Ndaz ndơưv jiês lok dưv ntênhs uô tiêr qơư txi côngv liệt sĩ ntơưv Qơư tsav txênhz Điện Biên Phuv ntơưv tỉnh Điện Biên, zar hnuz keix hnuz 17/5, Chủ tịch têz qơưk Nguyễn Xuân Phúc tưz muk hlơưr shaz, tso pax ndo txos têx zênhz shông liệt sĩ ntơưv Qơư nza liệt sĩ têz qơưk A1; muk seiz Bảo tàng ntâuk zênhx lix xưv Điện Biên Phuv, seiz thiêz khơưk muôz huv trâu têx bộ đội lâuk Điện Biên sâuv thax tsav tỉnh Điện Biên.

Sâu ntơưr lưu niệm ntơưv Bảo tàng, Chủ tịch têz qơưk Nguyễn Xuân Phúc heik, Bảo tàng zos qơư tuôr tsês têx zênhz shông liệt sĩ, chiến sĩ Điện Biên li têx chuôz zênhx, đuôz shav, chinhz yênhx zênhz shôngx hâur ntu tsav txênhz Điện Biên Phuv ntêr 56 hnuz hmo chiê tir ntâuk zênhx tros châuz, tas nro ntiêx têz pâuz txos. Khơưk muôz huv trâu 158 lênhx bộ đội Điện Biên lâuk, hlôngr njêx muôk lênhs tov Đangv, têz qơưk, Chủ tịch têz qơưk muôx luk uô tsâus ntâu txos têx zênhz shôngx liệt sĩ, têx chuôz zis thương binh, liệt sĩ, têx lênhx bộ đội lâuk tỉnh Điện Biên./.                        

(VOVTB- Txâur Vax cxeik, nhênhv)

Txix shông 2009, chor tsaz yênhx paz cxur trâu chuôz zis pluôs chiê tsoz phưz, por vêv jôngr thiêz chos jôngr hlôngr trâu liêx têz kriz uô ntơưv tỉnh Sơn La tưz tax tâu ntâu kror jông, cê paz trâu sơưr đơưk sir jos por vêv, huôv tsar jôngr cê paz trâu yênhx cxênhx ziv chuôz zis nhoz tox siêz muôx nzir tsưr ziv uô nox. Nhiv no, pêx xênhv nhoz tox siêz, ntus đriv ntơưv Sơn La vav tiêk tsaz yênhx no tror tâu kriz uô chiê lơưr truôx siêz đuô uô nênhx nhoz đros jôngr.

Thax tsav jôngr ntông bạch đàn zos chor ziv chuôz zis nhoz jok Nà Dòn, xar Mường Cai, huyện Sông Mã tsoz phưz muôx thax tsav đar đuô 5 héc ta. Pêx xênhv chos jôngr txix shông 2009 lơưr tsaz yênhx chos jôngr muôx cxur paz. Txix thâuv cêv kuôk uô jôngr thiêz tâu chêi kriz uô ntông, pêx xênhv nhoz ntơưv no lok six shir phaz đros zuk têx uô tâu co./.

(DTPT-Lik Thox cxêik nhênhv)

Ntơưv huyện Lục Yên, tỉnh Yên Bái nhiv kruôr muôx yưv txuz hluôr tơưs cuz luz tsêr ntông 3 qar uô iz lênhx nênhs tuôs. Tsênhz mênhx, thâuv 1 six 45 phênhz zar tar su hnuz 16/5 thâuv tsênhv pư tar su ntơưv tsêr pos Hoàng Thị Nhi, xênhz shông 1944 nhoz jos Khau Vi, xã An Phú, huyện Lục Yên, tỉnh Yên Bái pov cầu giao tênhv hâur tsêr cuz nhiêz. Hluôr tơưk chis cuz sei thiêz cuz tas luz tsêr 3 qar viv trur tsêr vor blôngx cuôx zêv.

Thâuv co, hâur tsêr tsênhv muôx tix lâuk Sằm Văn Bưởi, xênhz shông 1984 zos pos Nhi tul tuz, tsênhv kâuk chơưr thiêz pư tsâus jos tsi pâuz tsêr cuz nhiêz viv li khiêr tsi zênhx thiêz trâus tuôs. Ciês thâuv muôx yưv hâux lưv no, chính quyênx tiv phaz tưz huiz tôngv têx lưx lươngv ntơưv qơư tuôx paz thiêz khưx phưx têx trâus ruôr hiêv, nriêr qơư nhoz trâu chuôz zis. Hâux lưv no nhiv no tsênhv tror tâu lưx lươngv muôx txơưx jênhv huyện Lục Yên, tỉnh Yên Bái uô tsênhz mênhx./.

