Sơn La nhiv no muôx yênhx cxênhz ha têz txir khơưz, muôx hur si cxuô zav txir khơưz li: Txir khơưz nyar, txir khơưz liêz…. Ciês chor txir khơưz nyar mak Sơn La tâu seiz zos thax tsav chos ntâu đuô hur si zav tsoz chos no ntơưv Tây Bắc. Nhoz ntâu thax tsav, suôv qơư, txir khơưz yênhx iz hâur têx tsoz chos chênhr, gra lok phênhv sâu tâu truôx tuk trâu tsôngv pêx xênhv. Muôx kênh suôv qơư li: Xã Chiềng Đen, TP Sơn La muôx 100% jok tsôngv box sơưr đơưk puôr lênhx chos têx txir khơưz co, xar muôx txos 400ha tưz txi txir tâu sâu đê. Têx txir khơưz Sơn La kis, chês nthuôr, siêz txix nênhs xưz, viv li tsôngv kruô muôx têx zôngx ziv cxeik tâu  têx đuôz đros trâu têx pax txir khơưz thâuv tsênhv taz tov tơưs  jông đra pâus. Niêv lâul Hoàng Thị Thúy, nhoz jok 3, phường Chiềng Sinh, TP Sơn La heik: “Cur pov têx pax txir khơưz shông no tơưs lok six jông, tơưs đơưz pâus yênhx trôngz yênhx har, lok six jông trâu chor tuz nxeik hluôk cxeik đuôz uô si, chor nênhs nhiêv têx qơư jông jav chiê tuôx trâu Sơn La thiêz Tây Bắc heik cxuô ndis seiz, cxeik đuôz”./.

(Trấn Long-Riê Lâux cxeik, nhênhv)

Ntơưv jiês kriz tsênhv qơư kriê cơưv luk oz chas têz qơưs hâur thax tsav, zơưv Trịnh Xuân Trường-chủ tịch uỷ ban tỉnh laox cai tưz uô ntơưr cơưv ciês jiês xuz thơưx kriz cơưv. Ntơư zos uô trâu têx tuz nxêik cơưv shâuv uô trơưk. Zơưv Trịnh Xuân trường hêik pâuz,  luôs hâux lưv kriê thiêz cơưv luk oz chas têz qơưs cux zov chênhr cơưs, chiê paz trâu cxuô lênhx nênhs hâur thax tsav tỉnh Laox Cai gra siêz luz nênhx. Chênhr zos li hêik ntơư, uỷ ban tỉnh Laox Cai tưz tso tơưv luôs hâux lưv uô zos “Gra siêz luôs hâux lưv cơưv thiêz kriê luk oz chas têz qơưs trâu cxuô luz tsêr cơưv chiê têx tuz nhuôs tov kaz muôx luz nênhx jông, huv đros luz têz qơưs hlôngr yiêz”./.

                                       Tsu cxêik nhênhv-An Kiên -Hạnh BT

Sở Đêx anr thiêz tênhx qơư nhiv kruôr choz zok côngz trênhx qơư hlơưr têx vuôz tsuôz, kiêk nênhs  ntơưv chor xã Đông Cuông, Mậu Đông thiêz thị trấn Mậu A, huyện Văn Yên trâu Ủy ban huyện seiz car thiêz sir zôngv. Qơư hlơưr têx vuôz tsuôz, kiêk nênhs xã Đông Cuông zos côngz trênhx xưv lik têx vuôz tsuôz sir zôngv công nghệ hlơưr têx kiêk nênhs xuz thơưx hâur thax tsav tỉnh, iz six hơưv muôx têx hlơưr tâu iz tênhr têx vuôz tsuôz, kiêk nênhs; xav hur si pênhr yưv uô kror qơư co tas muôx 5,3 tyv đeiv zos iz hâur 12 qơư hlơưr têx vuôz tsuôz kiêk nênhs zuôr yưv pênhr uô hâur thax tsav tỉnh ntu 2020-2025, uô qơư trâu tỉnh tror yưv pênhr cxiv uô têx qơư txơưr đuô li heik co hâur ntu zuôr txos. Côngz trênhx tâu muôz lok sir zôngv txix hnuz 31/12/2021. Tâu pâuz, iz chas kror qơư hlơưr têx vuôz tsuôz kiêk nênhs ntơưv xã Đông Cuông, huyện Văn Yên, tsênhv tâu yưv pênhr cxiv uô iz qơư trâu ntơưv xã An Thịnh chiê xưv lik têx vuôz tsuôz kiêk nênhs ntơưv têx xã, thị trấn hâur huyện thiêz./.

 (Báo Yên Bái-Riê Lâux cxeik, nhênhv)

Công an thiêz tuz lênhv Biên phôngx tỉnh Điện Biên tưz ntêk cxov tâu zơưv Sềnh A Ly, xênhz zus shông 1978, nhoz jos Huổi Chanh, xã Na Tông, huyện Điện Biên,tỉnh Điện Biên, ntơư zos yơưz tâu iz traz zax fov, 3 luz mok txưr. Hnuz 24/12/2018, Sềnh A Ly tưz uô lênhx nênhs trâus tuôs ntơưv jos Huổi Chanh, đhâu ntơư chiê khiêr gâuv đhâu tsênhv qơư.

Taz sik, txos trâu hnuz 16/1, ntơưv ntus đriv VN-Lok Tsuôk, xã Na Ư, huyện Điện Biên, công an thiêz tuz lênhv Biên phôngv tưz sik côngv têk ntêk cxov tâu Sềnh A Ly. Đhâu nus Sềnh A Ly kriz tiêk, muôx luk siz char siz chês thâuv muôs zax zênhz thiêx tâu tuô lênhx nênhs trâus tuôs.

Nhiv no, công an tsênhv taz tov uô cov cxix cxuô ntâuz ntơưr chiê muôz zơưv Sềnh A Ly tik cêr cxâuv cov zos đrêiv chêi têz qơưs tso tơưv./.

                                   Tsu cxêik nhênh-VOV-Hạnh BT