Hâux lưv muôs têx hax huv tơưv saz đrâuv têz qơưk ntơưv Yên Bái ciês hâur hli xuz thơưx thâuv hâur shôngk shông 2025 tưz tâu uô jông, đros tsiv gri muôs tơưv saz đrâuv têz qơưk tâu muôx 35 triệu ntâu USD, bâuv 115% pir li shông uô ntêx. Hâur shông 2025, Yên Bái li tsưr ziv zos muôx tơưv saz đrâuv  têz qơưk cov tâu muôx 500 triệu USD, ndê 17% ntâu pir li shông 2024. Chiê uô tâu tsưr ziv no, Yên Bái xav jênhv tror tsêx trung đơưk kho têx phiv liv trâu doanh nghiệp hâur hâux lưv zuôr muôs, muôs tơưv saz đrâuv têz qơưk thiêz công nghiệp; gra siêz paz thơưz zuôr muôs tơưv saz đrâuv têz qơưk thiêz huôv tsar chor hax huv chênhr hâur tỉnh, hâur co, tsêx trung trâu chor hax huv txix kôngz, jôngr nuv tâu uô jông li: Yuôx zêx, cxur, cuêv fix, njuôs shôngz Bát Độ, ntông thiêz hax huv txix ntông, poz jêz đơưz… Zơưv Nguyễn Đức Dũng, Giám đốc Công ty Cổ phần Yên Thành Yên Bái-taz viv uô têx hax huv njuôs shôngz Bát Độ thiêz ntông jôngr chos muôs tơưv saz đrâuv têz qơưk puz pâuz: “Khov lơưr uô nox zar kaz shông 2024, hla trâu shông 2025 no taz viv li huôx tôngv uô, kinh doanh tưz tror truôx tuk. Chiê uô tâu li tsưr ziv tso tơưv, công ty tsênhv tror nriêr pâuz, kriz đar qơư muôs thiêz tror uô jông đros têx qơư muôs đhâu muôx moz Covid-19 chiê muôx tâu têx qơư muôs huv truôx, uô cov tâu truôx jông thiêz paz muôx tâu phênhv sâu truôx trâu nênhs lox tôngv”./.

Thừa Xuân-Lik Thox cxêik nhênhv

             Ủy ban huyện Mường La, tỉnh Sơn La nhiv kruôr phuôx tôngv sik tưr 79 hnuz hmo “siz chos paz uô tsêr nhoz trâu têx chuôz zis pluôs, chuôz zis txov nhêv” shông 2025. Co zos hâux lưv uô muôx liv, sik đros paz trâu chor chuôz zis muôx luz nênhx txov nhêv tsi muôx tsêr nhoz, lok sik tsênhv uô nênhx nhoz hâur têx vax tsêr đaz tuôs chiê lơưr muôx tsêr truôx khor nhoz; sir jos cov 79 hnuz hmo paz uô tiêr tâu xar muôx 360 luz tsêr, hâur co zuôr xar 340 luz cxiv uô yiêz, 20 luz kho đuô, qir txix hnuz xiêz 10/2 txos hnuz 30/4 shông no. Đros thiêz tsưr ziv “tus muôx ntâu paz ntâu, tus muôx tsơưs paz tsơưs, paz tâuk li chas paz li ntơư, sik đros paz nhiêx txiêx, hnuz côngz đas jos”, ciês ntơưv jiês phuôx tôngv, chor đại biểu cxuô cơ quan, taz viv, doanh nghiệp, canr bôv công chức thiêz pêx xênhv tưz sik đros paz tâu zuôr xar 220 tsov đeiv. Zơưv Khương Thế Anh, Giám đốc Công ty tênhv tênhz Sơn La heik: “Thâuv txeik tâu Ủy ban huyện Mường La tsaz yênhx phuôx tôngv 79 hnuz hmo paz uô tsêr nhoz trâu têx chuôz zis pluôs, chuôz zis txov nhêv  hâur 79 hnuz hmo, công ty tưz heik txos trâu tas nro sơưr đơưk hâur công ty chiê sik đros paz max, lênhx tưs muôx li chas mak paz li ntơư, tus muôx ntâu paz ntâu, tus muôx tsơưs paz tsơưs. Txix thâuv yênhx lix công ty txos nhiv no, chor tsaz yênhx uô li heik sâuv, canr bôv nhân viên công ty puôr lênhx jông siêz, thôngx ziv đros chiê siz chos paz trâu pêx xênhv muôx luz nênhx truôx tuk”./.

Trấn Long-Riê Lâux cxeik, nhênhv

                Ntơưv jok Gia Khâu 1 (xar Sùng Phài), ủy ban thành phố Lai Châu nhiv kruôr tsưr tsix kriz uô Ntênhk hôiv Gruôv tox shông 2025. Ntênhk hôiv gruôv tox zos tsôngv box Hmôngz li ntênhk hôiv lox tiv zix hâur côngv thôngx. Ntênhk hôiv Gruôv tox zos jiês chiê tsôngv box Hmôngz uô tsâus txos ntux têz, pox côngz zơưv côngz tưz paz trâu sơưr đơưk muôx đas jos jông, sâu tâu kôngz lôngk ntâu, tu tsiêx cxu pur guôx. Thor trâu iz shông yiêz muôx luz nênhx jông, muôx ntux yar ntux nas jông, thiêz chiê sik njiz, hu gâux, đhiê pax vuôs, uô si lov jêv hâur chêix ntux yiêz. Ntênhk hôiv muôx phênhv ntênhk thiêz phênhv hôiv đros muôx ntâu kror tâu tsưr tsix hêik txó tsôngv box Hmôngz li têx vênhx huôv jông: txi côngv tsoz nxông, sik tưr tuôr nduôr, uô mor cuôv; sik tưr lêix liêx; uô têx zav uô si cxôngx nzor…/.

Baolaichau-Lik Thox cxêik nhênhv

              Njuôk xav tas cik hnuz 13/2, iz nthưr chuô txiêk txix faz Bắc zuôr lok txos trâu cxuô thax tsav hâur tỉnh Lào Cai. Thax tsav qơư kis zuôr lok nas yâur trâu iz cxiê suôv qơư, tox siêz lok nas, pok huôz. Cxuô thax tsav qơư hâur tỉnh no njiv, tox siêz ziv no njiv đuô. No njiv uô jêx tưv grêk kis txix 16-18 tưv, tox siêz 11-13 tưv, thax tsav ju lix Sa Pa no njiv đuô hur si, jêx tưv txix 8-10 tưv. Tsôngv pêx xênhv chor huyện tox siêz tsuv tror uô jông têx tsưr ziv phax tar no trâu tsoz chos, tsiêx tu zus. Iz chas ntơư, hâur têx hnuz no njiv cux zôngx ziv uô têx moz khâuz thuôs, moz cêr uô pa huôv xênhz. Chênhr zos li heik co, cxuô chuôz zis tsuv tsưx phưv truôx tuk đas jos, tiv zix zos têx lâul nênhs, nhuôs zâu chiê txo grêk tsơưs trâus muôx moz./.

    Báo Lào Cai-Riê Lâux cxeik, nhênhv