(VOVTB-Txâur Vax cxeik nhênhv)

Công an huyện Tân Uyên, tỉnh Lai Châu nhiv kruôr cxov tsês Nguyễn Bá Quỳnh, zus shông 1982, nhoz jok Chom Chăng, xar Thân Thuộc, huyện Tân Uyên (Lai Châu) lok kror cxâuv nziêk đas zuôr nhiêx txiêx cxuô zav.

Uô ntêx co, hnuz 13 thiêz 19/4, Nguyễn Bá Quỳnh hêik pâuz xor mông tsik zos li kror tsênhz tiêk zuk zuôr paz thor txo grêk tsơưs tâu têx kror cxâuv trâu tix lâus Chúng Xênhv Tsaz tuk pox niêv, zus shông 1985, nhoz jok Mít Nọi, xar Hố Mít, huyện Tân Uyên (tix lâus Chúng tuk pox niêv trâus Cơ quan cảnh sát qênhz yuôx, Công an huyện Tân Uyên cxov, khởi tố lok kror cxâuv chos tsik zos chêi tsoz zax zênhz). Tiv njênhs siêz, viv li tix lâus Chúng Xênhv Tsaz tưz muôz nhiêx trâu Quỳnh chiê paz thor txo grêk cêr cxâuv trâu pox niêv. Hnuz 16/5, thâuv Quỳnh tsênhv njiz tix lâus Chúng chiê txêik jênhv nzir chor nhiêx 10 triệu đêiv chêk trâus lưx lươngv Công an huyện Tân Uyên pov, cxov tsês. Ntơưv Cơ quan qênhz yuôx, Nguyễn Bá Quỳnh jênhv tiêk tưz oz jiês txêik jênhv tix lâus chúng Xênhv Tsaz chor nhiêx, đros tas nro zos 25 triệu đêiv. Nhiv no txuz hâux lưv tsênhv tâu Cơ quan Cảnh sát qênhz yuôx, Công an huyện  Tân Uyên qênhz yuôx, nriêr pâuz cov tsênhz mênhx./.

(Khắc Kiên-Lik Thox cxêik nhênhv)

UB huyện Trấn Yên, tỉnh Yên Bái nhiv kruôr muôx xor mông tsênhz mênhx lok hâux lưv cưk kriê zôngv luz naz tax đuz lôngx mê nhuôs shux xênhz tâuz hâu, uô ntâu lênhx nênhs tsi jông siêz hâur têx hnuz đhâu. Lơưr co, zar hnuz keix hnuz 14/5/2022 sâuv mạng xã hội Facebook muôx iz cxiê tài khoản tso video lok cưk kriê tsêr cơưv Mầm non tư thục Bông Sen nhoz xã Báo Đáp (huyện Trấn Yên, Yên Bái) zôngv naz tax đuz lôngx mê nhuôs shux xênhz tâuz hâu thiêz zôngv tês ntâuk shux xênhz poz tư. Ciês thâuv jênhv tâu xor mông, UB huyện Trấn Yên tưz choz trâu Công an huyện sik côngv đros phongx zaoz zux huyện muk xav tênhv, qênhz yuôx lơưr cui tênhv. Đhâu xav tênhv, Công an xã Báo Đáp tưz hu cưk kriê Nguyễn Thị Hồng Nhung, chuôz zis tix lâuk Huy (zos shux xênhz trâus lôngx tâuz hâu li niêv txir) thiêz têx lênhx nênhs muôx lênhx coaz tuôx uô tsênhz mênhx hâux lưv no. Txos zar hnuz keix hnuz 16/5/2022 lơưr tsêr kho moz đa khoa tỉnh Yên Bái li bệnh án, mê nhuôs li đas jos fênhx yax, tsi trâus saz thiêz tưz tâu tso lok tsêr. Nhiv no, UB huyện Trấn Yên tror choz trâu Công an huyện đros Phongx zaoz zux huyện uô tsênhz mênhx thiêz yưr lir txos qơư trơưk PL li cui tênhv./.

(VOVTB-Txâur Vax cxeik, nhênhv)