Ntơưv Yên Bái, txix iz tsoz chos tsi muôx grik, đhâu thâuv buôk ti txos têx tsưr ziv uô nox yiêz, liv trox muôs trâu ciêz đrôngs, mak ciêv fix tưz yênhx tsoz chos paz cxuz cêr yeiz pluôs thiêz krêz hâu cêr uô bluô nux truôx trâu pêx xênhv. Tix lâus Bàn Văn minh, nhoz jok Làng Câu, xã Tân Hợp, huyện Văn Yên heik: Thâuv ntêx, chos ciêv fix 10 shông li jông lơưk têx tơưr chiê muôs, gri fênhx zis, viv tsuôk zôngv chiê uô nox, uô yuôx xưz. Taz sik txix thâuv muôx têx qơư, xí nghiệp tsiv uô, liv trox ciêv fix mak gri tsar ndê siêz. Huyện Văn yên nhiv no muôx nhos 40 cxênhz ntâu ha ciêv fix. Muôx 50 ntâu xiv huv tsiv uô txix têx ciêv fix. Xav kror đruôz đraz iz ha ciêv fix muôx grik nhos iz tỷ đeiv. Tsoz chos ciêv fix muôx zuôr xar 10 tsoz chênhr txơưr đuô hâur Yên Bái tâu huôv tsar chiê muôs tưz gra lok phênhv sâu tâu ntâu nhiêx txiêx, paz txo grêk sei têx chuôz zis pluôs./.

(VOV4-Riê lâux cxeik, nhênhv)

  Tas cik hnuz 14/4, ntơưv jok Sì Thâu Chải, xã Hồ Thầu, huyện Tam Đường (Lai Châu) tưz uô ntênhs cheix câuk za sâuv trôngz PuTaLeng ntiêx têz jiês tiv III, muôx 100 ntâu lênhx nênhs khênhr cheix câuk za hâur têz qơưk thiêz sâuv ntiêx têz tuôx đros cxaz chuôz. Hâur co, muôx têx lênhx nhoz têz qơưk Anh, têz qơưk Séc, Singapore tuôx. Chor nênhs uô si lov jêv no lơưr zuôr uô 2 zav txux chi, co zos sik tưr cheix câuk za thiêz đrêk tâu trơưk li cui tinhv. Zơưv Tống Thanh Hải, Phưv chủ tịch Thường trực Ủy ban tỉnh Lai Châu khav tinhv: Jiês tưr thik cheix câuk zax tiv III zos khav tinhv phôngz yaox thể dục thể thao li cêr huôv tsar hâur tỉnh. Ntơưv qơư zuôr cxiv tsa Lai Châu yênhx qơư cheix câuk za têz qơưk, chiê hu zâuv tsôngv kruô sđ hâur VN thiêz sâuv ntiêx têz tuôx đros côngv cêr lov jêv uô si. Jiês sik tưr thik cheix câuk za no zuôr uô suôx câuv lok hnuz 16/4./.

(Khắc Kiên-Riê Lâux cxeik, nhênhv)

Mông txix tsêr kho moz xênhz zus nhuôs, nhuôv zâu tỉnh Lào Cai heik pâuz, đhâu iz ciêz chơưv kho moz trâu lênhx nhuôv muôx 2 shông trâul moz hnhar tiv hâuk zuôv cêr chơưr tưz truôx tuk đas jos thiêz tâu tso tơưv tsêr yuôx. Uô ntêx ntơư, lênhx nhuôv heik sâuv tâu chox tuôx trâu tsêr kho moz đa khoa huyện, đhâu co xa tuôx trâu tsêr kho moz tỉnh thâuv 1 six tar su hnuz xiêz 5/4 thâuv tus nhuôv no tưztsưx phưv tsi tâu tus khênhx, tsuôk pov nti thiêz yênhx iz jas jas. Xưz. Bác sĩ Vũ Hải yến, Tsar khoa chơưv paz chor nênhs trâul moz hnhar, tsêr kho moz xênhz zus nhuôs thiêz nhuôv zâu tỉnh Lào Cai heik têx chuôz zis tsi tâu muôz têx tsơưr muôx cồn tso trâu ntơưv têx, nhuôv zâu cor thiêz hâuk tâu li ntơư. Viv cồn zos tsơưr cxiz têx sâur nyar, sâur lênhs cuz, tsuôk hâuk iz pak mê xưz cux zuôr uô tsi jông trâu têx nhuôs zâu li đas jos. Lar heik, ntâu lênhx nênhs lâul xar tiêk, chiê mê nhuôv hâuk siv mê njik chơưr bia cux tsi uô chas, mak ziv muôz têx tsơưr li heik sâuv tso ntơưv têx, tsi shuôs, tsi khơưk tsês, sđ tsi cxoz uô li ntơư, têx chơưr bia zuôr uô tsi jông kror muôs, têx siêz njưk, lar heik zos têx sâur lênhs: “Iz kro lox yax hâur trâul kâus tưx chơưr nhoz têx nhuôs zâu zos uô ruôr hiêv txos têx sâur nyar , txix têx trâul lôngx, tsi hnor kaz muôx têx uô tsi jông trâu zar tov kaz no iz zav li uô têx hlưz hâu tsi jông, uô tus nênhs tsi yuô hnor kaz, cơưv txux chi tsi yuô tâu….”./.

(An Kiên-Riê Lâux cxeik, nhênhv)

Phongx Cảnh sát qênhz yuôx têx nênhs uô cxâuv chei têz qơưk, Công an tỉnh Sơn La seiz car, hux jos đros Công an huyện Mai Sơn thiêz têx taz viv muôx vax huôv tưz ntêk cxov tâu Lò Mạnh Cường, xênhz shông 2003, nhoz ntơưv jok Lù, xã Chiềng Lương, huyện Mai Sơn (Sơn La) lok sâuv tuô tuôs nênhs, huôz nox. Viv Cường zuôr trâul nhiêx txiêx chiê zuôr zax zênhz sir zôngv, hnuz xiêz 04/4, Cường muk trâu ntơưv thax tsav vuôk har Buôm Hậu hâur jok Lù, xã Chiềng Lương, huyện Mai Sơn đros thiêz tsưr ziv xar, huôz chor nênhs muk lol đhâu ntu cêr no têx chuôz zênhx, nhiêx txiêx uz no. Thâuv pov lênhx nhuôv Hà Văn V, cheix yêz meir iz lênhs muk đhâu thax tsav heik sâuv, Cường tưz cho têk cov đrêk yêz thiêz thor đros cheix yêz muk iz ntuk, txơưv tâu lênhx nhuôv V jông siêz, tso đros cheix yêz, đhâu ntơư Cường tưz zôngv triêv gâuk tus nhuôv V thiêz huôz luz yêz meir no. Đhâu thâuv txeik tâu tsôngv pêx xênhv mông heik pâuz hnuz 11/4, lưv lươngv Công an Sơn La tưz tso lênhx nênhs, zênhx max muk qênhz yuôx shuôs, ntêk cxov tâu Cường đhâu iz hnuz iz hmo uô muôx têx cêr cxâuv heik sâuv, tsưx phưv truôx tuk trâu sơưr đơưk hâur thax tsav qơư./.

 (CTV VOVTB-Riê Lâux cxeik, nhênhv)