Têis cik hnuz 18/1, Uỷ viên Bộ chính trị, Bí thư Trung ương Đảng, sêiz car uỷ ban qênhz yuôx Trung ương, Trần Cẩm Tú thiêz đoanx côngz xưv tưz muk sêiz shuôk,  muôz huv puz trâu px thiêz lực lươngx uô hâux lưv trâu thax tsav ntus đriv tỉnh Laox cai.

Ntơưv huyện Bắc Xát, Uỷ viên Bộ chính trị, Trần Cẩm Tú thiêz đoanx côngz xưv tưz muôz 500 poz huv trâu chor chuôz zis muôx luz nênhx txov nhêv, chuôz zis pluôs, chuôz zis trâus caz moz Covid-19 uô ruôr hiêv. Hâur jiês muk uô hâux lưv trâu tỉnh Laox Cai, Uỷ viên Bộ chính trị, Trần Cẩm Tú hêik: “Hâur ntu zuôr txos no, Đảng Bộ, hâu nov tỉnh Laox Cai tsuv tror sir jos chox car uô cov tâu truôx luôs hâux lưv huôv tsar kinh tế xã, txo grêk yêiz pluôs, iz thênhv jux juk tsôngv px muôx luz nênhx tsâu sor thiêz uô truôx cxuô luôs hâux lưv tir thêir caz moz Covid-19”

Tsu cxêik nhênhv-An Kiên -Hạnh BT

UB tỉnh Lai Châu nhiv kruôr tso tơưv ntâuz ntơưr chox kriê tso tsês huôx tôngv ntơưv têx qơư seiz car moz phax tar moz Covid-19 sâuv thax tsav tỉnh. Lơưr co, tỉnh tso tsês 4 qơư seiz car phax tar moz Covid-19 sâuv thax tsav xã Sơn Bình, huyện Tam Đường, xã Phúc Than, huyện Than Uyên, xã Mường Kim, huyện Than Uyên thiêz xã Lê Lợi, huyện Nậm Nhùn. Nhiv no tỉnh Lai Châu muôx 8 xã, thị trấn nhoz thax tsav moz huôv xênhz cấp 2 thiêz 3, 98 xã, phường, thị trấn zos cấp 1. Chiê taz por côngz xưv phax tar moz hâur qênhx shênhx yiêz, tiv zix zos ntu nox tsiêz 2022, chiz coaz y tế tiv phaz heik tsôngv box txix têx qơư muôx moz huôv xênhz cấp 1,2 tsuv njuôs siv moz sei lok sik RT-PCR thâuv tror lok tỉnh thâuv muôx têx moz yưv. Nênhs tror lok tiv phaz txix têx qơư muôx moz huôv xênhz cấp 3 cấp 4 mak uô trơưk têx cui tênhv cêv kuôk moz thiêz njuôs siv cxix cxuô lơưr cui tênhv./.

(Khắc Kiên-Txâur Vax cxeik nhênhv)

  Trơưk li Ban sêiz car tir thêir caz moz Covid-19, tỉnh Yên bái, hur si tsôngv px lok so tsiêz têz qơưs shông 2022, tsuv lok trâu qơư y tế hêik pâuz cxuô faz tsưr ziv tir thêir caz moz gênhk thiêz siv, sêiz njuôk shuôk caz moz Covid-19 uô ntêx thiêx tâu lok tsêr. Chor nênhs tsik tâu cxax yuôx vắc xin tir thêir caz moz Covid-19, tsuv lok cêv kuôk 14 hnuz ntơưv qơư nhoz, xav txix hnuz lok trâu tsênhv qơư. Đros ntơư, hâu nov tỉnh Yên Bái cux yax kriê tsôngv px hâur thax tsav uô jông trơưk cxuô faz tsưr ziv tir thêir tsik chiê caz moz Covid-19 cik đêz đar trâu cxuô thax tsav qơư./.

Tsu cxêik nhênh-Đinh Tuấn-Hạnh BT

  Cux xưk li ntâu mênhx cxưx txơưr, tsôngv box Xạ Phang nhoz jos Thèn Pả, xã Sa Lông, huyện Mường Chà, tỉnh Điện Biên nhiv no tưz nox tsiêz đros thiêz mênhx cxưx li luz tsiêz trâur lâuk. Zơưv Sần Lao Ngai, lâuk jos hâur jos Thèn Pả, xã Sa Lông, huyện Mường Chà puz pâuz: Hâux lưv tuô buô nox tsiêz, thâuv juôx njêr tas muôz kra kruôr nox jux jus tưz yênhx cêr nênhx jông đros nênhs Xạ Phang nhoz Thèn Pả. Tsov lơưr yênhx chuôz zis li têx muôx mak hnuz tsiêz phênhv ntâu chuôz zis tưs cux tuô buô nox tsiêz: “Shông no moz Covid-19 huôv xênhz viv li tuz nhuôs tsi muk uô nox viv li cux phêv liv, taz sik zuk mênhx cxưx li phongz cxưx shông tưs cux tsuv tuô buô nox tsiêz thiêz zâuv cưr tix nênhx tsa tuôx nox tsiêz. Tuô buô nox tsiêz mak phênhv ntâu zos hâur têx hnuz xar txos tsiêz, chuôz zis tưs cux đei ntơuv kror chuz chiê nox jux jus. Tâuz hâu buô thiêz iz cxeik têk, iz cxeik tơư mak zôngv chiê txi côngv hnuz 30 tsiêz. Têx co tưz yênhx cêr phongz cxưx jông tâu tuôr tsês txix ntâu cxênhx nênhs lok no”./.

(Vũ Lợi-Txâur Vax cxêik nhênhv)