Tsuôk yuôr 2 ciêz lơưv xưz tưz zuôr txos trâu Tsiêz têz qơưk Tsor Shông 2022, cxuô thax tsav qơư hâur tỉnh Sơn La nhiv no tsênhv sir jos bax uô têx tsưr ziv chiê txêik tok chor nênhs muk cơưv ntơưr, lox tôngv ntơưv têx tỉnh txơưr đuô tror lok so tsiêz, taz por ngaz tuk phax tar caz moz Covid-19. Lơưr zơưv Nguyễn Tiến Dũng, Giám đốc Tsênhv qơư qênhz yuôx caz moz tỉnh Sơn La, nganhx Y têr tưz đros chính quyền cxuô thax tsav qơư hâur tỉnh kriz uô têx tsưr ziv chiê phax tar qênhx shênhx caz moz txơưr txar hâur jiês tsiêz; Tsov cưv txos gra siêz đas jos trâu cxiv luôs y têr ntơưv cxuô thax tsav qơư, bax cov txâuk yuôx, chuôz zênhx y têr hâur chơưv kho chor nênhs trâus moz; sir jos chơưv kho chor nênhs trâus moz zâu ntơưv tsêr, chiê paz txo grêk tsơưs muôx chôngz nênhs tuôx trâu têx qơư y têr thiêz txo grêk tsơưs nhiêx txiêx têz qơưk zôngv trâu chơưv kho moz: “Sơn La lok six sir jos chox kriê, thôngx ziv, uô truôx jông txix cấp tỉnh txos trâu têx jêx jok. Huiz tôngv cxuô pênhr jos, tas nro pêx xênhv sik đros uô côngz xưv phax tar caz moz. Pêz sir jos cov pov tâu nzor, cêv kuôk thax tsav chiê uô tâu trơưk tsưr ziv njuôk shuôk caz moz, pov trâus moz thiêz chơưv kho moz, cêv kuôk cov nzor tiv zix. Đros têx sir jos co, pêz zuôr sir jos uô chiê tsik muôx chôngz nênhs trâus moz, tsik muôx chôngz nênhs tuôx trâu têx qơư y têr”./.

(Lê Hạnh-Lik Thox cxêik nhênhv)

Công ty côngz đêx Điện Biên, ntơưr pov tsir bôv đôiv tưz đros têx huyện li: Nậm Pồ, Điện Biên Đông (tỉnh Điện Biên) muôz zuôr xar 70 poz huv puz trâu 670 chuôz zis pluôs, chuôz zis muôx côngz têz qơưk hâur thax tsav. Heik ntơưv jiês muôz huv puz trâu tsôngv box pluôs, hlôngr njêx muôs hâu nov têx taz viv, lênhx nênhs chơưv paz puôr lênhx heik tơưv têx cêr shir phaz, xar tsôngv box sơưr đơưk puôr lênhx muôx iz luz tsiêz nox sor si, lov jêv; iz chas co cux xar njôngr cov têx chuôz zis pluôs sir jos đuô thiêz hâur luz nênhx, huôv tsar uô nox uô hnar chiê hla đhâu cêr txov, paz tsưx phưv truôx tuk thax tsav ntus đriv./.

 (VOV4-Riê Lâux cxeik, nhênhv)

Ủy ban tỉnh Lào Cai nhiv kruôr hêik pâuz lok tso tsês iz ntu tsik txêik tok têx yêz thâux txir ntông tuôx trâu ntơưv Trôngx đriv ntiêx têz cêr ar sôr II Kim Thành chiê muôs muk trâu saz Trung Quốc viv nyêi tsav muôx ntâu yêz hênhr. Lơưr co, six hơưv tsik txêik tok yêz tâu uô txix iz tas hmo hnuz 18/1 txos thâuv muôx hêik pâuz yiêz. Tsưr ziv no zos uô cov chor yêz tuôx trâu ntơưv trôngx đriv tsik ntâu hênhr uô muk lok tsik tâu, têx hax huv tsuv đrêk tok ntêr hnuz ntơưv kror qơư no uô tas ntâu nhiêx txiêx, pôngz plox lok kinh têr trâu pêx xênhv, doanh nghiệp. Taz sik, tiv côngz xưv phax tar moz Covid-19 saz Trung Quốc ntơưv trôngx đriv tâu uô lok six ntov jông (chor nênhs nyêis yêv hax huv, chor nênhs paz tsar yêz thâux xa têx hax huv txir ntông co muôx tsơưs; đros six hơưv uô lơưr qênhz yuôx phax tar caz moz chuôz ndê…), viv li hâux lưv zuôr muôs têx hax huv txir ntông muk lok đhâu ntơưv no mak tsuôk tâu muk lok đhâu tsơưs xưz./.

(An Kiên-Lik Thox cxêik nhênhv)

Công an tỉnh Yên Bái nhiv kruôr ntêk tâu Lý Văn Tuấn, xênhz shông 1988, nhoz ntơưv xã Xuân Lai, huyện Yên Bình, tỉnh Yên Bái trơưk li lưv lươngv muôx vax huôv tso chei đros paz yơưz phơưz tus nênhs no muk lol đhâu đriv têz trâu saz Trung Quốc tsi trơưk chei. Uô ntêx ntơư, hâur iz đraz hli 12/2021, Công an tỉnh Yên Bái txeik tâu  Công an tỉnh Lạng Sơn ntơưr heik pâuz, Lý Văn Tuấn tsi tâu lưv lươngv muôx vax huôv saz têz qơưk đrâuv tso chei nox nhoz hâur lơưr thax tsav qơư. Thiêz Lý Văn Tuấn cux zos tus tsênhv tâu Công an huyện Yên Bình yơưz phơưz  lok sâuv “Tsưr tsix tưr txiêx tsi trơưk chei” txix hli 12/2019. Thôngz đhâu công an tỉnh Lạng Sơn têx heik pâuz, tưz xav tâu Lý Văn Tuấn zos lênhx tsênhv trâul Công an saz Trung Quốc ntêk lol sâuv uô cxâuv chei muk lol đhâu đriv têz tsi tr[ưk chei. Ntơưv cơ quan Công an, xuz thơưx Lý Văn Tuấn krêz lênhk tiêk, thâuv hli 7/2019, đhâu thâuv uô cxâuv chei ntơưv huyện Yên Bình, Tuấn tưz chei yêz kruô muk trâu thax tsav jê trôngx đriv Chi Ma, tỉnh Lạng Sơn, đhâu co Tuấn muk đhâu đriv têz tsi trơưk chei trâu saz Trung Quốc chiê khiêr gâuv lưv lươngv Công an. Nhiv no, Lý Văn Tuấn tưz tâu chox lok tỉnh Yên Bái thiêz choz trâu Công an huyện Yên Bình chiê muôz tik cêr cxâuv trơưk li chei têz qơưk cui tinhv./.

 (Đinh Tuấn-Riê Lâux cxeik, nhênhv)