Ndaz ndơưv chiv nhênhv 68 shông ntâuk zênhx Điện Biên Phủ (7/5/1954-7/5/2022), têis cik 18/5, ntơưv thành phố Điện Biên Phủ, tỉnh Điện Biên, Chủ tịch têz qơưk Nguyễn Xuân Phúc tưz dự ntênhk uô tiêr Tsêr txi côngv chor liệt sĩ qơư ntâuk tros châuz Điện Biên Phủ; thôngx cxix, tso tơưv kriz uô tsaz yênhx tsêr sor siêz jông, ngaz tuk xar hôiv ntơưv tỉnh Điện Biên.

Côngz trinhx tsêr txi côngv ndo txos chor liệt sĩ qơư ntâuk tros châuz Điện Biên Phủ nhoz sâuv trôngz F, phường Mường Thanh, thành phố Điện Biên Phủ, tỉnh Điện Biên. Côngz trinhx muôx pênhr yưv uô zos 105 tiv đêiv. Hêik ntơưv ntênhk, Chủ tịch têz qơưk Nguyễn Xuân Phúc hêik tơưv ndo txos zơưv hloz Hôx nziv hluz; ndo txos Đại tướng Võ Nguyên Giáp, thôngx cxix cux ndo njôngr txos chor thơưx, cán bộ chiến sĩ, hluôk nênhs uô ntêx hlo, quân thiêz tsôngv box tas nro têz qơưk tưz sir jos ntâuk châuv  tros châuz, trâus tuôs, paz uô tâu zênhx liv Điện Biên Phủ nto bê no. Ndaz ndơưv jiês no, Chủ tịch têz qơưk hêik chỏ rnênhs siêz jông tror sik côngv paz trâu tsaz yênhx “Tsêr sor siêz jông, ngaz tuk xar hôiv”, paz kho đuô têx luz tsêr đaz tuôs lav nhoz sâuv thax tsav tỉnh Điện Biên thiêz uô cov tiêr ntâu tsaz yênhx siêz jông ndaz ndơưv chiv nhênhv 70 shông ntâuk zênhx Điện Biên Phủ zuôr txos./.

(TTTB-Lik Thox cxêik nhênhv)

Hnuz 18/5, ndaz ndơưv chiv nhênhv 132 shông hnuz xênhz Chủ tịch HCM (19/5/1890-19/5/2022) đoanx teiv plor Đảng bộ, chính quyênx, MTTQ thiêz hlôngr njêx muôk têx cxênhx nênhs tsôngv box tỉnh Yên Bái zos zơưv Đỗ Đức Duy, Ủy viên BCH TW Đảng, Bí thư tỉnh ủy uô tsar đoanx tưz muk hlơưr shaz ndo txos Chủ tịch HCM ntơưv qơư di tích lix xưv têz qơưk Lễ đài qar vênhv tôngv TP Yên Bái.

Ntơưv co, Đoanx teiv plor tỉnh Yên Bái tso pov siêz uô tsâus ntâu txos Chủ tịch HCM- zos Đảng thiêz tsôngv box li lênhx nênhs lênhs tov txơưx njê,, zênhz shông giải phóng mênhx cxưx, danh nhân vênhx huôv ntiêx têz...Ndo njôngr Chủ tịch HCM li luk kruôz kriê, Đảng bộ thiêz tsôngv box têx mênhx cxưx tỉnh Yên Bái thâuv tưs cux sik côngv siêz, sir jos tax tâu ntâu yênhx tix jông; gôngr phênhv cxiv tsa iz têz qơưk VN “hôx fênhx, thôngx ziv, độc lập, jênh chuv thiêz bluô nux” li Hloz xar njôngr./.

(Thừa Xuân-Txâur Vax cxeik nhênhv)

Ủy ban tỉnh Lào Cai nhiv kruôr thôngx ziv tsưr ziv uô siv cxiv luôs txêik jênhv têx mông hêik pâuz txix pêx xênhv. Tsưr ziv uô siv zos Sở Thôngz mông thiêz Yax mông tỉnh hêik pâuz, uô ntêx mak kriz uô siwv ntơưv oz đô thị zos thành phố Lào Cai thiêz Thị xar Sa Pa, six hơưv uô six tsơưs tiv zix zos 6 luz hli xav txix hnuz 1/9/2022.

