuz ntông puz trâu hâu nov, tsôngv pêx xênhv ntơưv qơư; choz 25 luz tsêr vêv xênhz puz trâu têx chuôz zis muôx luz nênhx txov nhêv…. Xav hur si têx hâux lưv uô, huv puz heik sâuv tas xar muôx iz tyv đeiv./.

(VOV4-Riê Lâux cxeik, nhênhv)

Xã Lao Chải, huyện Mù Cang Chải, tỉnh Yên Bái muôx 100% zos tsôngv box Hmôngz nhoz uô nênhx. Têx shôngk tov ntêx, liv zôngv tsôngv box li jênhv pâuz kis, têx lênhx nênhs phamv cxâuv tưz sir zôngv ntâu tsưr ziv nziês đas, hâuz zâuv nriêr hâux lưv uô siz, đros phênhv sâu tâu siêz, lok sik cxoz txiv siz đênhr uô gâux đrâus chiê nziês đas chox muk muôs trâu saz đrâuv têz qơưk. Thôngz sâu txix shông 2017 txos shông 2020, sâuv thax tsav huyện Mù Cang Chải muôx yưv 10 txuz muôv muôs lênhx nênhs đros thiêz ntês tâu 25 lênhx nênhs phamv cxâuv. Zơưv Zax A Vàng, bí thư Đảng ủy xã Lao Chải, huyện Mù Cang Chải puz pâuz: Ntu jê ntơưv no, khov cxơưz tiês yax mông, vênhv tôngv viv li nhoz xã tsi yuôr lênhx nênhs trâus nziês đas chox muk muôs thiêz: “Côngz xưv yax mông lok Đảng li chủ trương, têz qơưk li cêr chei trâu pox nhuôs txos nhiv no muôx têx hlôngr yiêz tsênhz mênhx, pox nhuôs li jênhv pâuz tâu muôz siêz lok six ntâu”./.

(VOVTB-Txâur Vax cxeik nhênhv)

Tiv coz nas chuô lox sôr 2 uô hiêv txos, cxuô suôv qơư hâur thax tsav Tây Bắc tror lok nas trâu cxiê qơư, uô têx đêx huôv hloz thiêz tox xưz poz, cxuz cêr muk lol  ntơưv iz cxiê thax tsav qơư. Ntơưv tỉnh Sơn La, ntux nas lox tưz uô tox xưz poz sâuv tsas cêr siêz lok cxuz txox cêr lox 101 thiêz 114  ntơưv xã Tô Múa, huyện Vân Hồ thiêz xã Tường Tiến, huyện Phù Yên. Têx taz viv cxiv tsa tưz hu zâuv lênhx nênhs, bax têx chuôz zênhx, yêz uz no muk thoz huk cêr, zênhx max cxiv kho têx ntu cêr trâul xưz poz co chiê têx yêz thiêz lênhx nênhs muk lol tâu đhâu. Hâur zar hnuz kêix 11/8, tỉnh Lai Châu cux tror lok nas trâu cxuô thax tsav, muôx kênh qơư lok nas lox. Taz sik, hâur thax tsav tsi tâu pov muôx heik pâuz lok têx trâul ruôr hiêv li chas hlo

Hok ntơưv tỉnh Yên Bái, trơưk li njuôk xav txix zar tsâuk ntux hnuz 11/8 txos hnuz 13/8, têx tus đêx hâur tỉnh muôx têx zuôr huôv lox, zôngx ziv muôx tox xưz poz, ar lơưk nhoz tox siêz, đêx ngaz thax tsav qơư kis li: Huyện Lục Yên, Trấn Yên, TP Yên Bái…. Hâu nov thiêz tsôngv pêx xênhv cxuô thax tsav tsuv chênhr phax,  txar jav đêx nas lox./.

(VOVTB-Riê Lâux cxeik, nhênhv)