Têx nganhx muôx txơưx jênhv ntơưv Lào Cai tưz thiêz tsênhv ciêr chênhr nriêr tsưr ziv muôs yênhx châuv cxênhz tênhr txir pôngr lux muôs tsi tâu tiv cxiv tsav txênhz Nga-Ukraina. Zuôr xar 400 hecta txir pôngr lux sâuv têx têz nhoz Mường Khương (Lào Cai) tsênhv txos six hơưv sâu, taz sik jiês tsav txênhz Nga-Ukraina uô têx xiv huv no muôs tsi tâu viv no zos niêv ciêz tsênhv. Thôngz sâu tso pov, xav tas nro chiv cheix txix hli 10-12, tas nro tỉnh muôx muôx nhos 35 cxênhz tênhr txir pôngr lux zuôr trâus tâu muôs, zos hâux lưv lax car chêx tâu, ruôr hiêv lox trâu tsôngv box nôngx mênhx. Lơưr zơưv Đỗ Văn Duy, Giám đốc Sở kôngz nuv thiêz huôv tsar nôngx cxênhz tỉnh Lào Cai, đoanx côngz xưv tưz muk ntâuk grê, nriêr tsưr ziv car chêx trâu thax tsav chos txir pôngr lux Mường Khương, tỉnh li chor txir pôngr lux txix hli 3- hli 5 phênhv ntâu chêx chôngk ntơưv no. Uô ntêx, iz hnuz tsênhv muôx zuôr xar 50-60 tênhr txir zuôr trâus sâu, chor txir no zuôr chuôz ndê thâuv txos ntu siêr tas./.

(An Kiên-Txâur Vax cxeik nhênhv)

Hnuz đhâu 13/3, Trung ương đoanx hluôk nênhs cộng sản HCM thiêz tỉnh đoàn Sơn La tsưr tsix hnuz txưv zênhv sik côngv tês cxiv tsa nôngx cxênhz yiêz shông 2022 ntơưv xã Chiềng Khay, huyện Quỳnh Nhai. Phuôx plov ntơưv tsaz yênhx, tix lâuk Bùi Quang HUy, Bí thư thường trực BCH Trung ương đoanx hluôk nênhs CSHCM tưz phuôx tôngv thiêz hu lơưs tsưr tsix đoanx têx cấp thiêz đoàn viên hluôk nênhs phuôx huiz txơưx jênhv, đas jos thiêz siêz xar tơưv por vêv jông tênhx qơư; huiz tôngv têx pênhr jos chiê cxaz chuôz cxiv tsa nôngx cxênhz yiêz; paz têx xã, jêx jos txov nhêv cxiv tsa nôngx cxênhz yiêz:

“Hnuz txưv zênhv sik côngv tês cxiv tsa nôngx cxênhz yiêz tâu hluôk nênhs tas nro têz qơưk uô hâur hnuz 13/3; đros ntâu côngz tsinhx, hâux lưv tsênhv tsênhz li chos ntông, chos pax; krêz uô trâur nuv “vax hluôk nênhs” kho đuô tsêr nhoz, vax pas guôx, paz hluôk nênhs hlôngr yiêz hâur tsiv uô kinh doanh, huôv tsar cêr uô nox; tsưr tsix chox têx hluôk nênhs muôx yênhx tưv lok cxiv tsa nôngx cxênhz yiêz”./.

(Lê Hạnh-Lan dịch đọc)