Lơưr co, khov lơưr tsênhv tsênhz ntơưv yênhx thax tsav qơư, chính quyền zuôr xêir tsov têx hâux lưv chiê tsênhv qơư txêik jênhv pêx xênhv têx xor mông hêik pâuz li ngaz tuk cxiv tsa; vêv xênhz tênhv qơư; cêr vax stêr cxuô zav; têx vênhv thix cik txos ngaz tuk zoz thôngz, ngaz tuk xar hôiv, canr bộ li têx uô kênhz, uô zuôv hâur đơưk tu, uô têx ntâuz ntơưr…. Thâuv muôx vênhv thix tsuv hêik pâuz, pêx xênhv tsuôk xa trâu cxiv luôs hêik pâuz no đhâu têx điện thoại, trang Faceboock, Zalo lok sik hu tênhv muk trâu iz cxiê tổng đài. Têx vênhv thix tâu hêik txos co zuôr tâu cxiv luôs no xa txos trâu qơư txêik jênhv, phêiz thiêz xa muk trâu cơ quan muôx vax huôv xưv lik, đhâu co hêik tror trâu pêx xênhv pâuz hâur iz ntu trơưk cui tênhv./.

(An Kiên-Lik Thox cxêik nhênhv)

Hnuz 18/5, Công an tỉnh Lai Châu hêik pâuz, thâuv 1 six 15 phênhz zar tar su hnuz 17/5 ntơưv thax tsav cei cêr 2, niêv cêr 129B, nhoz jos Nậm Pậy, thị trấn Phong Thổ, tỉnh Lai Châu, lưx lươngv phax tar zax zenhz, Phongx cảnh sát qênhz yuôx nênhs phamv cxâuv (CA tỉnh Lai Châu) tưz ruôr yênhx côngz chuyên án số 1022T, ntês tâu Má A Tồng, xênhz shông 1994, nhoz jos Can Tỷ 1, xã Ma Quai, huyện Sìn Hồ (Lai Châu) viv muôv muôs zax zênhz.

Ntơưv co, lưx lươngv công an sâu tâu 12 đeiv zênhz đơưz, 1 luz yêz meir, 1 luz điện thoại di động thiêz iz cxiê chuôz zênhx txơưr. Tồng jênhv tâu ntiêr thâux chor zax zênhz sâuv muk muôs đros nhiêx côngz tâu thêv zos 40 tsov đeiv. Phongx cảnh sát qênhz yuôx nênhs phamv cxâuv lok zax zênhz, Công an tỉnh Lai Châu tsênhv tror qênhz yuôx, car chêx lơưr pháp luật li cui tênhv./.

(K.KiênTxâur Vax cxeik nhênhv)

Đhâu 3 jiês tòa tso tsês jiês phúc thẩm viv tiv ntâu kror, hnuz 18/5, ntơưv Tòa án tỉnh Điện Biên, Tòa án thênhv siêz Hà Nội kriz jiês xết xử phúc thẩm Trần Thị Hiền (zus shông 1975), nhoz ntơưv xar Thanh Hưng, huyện Điện Biên, tỉnh Điện Biên (zos lênhx shux xênhz chox kêiz muk muôs Cao Mỹ Duyên trâus tuôs li lênhx niêv) thiêz Vì Thị  Thu (zus shông 1982), nhoz ntơưv huyện Điện Biên lok krỏ rcxâuv zuôr muôs tsik zos chêi zax zênhz.

Ntơưv tòa, đhâu thâuv qênhz yuôx nênhs uô cxâuv thiêz chor nênhs cik txos tâu hu tuôx ntơưv tòa, Hôiv đôngx xết xưv piz nus chor nênhs co. Hâur ntu nus, Vì Thị Thu hêik tiêk tsuôk muôs 4 luz yuôx shơư zax zênhz trâu Bùi Văn Công. Hok Trần Thị Hiền cux tror hêik tiêk zuk tsik uô  cxâuv li têx hêik pâuz uô ntêx co thiêz hêik tiêk tsik pâuz Bùi Văn Công. Hok Bùi Văn Công, Vì Văn Toán thiêz Lường Văn Hùng mak tâu Tòa án thênhv siêz ntơưv Hà Nội hu tuôx cxaz chuôz trâu jiês xết xử no chiê nus uô cov tsênhz mênhx txuz án./.

(Vũ Lợi-Lik Thox cxêik nhênhv)