Ntơưv Lào Cai đhâu qênhz yuôx tso pov, têx luôs hâux lưv bax phax tir thêir ntux uô ruôr hiêv tưz tâu tỉnh moz siêz txos, uô jông. Nhiv no, Ban seiz car phax tar ntux uô ruôr hiêv cxuô cấp ntơưv Lào Cai tưz tâu qênhz shuôs cxix cxuô; 100% taz viv cấp xã hâur tỉnh tưz yênhx lix têx lênhx nênhs uô luôs hâux lưv phax tar ntux ruôr hiêv, muôx 11.500 ntâu lênhx, zuôr xar 120 cxênhz têx chuôz zênhx phưx vưv uô hâux lưv phax tar têx tsi jông li heik sâuv tưz tâu bax cxix cxuô. Taz sik, iz chas ntơư, ntơưv Lào Cai nhiv no cux tsênhv muôx 300 ntâu qơư zôngx ziv trâul xưz poz, muôx nhos 630 luz tsêr tsuv tâu yêik txar zênhx max muk nhoz qơư truôx tuk. Trơưk li zơưv Nguyễn Đức Quang, Phưv Chánh văn phongx Thường trực Ban chox kriê têz qơưk lol phax tar ntux uô ruôr hiêv, Lào Cai tsuv uô jông lơưr Thủ tướng Chính phủ li Côngz tênhv chox kriê nhiv kruôr tso tơưv chiê fuô uô luôs hâux lưv phax tir thêir ntux uô ruôr hiêv, taz por truôx tuk trâu tsôngv pêx xênhv, txo grêk tsơưs têx tsi jông: “Sox seiz njôngr ntux têx txơưr txar, qênhz shuôs đuô cxuô faz tsưr ziv phax tar, yêik txar tsôngv pêx xênhv muk nhoz qơư truôx tuk. Đros thiêz chor tỉnh tox siêz li: Lào Cai tsuv moz siêz txos hur si thax tsav riêz nênhs li: Têx tsas đêx, cxok têx fiêx heik pâuz lok qơư riêz nênhs, bax lênhx nênhs, yêz, chuôz zênhx uz no chiê đơưk uô têx tsi jông thâuv muôx yưv”./.

 (An Kiên-Riê Lâux cxeik, nhênhv)

Pos Vũ thị Hiền Hạnh, Phưv Chủ tịch Ủy ban tỉnh Yên Bái puz pâuz, thax tsav qơư nhiv kruôr tso tơưv tsưr ziv kriz uô cxax nzir yuôx vắc xin phax moz Covid-19 côngz tiv plâuz trâu chor nênhs txix 18 shông tror sâur sâuv thax tsav. 156.000 ntâu lênhx nênhs tâu cxax yuôx jiês no zos chor nênhs muôx hnuz nnôngs siêz đuô 50 shông tror sâur; nênhx txix 18 shông tror sâur đas jos phax tar caz moz trâus txo grêk; nênhs zôngx ziv trâus cik tâu caz moz Covid-19 zos: nhân viên y têr, nênhs cxaz chuôz uô côngz xưv phax, tar caz moz thiêz công nhân têx doanh nghiệp. Six hơưv kriz uô cxax yuôx vắc xin phax moz Covid-19 côngz tiv plâuz trâu chor nênhs txix 18 shông tror sâur sâuv thax tsav tỉnh Yên Bái tâu piz kriz uô cxax yuôx txix ciêz tiv 2 hâur hli 5/2022./.

(Đinh Tuấn-Lik Thox cxêik nhênhv)

Phongx Cảnh sát hình sự, Công an tỉnh Lai Châu nhiv kruôr ntêk tâu  Nhông Xênhv Hav, xênhz shông 1993, nhoz jok Nậm Pha, xã Khun Há, huyện Tam Đường, tỉnh Lai Châu thâuv tsênhv taz tov fax thâux 2 tus đêik lox mul muôs. Nhông têx nuv co uô cxâuv cui tinhv por hưv têx tsiêx kuk tâu cui tinhv ntơưv Grê 244, Bộ luật Hình sự shông 2015. Ntơưv cơ quan qênhz yuôx, Nhông krêz lênhk tiêk, 2 tus đêik heik sâuv zos cxov ntơưv têz txir hơưk, hâur xuz jôngr xã Mường Khoa, huyện Tân Uyên lok. Đhâu thâuv cxov tâu đêik, Nhông chox lok zus ntơưv chuôz zis thiêz zok nriêr tâu qơư zuôr zos 130 tsov đeiv đhâu sik thav. Thâuv tsênhv fax thâux chox muk muôs txơưv trâul lưv lươngv muôx vax huôv qênhz pov, ntêk tâu. Nhiv no 2 tus đêik heik sâuv tsênhv tâu zus, tu hâur thax tsav qơư thiêz lưv lươngv muôx vax huôv tỉnh Lai Châu tsênhv uô ntâuz ntơưr chiê muôz tik cêr cxâuv trơưk li chei têz qơưk cui tinhv./.

 (KHắc Kiên-Riê Lâux cxeik, nhênhv)

Zênhx Pênhz phax xar Y Tý, huyện Bát Xát, tỉnh Lào Cai nhiv kruôr khởi tố txuz án hình sự, cxov cơư tsês iz lênhx nênhs zos Hầu A Hừ, zus shông 1975, mênhx cxưx Hmôngz nhoz jok Phan Cán Sử, xar Y Tý cik txos zuôr muôs tsik zos chêi zax zênhz. Hnuz 12/5, lưx lươngv Pênhz phax sik côngv đros công an ntơưv thax tsav qơư thâuv tsênhv uô hâux lưv tưz pov Hừ thiêz qênhz yuôx mak sâu tâu 5 luz hnaz tax ntiv iz chor zax zênhz. Đhâu qênhz yuôx thiêz nus mak pâuz tâu Hừ zos lênhx nênhs muôx zênhk zax zênhz nhoz hâur bê ntơưr chor nênhs tsuv tâu sêiz car txix ntêr lok, zênhx zos nênhs muôx zênhk zax zênhz thiêz tsênhv muôs zax zênhz ntơưv tsêr chiê zuôr nhiêx liv./.

(An Kiên-Lik Thox cxêik nhênhv)