Lơưr văn phongx thường trực Ban chỉ huiz phax tar ntux nas thiêz nriêr chơưv nanv tỉnh Sơn La li ntâus grê, têx jiês chuô lox, xoz tuô muôx yưv zar hnuz keix hnuz 14 thiêz 15/3 ntơưv têx huyện Sông Mã, Sốp Cộp thiêz Thuận Châu tưz uô 2 lênhx nênhs trâus tuôs, tsôngv box li yênhx châuv luz tsêr trâus zơưk trur. Tsênhz mênhx, ntơưv huyện Thuận Châu, chuô lox zar hnuz keix hnuz 15/3 uô Phá Thị S xênhz shông 1992 nhoz jos Thẳm Xét, xã Co Tòng huyện Thuận Châu trâus xoz tuô thâuv tsênhv đreiv nas hâur hâur pâus ntông lox thâuv muk uô têz; ntơưv huyện Sông Mã cux hâur zar hnuz keix hnuz 15/3 tul mê nhuôv Lò Văn Th xênhz shông 2014 nhoz jos Tin Tát, xã Chiềng Cang trâus xoz tuô trâus saz hnhar. Đrâuv ruôr hiêv lok lênhx nênhs, chuô lox cux uô tsôngv box jos Cang Cói, xã Mường Lạn, huyện Sốp Cộp li zuôr xar 20 luz tsêr trâus zơưk trur. Ciês thâuv muôx ntux nas uô hiêv, Ban chỉ huiz phax tar ntux nas thiêz nriêr chơưv nanv têx tiv phaz hâur tỉnh tưz chox kriê lưx lươngv muk seiz nus, tôngv vênhx chuôz zis muôx lênhx nênhs trâus xoz tuô thiêz paz txưv lơưr cui tênhv ./.

(Thu Thùy-Txâur Vax cxeik nhênhv)

Ntơưv thax tsav jok Chang Chảo Pá, xar Hua Bum, huyện Nậm Nhùn (Lai Châu), coz nas lok đros lơưs zar hnuz kêix 15/3 tưz ruôr hiêv txos pêx xênhv thiêz shux xênhz sâuv thax tsav li ntâu zav tsoz chos thiêz qơư cêv kuôk phax tar moz Covid. Ntux lok nas ntêr xar muôx iz six hơưv. Nas lok lox đros chor lơưs lox tưz ruôr hiêv txos ntâu zav tsoz chos thiêz xar muôx 30 qơư cêv kuôk phax tar caz moz. Tsik muôx nênhs trâus saz tiv chor nênhs trâus moz cêv kuôk ntơưv têx qơư no tưz tâu txar qơư nhoz sêi đrơưv thâuv muôx ntux nas đros lơưs. Cưk kriê Nguyễn Văn Minh, nênhs sêiz car Tsêr cơưv cxênhx oz niêv txir zus mor Hua Bum, qơư trâus jiês ntux nas đros los co ruôr hiêv txos puz pâuz:

“Têx qơư no mak tâu pêx xênhv nhoz hâur jok uô chiê chor nênhs trâus moz cêv kuôk tsêx trung trâu ntơưv iz kror qơư, taz sik tiv vor tax xưz viv li thâuv muôx ntux nas đros lơưs mak chor tax ntuôs tas hur si. Thâuv muôx ntux nas đros lơưs lok mak xar tưz đros chor bôv đôiv Pênhz phax, công an xar đros chor cưk kriê ntơưr tuôx muk paz txar qơư nhoz trâu chor shux xênhz trâus moz lok trâu ntơưv tsêr vênhx huôv jêx jok. Cưk kriê ntơưr đros chor lưx lươngv tưz tuôx paz chiê kho đuô ciês cov taz por trâu côngz xưv phax, tar caz moz hâur ntu zuôr txos”./.

(Khắc Kiên-Lik Thox cxêik nhênhv)

Đhâu thâuv nox tsiêz shông 2022 tas, chor nênhs moz F0 nhoz tỉnh Yên Bái tsi so chuôz ndê, hâur co, muôx ntâu lênhx pox niêv tsênhv xênhz tuz ci hâur chêr thiêz têx mê nhuôs zâu trâus moz Covid-19 tuôx seiz njuôs thiêz kho moz ntơưv tsêr kho moz Sản-nhi Yên bái. Tsêr kho moz tâu choz 18 txax (bâuv 10%) kho moz trâu nênhs moz Covid-19, taz sik nhiv no nênhs moz tưz ndê txos 48 lênhx, siêz đuô ntâu jiês pir đros chor txax tâu choz. Chiê tuôv zênhv tâu nênhs moz F0 tsi so chuôz ndê, tsêr kho moz tưz chuv tôngv bax cxaz lênhx nênhs, cuiz tênhv yênhx lix 6 tuêv kho moz trâu nênhs moz Covid-19. Têx tuêv kho moz muôx Sản-Phụ thiêz chơưv paz-Nhi đros 70 ntâu lênhx bác sỹ, điều dưỡng thiêz nữ hộ sinh....bâuv 58% lênhx nênhs hâur tsêr kho moz uô hâux lưv hâur qơư cêv kuôk. Taz viv tsênhv huiz tôngv lênhx nênhs y tế, qơư giao ban, tsar khoa Hồi sức li qơư uô xưv chiê tos jênhv nênhs moz tuôx kho moz thiêz. Têx pox niêv xênhz zus nhuôs, mê nhuôs zâu trâus moz Covid-19 tuôx seiz njuôs thiêz kho moz tâu tsoz phưz jông taz por tuôv zênhv yênhx nênhs moz li đas jos./.

(TTTB-Txâur Vax cxeik nhênhv)

Cux ntơưv Yên Bái, phongx An ninh mạng thiêz phax tar nênhs pham cxâuv sir zôngv công nghệ siêz (Công an tỉnh Yên Bái) nhiv kruôr sik côngv đros Công an thành phố Yên Bái cxov tâu oz lênhx nênhs zos Phan Minh Đại, zus shông 1998, nhoz ntơưv xar Dân Tiến, huyện Võ Nhai, tỉnh Thái Nguyên thiêz Hoàng Thu Phương, zus shông 2000, thường trú ntơưv thị trấn Bắc Sơn, huyện Bắc Sơn, tỉnh Lạng Sơn lok kror cxâuv “Nziêk đas zuôr nhiêx cxiêx cxuô zav”. Lơưr cơ quan qênhz yuôx li têx ntâuz ntơưr, Phan Minh Đại zos nênhs muôx zênhk zax zênhz, tsik muôx hâux lưv uô truôx. Chiê muôx nhiêx sir zôngv thiêz zuôr zax zênhz, Đại  tưz sir zôngv iz tài khoản sâuv mạng xar hôiv Facebook, đhâu co muk trâu hâur iz kror group muôx chôngz nênhs muôs têx hax huv sâuv kror mạng no chiê tso đuôz thiêz muôs iz cxiê zav hax huv uô khax thiêz hêik pâuz zos nênhs muôs chor hax huv no, thiêz hêik cov nênhs zuôr xa nhiêx uô ntêx, taz sik ho tsik muôx huv xa trâu chor nênhs zuôr co. Ntơưv cơ quan qênhz yuôx, Đại thiêz Phương tưz jênhv tas nro zuk kror cxâuv. Qênhz yuôx nzir, oz lênhx nênhs no hêik pâuz tiêk tsênhv kriz uô nziêk đas ntơưv iz cxiê thax tsav qơư txơưr sâuv tas nro têz qơưk thiêz…/.

(TTTB-Lik Thox cxêik nhênhv)