Đhâu zuôr xar 4 shôngk krêz uô Nghị quyết 09/2019/NQ-HĐND lok cui tenhv phênhv paz txưv gôngr BHYT trâu tsôngv box zos ziv chuôz zis zuôr xar pluôk sâuv thax tsav tỉnh Lào Cai, tưz muôx 35 cxênhz ntâu lênhx nênhs tâu sơưv paz txưv txix chính sách no. Đhâu co, gôngr phênhv taz por nox nhoz xã hôiv, tuôr truôx lênhx nênhs muôx BHYT nhoz Lào Cai zos 89% ntâu. Ntu đhâu, ntâu chính sách paz txưv huôv tsar KTXH, taz por txiv ngaz cux tưz thiêz tsênhv tâu tỉnh Lào Cai krêz uô muôx chêx cuk txix tiv phaz, hâur co muôx chính sách paz txưv BHYT. Khov co, yênhx trus muôz siêz luz nênhx, chinhz yênhx trâu tsôngv box, taz por nox nhoz xã hôiv./.

(VOV4-Txâur Vax cxeik nhênhv)

Hâur 6 luz hlik hâur shôngk shông 2022, Yên Bái tưz pov 67 txuz uô cxâuv cêr chei lok tênhx qơư, tài nguyên thiêz taz por zav nox. Đhâu co krêz tik cêr cxâuv 1 txuz, 9 lênhx nênhs phamv cxâuv; xưv phuôv hành chính 66 txuz (3 tsưr tsix, 63 lênhx nênhs) xưv bluô nhiêx txiêx zuôr xar 320 tsov đeiv. Lơưr chiz coaz muôx txơưx jênhv li ntâuk grê, txơưv qênhx shênhx nênhs phamv cxâuv cêr chei lok tênhx qơư sâuv thax tsav tỉnh tsi phưx txuôx, tsi chiê uô cxâuv hnhar tz sik cux muôx têx uô cxâuv muôx lênhx coaz txos vênhv thix yưr lir tsơưr kiês nênhs công nghiệp thiêz huôx tôngv tsiv uô, kinh doanh jix vuv; uô cxâuv lok vêv xênhz taz por zav nox, uô cxâuv cui tênhv hâur huôx tôngv khoáng cxax; uô cxâuv cui tênhv lok coar lik jôngr, huôv tsar thiêz por vêv jôngr./.

(Báo Yên bái-Txâur Vax cxeik nhênhv)

Tiv pâuz tsik tsênhz, siêz muôs, yênhx châuv lênhx hluôk nênhs nhoz tỉnh ntus đriv Lai Châu tưz trâus chor nênhs fêv nziêk đas tiêk “muôx hâux lưv uô đros nhiêx hli siêz” hâur têz qơưk Campuchia. Lơưr cơ quan muôx vax huôv tỉnh Lai Châu li thôngz sâu, nhiv no ntơưv thax tsav qơư tưz pov muôx 20 ntâu lênhx nênhs trâus chor nênhs co nziêk đas muk trâu saz Campuchia uô hâux lưv, phênhv ntâu zos chor nhuôs txix 14 txos 17 shông. Txos nhiv no tưz muôx 10 lênhx nênhs tâu chuôz zis muôz nhiêx muk thêv chiê chox tror lok tsêr, đros chor nhiêx thêv co txix 75 txos 100 triệu đêiv. Taz sik, no nhiv kruôr zos kror nriêr pâuz xuz thơưx xưz thiêz chor lox tôngv trâus nziêk đas co têx jâuv tsênhv chôngz đuô. Qênhx shênhx nziêk đas nênhs muk trâu saz Campuchia uô hâux lưv tsênhv tsênhz zos kror chor cơ quan muôx vax huôv ntơưv thax tsav qơư li têx tsuv hêik trâu sơưr đơưk pâuz lok hâux lưv uô, kruôz kriê hâux lưv uô trâu chor hluôk nênhs thâuv cơưv tiêr ntơưr./.

(Khắc Kiên-Lik Thox cxêik nhênhv)

Pov muôx ntâu zav caz uz no hâur luz vax, xar tiêk zos caz trâuk, tix lâus H.V.L nhoz xar Tà Lại, huyện Mộc Châu, tỉnh Sơn La đros iz cxiê lênhx nênhs hâur chuôz zis tưz cxov chox lok ciz nox. Đhâu co, tix lâus thiêz pêz lênhx nênhs txơưr tưz trâus tưx, tsuv tuôx tsêr kho moz chiê chơưv paz tiv moz tâuz hâu thiêz tsâuk muôs, xênhr siêz thiêz ntuôr. Bác sĩ Chuyên khoa I Nguyễn Văn Sỹ, Giám đốc tsêr khoz moz Đa khoa Thào Nguyên (Mộc Châu) puz pâuz, đros iz cxiê zav caz tưz zênhx pâuz tsênhz, zuôr zôngv tâu uô zav nox, pêx xênhv tsik tsuv nox têx zav zuk pâuz tsik tsênhz chiê taz por ngaz tuk hâur phax, tar tưx./.

(Trấn Long-Lik Thox cxêik nhênhv)