Hnuz hôiv đêx txir ntông ntơưv huyện Mộc Châu (Sơn La) jiês tiv 6 zuôr tâu tsưr tsix ntơưv thax tsav qơư vuôk har txir khơưz đuz Nà Ka, Tiểu khu Pa Khen, thị trấn Nông trường Mộc Châu hnuz 22/5 zuôr txos. Hnuz hôiv zuôr tâu tsưr tsix đros muôx ntâu kror jông li: sik tưr đê txir, hêik pâuz thiêz nox têx txir khơưz đuz; hênhr kruôk nênhs chos txir khơưz đuz; sik tưr piêr pâuz lok têx zav nox kaz mênhx cxưx; piêr pâuz lok chor txir khơưz đuz. Hâur ntu kriz uô hnuz hôiv, tsôngv kruô tsênhv tâu sêiz shuôk tsaz yênhx vênhx nghệ, têx zav uô si cxôngx nzor, li: sik tưr lâuz pak, tuô hnênhr, lêiv poz… Hnuz hôiv đêx txir ntông zos kror hâux lưv uô tsik so, tâu huyện Mộc Châu tsưr tsix txix shông 2014 txos nhiv no, chiê piêr pâuz txos têx hax huv txir khơưz đuz Mộc Châu thiêz hênhr kruôk txos chor nênhs chos txir khơưz đuz./.

(Lê Hạnh-Lik Thox cxêik nhênhv)

Công an huyện Mường Nhé, tỉnh Điện Biên nhiv kruôr heik trâu tsôngv pêx xênhv sơưr đơưk ntơưv qơư pâuz thiêz chênhr phax lok iz lênhx nênhs fêv li tsưr ziv đas nziêk tiêk, zos công an chiê hu xor tôngx nziêk đas sơưr đơưk têx nhiêx txiêx. Tsênhv tsênhz, lok hâur hli 5 no, zơưv K.V.P, nhoz jok Mường Nhé yiêz, xã Mường Nhé huyện Mường Nhé, tỉnh Điện Biên txeik tâu iz tus pox niêv hu xor tôngx tuôx, nưk tiêk zos công an hâur tỉnh Điện Biên thiêz heik trâu zơưv P pâuz, nhiv no Phongx PC46, Công an tỉnh Điện Biên tsênhv qênhz yuôx têx txuz zuôr muôs, uô luôv zax zênhz thiêz đas nziêk nox đhâu têz qơưk. Hâur co, zơưv P tsênhv muôx 3 tyv đeiv ntâu nhiêx tâu xav zos cik txos têx txuz nuv li heik sâuv. Đhâu ntơư lênhx pox niêv no heik cov zơưv P muk gra 100 tsov đeiv hâur chor nhiêx cxênhx txuôs muôz tso hâur tsêr nhiêx lok chiê xa trâu iz cxiê tus sôr thẻ gra nhiêx mak lênhx nênhs fêv sâuv muôz. Thiêz cux heik zơưv P cov tsi cxoz heik trâu lênhx tưs đros pâuz, txơưv chor nênhs hâur tsêr cux tsi khênhr pâuz. Viv xav no zôngx ziv zos tsưr ziv đas nziêk, zơưv P tưz heik trâu Công an huyện Mường Nhé pâuz thiêz đhâu qênhz yuôx, xav jênhv, Thiếu tá Vũ Văn Hưng, Tsar Công an huyện Mường Nhé heik: Txuz nuv no tưz tir thêir tâu zênhx max, viv li zơưv P tsi trâul pôngz nhiêx. Taz sik, co zos têx nênhs fêv li tsưr ziv yiêz đas nziêk nhiêx  nhoz thax tsav ntus đriv. Chênhr zos li co, tsôngv niêv txir cưr tix nênhx tsa sơưr đơưk tsuv chênhr phax tir thêir tsik chiê têx nênhs fêv nziêk đas li heik sâuv uô ruôr hiêv txos sđ luz nênhx./.

(Vũ Lợi-Riê Lâux cxeik, nhênhv)

Cơ quan muôx vax huôv huyện Trấn Yên, tỉnh Yên Bái tsênhv qênhz yuôx, nriêr pâuz tsênhz mênhx clip cxêik tâu lênhx cưk kriê ntơưr iz tsêr cơưv nhuôs zâu tư thục zôngv hnaz tax đuz lôngx trâu mê nhuôv zâu luz tâuz hâu. Uô ntêx co, sâuv mạng xar hôiv muôx yưv iz clip đros tsênhv njiêz: iz chor nhuôs zâu đros muôx 2 lênhx cưk kriê ntơưr tsênhv hêik cov chor nhuôs pư su, taz sik muôx iz lênhx mê nhuôs tsik pâuz tiv li chak ho tsik cav pư. Đhâu co, iz lênhx cưk kriê ntơưr sơưr muk đrâuv jông thiêz tror lok gra đros iz luz hnaz tax đuz thiêz muôz luz hnaz tax co lôngx trâu tuk mê nhuôv co luz tâu hâu, xuôk têk ntâuk trâu mê nhuôv luz njas. Đhâu co, lênhx nênhs no hlê luz hnaz tax thiêz chox tuk mê nhuôv cov tơưv hâur lớp muk đrâuv jôngr. Txuz hâux lưv tâu xav jênhv muôx yưv trâu thâuv xar muôx 12 six tar su hnuz 14/5, ntơưv lớp cơưv nhuôs zâu tư thục Bông Sen, nhoz jok Nhân Nghĩa, xar Báo Đáp, huyện Trấn Yên (Yên Bái). Đros cưk kriê kror hâux lưv uô co, tưz uô trâu chôngz lênhx nênhs hêik yưv têx luk hêik tsik jông siêz. Chor cơ quan muôx vax huôv huyện Trấn Yên tưz qênhz yuôx, nriêr pâuz cov tsênhz mênhx chiê xưv lik trơưk cui tênhv./.

(TTTB-Lik Thox cxêik nhênhv)

Nhiv kruôr đhâu, ntơưv jok 17, thị trấn Hát Lót, huyện Mai Sơn, tỉnh Sơn La. Công an huyện Mai Sơn tưz qênhz pov thiêz ntêk tâu Nguyễn Văn Chung, xênhz shông 1944, nhoz jok 4, thị trấn Hát Lót, huyện Mai Sơn lok sâuv zuôr muôs uô luôv zax zênhz tsi trowuk chei. Têx chuôz zênhx sâu tâu ntơưv qơư muôx 199 njiêr yuôx shơư zênhz, iz luz yêz meir đros trâu iz cxiê zav chuôz zênhx txơưr đuô cik txos. Đhâu qênhz shuôs zơưv Chung qơư nhoz, Công an qênhz pov, sâu tsês nzir 2 traz zax fov thiêz iz traz fov pa. Nhiv no txuz nuv co tsênhv tror tâu qênhz yuôx, uô tsênhz mênhx./.

 (CTV VOVTB-Riê Lâux cxeik, nhênhv)