Xor xưv faz Baz hnuz 17-01-2023
Thứ ba, 11:13, 17/01/2023 VOVTB VOVTB
Xor xưv faz Baz hnuz 17-01-2023

Têis cik 16/1, ntơưv xar Trịnh Tường, huyện Bát Xát, tỉnh Lào Cai, Chủ tịch Côx hôiv Vương Đình Huệ thiêz đoanx côngz xưv tưz dự tsaz yênhx “Tsiêz siêz jông” zos Hôiv Chữ thập đỏ tỉnh Lào Cai sik côngv đros Ủy ban huyện Bát Xát tsưr tsix. Tas nro tsiv gri têx paz muôx 2 tiv đêiv ntâu tưz tâu khơưk muôz ntơưv tsaz yênhx “Tsiêz siêz jông” thiêz khơưk muôz trâu chor nênhs muôx luz nênhx txov nhêv sâuv thax tsav tỉnh Lào Cai jiês Tsiêz Mir shông.

Hlôngr njêx muôs lênhx tov Đảng, têz qơưk thiêz đoanx côngz xưv, Chủ tịch Côx hôiv Vương Đình Huệ ntâuk gri siêz txos Hôiv Chữ thập đỏ sâuv tas nro têzqơưk li Tsaz yênhx siêz jông no. Tưz tsik zos ntơưv Trịnh Tường, Bát Xát, Tsaz yênhz Tsiêz siêz jông cux tsênhv tâu tsưr tsix sâuv tas nro têz qơưk tưz hêik tơưv tâu têx kror jông hâur pêz mênhx cxưx luz nênhx. Tsaz yênhx paz hêik tơưv tâu cêr siz hluz, siz paz. No tưz zos yênhx iz kror cêr nênhx vênhx huôv jông thâuv txos tsiêz./.

(VOV-Lik Thox cxêik nhênhv)

 

 

Hnuz 16/1, Đoanx Đại biểu Côx hôiv tỉnh Điện Biên đros Ủy ban Mặt trận Tổ quốc Việt Nam tỉnh muk seiz shuôs, phôngv tsiêz thiêz muôz huv puz trâu têx chuôz zis pluôs, chuôz zis muôx luz nênhx txov nhêv ntơưv huyện Tủa Chùa. Txix Tập đoanx trox pa Việt Nam têx chơưv paz, 200 poz huv, iz poz zos 500 cxênhz đeiv nhiêx tưz tâu choz txos trâu chor chuôz zis muôx luz nênhx txov nhêv ntơưv xã Trung Thu, xã Xá Nhè, thị trấn Tủa Chùa. Hâur co, xã Trung Thu 130 poz, xã Xá Nhè 20 poz, thị trấn Tủa Chùa 50 poz. Têx huv heik sâuv zuôr zos cêr cxơưz đas jos, sik pheiz kênh phiv liv chiê paz têx chuôz zis pluôs, chuôz zis muôx luz nênhx txov nhêv tok tsiêz shir phaz lus. Ntơưv jiês muôz huv puz, têx lênhx hlôngr njêx muôs đoanx côngz xưv tưz muôx luk nus txos thiêz phôngv tsiêz chor chuôz zis heik sâuv. Iz chas ntơư, vav chiê siêz, têx chuôz zis pluôs hâur thax tsav zuôr khưx phưx phiv liv, cêr txov, huôk njôngr cấp ủy, hâu nov cxuô cấp ntơưv qơư têx cêr paz chiê sir jos huôv tsar uô nox uô hâuk, truôx tuk luz nênhx./.

Báo Điện Biên-Riê Lâux cxeik nhênhv 

 

 

Tsêr cơưv Phôv thông mênhx cxưx niêv txir zus mor cxênhx iz-cxênhx oz Phiêng Pằn zos qơư nhoz trâu 1.058 lênhx shux xênhz, hâur co 99% chor nhuôs zos tsôngv box mênhx cxưx Thái, Hmông, Xinh Mun. tưz zos yênhx kror uô sưv, yênhx shông uô ntêx thâuv shux xênhz zuôr lok so tsiêz, tsêr cơưv ho tsưr tsix chor huôx tôngv sik tưr krưr nduôr txâuv puôz, vênhx nghệ thiêz uô chor zav uô si cxôngx nzor, đros muôx cưk kriê ntơưr, shux xênhz thiêz pêx xênhv hâur thax tsav cxaz chuôz. No zos huôx tôngv muôx tsiv gri, paz trâu chor nhuôs pâuz tsênhz đuô lok Tsiêz, cux xưk li mênhx cxưx têx vênhx huôv jông. Cưk kriê ntơưr Kim Thị Lập, Phưv Hiệu truwngr tsêr cơưv, hêik pâuz: đros tsưr tsix trâu chor nhuôs nox tsiêz, chor cưk kriê ntơưr, nhân viên hâur tsêr cơưv tưz muôz iz pênhv nhiêx hli, khơưk muôz huv tsiêz trâu chor shux xênhz muôx luz nênhx txov nhêv, sir jos hâur cơưv ntơưr, paz trâu chor nhuôs thiêz chuôz zis tâu tok tsiêz cxix cxuô đuô./.

(VOV-Lik Thox cxêik nhênhv)

 

 

Jok Hùng Pèng, xã ntus đriv Ma Ly Pho, huyện Phong Thổ, tỉnh Lai Châu têx hnuz zuôr txos tsiêz no, chor chês txir đuôx tưz tơưs pax jov jơưk, uô trâu cheix ntux yiêz tsênhv lok txos cxuô jêx jok. Cxuô chuôz zis tsôngv box Cho tsênhv zênhx max tu, qêz suô têx vax tsêr, vêv xênhz bax tok tsiêz. Taz sik, đrav kaz jok, canr bôv, chiến sĩ zênhx pênhz phax trôngx đriv Ma Lù Thàng cux tsênhv sir jos siz chos uô cov tiêr luz tsêr uô kaz ciês chiê zênhx max choz trâu pêx xênhv uô ntêx tsiêz. Zơưv Lý Chỉn Ngan, chuôz zis tâu paz uô tsêr nhoz shir phaz heik: “Uô tsâus ntâu tsôngv cưr tix nênhx sơưr đơưk hâur jok thiêz chor tuz lênhv pênhz phax tưz paz cur uô tâu iz luz tsêr nhoz. Cur chuôz zis txov nhêv, tsênhv nhoz hâur luz tsêr đaz tuôs, tuz lênhv lok paz uô tsêr viv li cur lok six jông siêz. Uô tsâus ntâu chor tuz lênhv pênhz phax thiêz tsôngv box sơưr đơưk hâur jok, nhiv no muôx tsêr yiêz nhoz, tsi trâul cxơưx  thâuv ntux nas lox lơưv”./. 

Khắc  Kiên-Riê Lâux cxeik nhênhv

VOVTB

Viết bình luận

TIN CÙNG CHUYÊN MỤC