Tỉnh uỷ Lai Châu nhiv kruôr kriz cơưv txuôk đros 3 cấp chiê kriê cơưv uô trơưk zơưv hloz Hôx têx cêr nênhx jông thiêz Đảng luôs hâux lưv qênhz yuôx, sêiz kaz. Ntơưv jiês cơưv, hâu nov cxuô Ban Đảng nhoz saz tỉnh uỷ Lai Châu tưz fuô uô luôs hâux lưv cơưv shâuv, uô trơưk zơưv hloz Hôx têx cêr uô nênhx jông, chox car tsôngv px muôx luz nênhx truôx tuk, tsâu sor. Tỉnh uỷ Lai Châu cux hêik têx cơ quan,lênhx hâu nov sêiz car hâur cơ quan, tror yax kriê côngv thôngx sđ truôx siêz huôv tsar cêr uô nox trâu thax tsav tox siêz đêz đrôngl, cov tsôngv px sđ muôx luz nênhx jông, huv đros cxuô thax tsav./.

Tsu cxêik nhênhv-An Kiên -Hạnh BT

Kuôk no tsi ntêr, VOV muôx têx mông heik lol tsôngv pêx xênhv nhoz jok Hạnh Phúc, xã Tân Hợp, huyện Văn Yên, tỉnh Yên Bái trâul tsi muôx tênhv tênhz tơưk pov cêr, lok six phiv liv. Nhiv kruôr no, tsôngv niêv txir lax pêx xênhv nhoz jok co shir phaz heik pâuz, têx hnuz zuôr txos tsiêz têz qơưk Tsor shông 2022 nor, têx xor tênhv tưz chaz tuôx txos jok Hạnh Phúc, sơưr đơưk têx tsưr ziv, siêz xar njôngr cov đros luôs lưv tus muôx tênhv tênhz tơưk pov cêr ntơư tưz muôx tsênhz tiês. Shông 2021, tỉnh Yên Bái muôx tsưr ziv chaz xor tênhv têz qơưk tuôx trâu jok, Zơưv Quyên cux iz zav li têx chuôz zis txơưr đuô nhoz ntơưv no lok six shir phaz thiêz jông siêz. Khov tâu sir zôngv tênhv tênhz têz qơưk, cxuô chuôz zis luz nênhx xênhz huôx tưz tâu gra siêz, têx nhuôs muôx tênhv tênhz tơưk pov cêr chiê cơưv txux chi, tâu seiz têx xor xưv, tâu cơưv shâuv luôs lưv tus txơưx huôv tsar uô nox ntơư li tsưr ziv, tâu seiz têx tsaz yênhx nthuôr uô cêr lov jêv uz no…. “Thâuv ntêx tsi tâu muôx tênhv, tsôngv box lok six txov nhêv cơưk, nhiv no muôx tênhv tênhz têz qơưk tuôx txos, muôx têx iz ntuk tov kaz no cux zuôr huôv tsar, muôx nzir têx chuôz zênhx jông chiê phưx vưv uô nox uô hnar”./.

(Đinh Tuấn-Riê Lâux cxeik, nhênhv)

Tsoz chos jâuz caz tâu  gra chox lok chos trâu ntơưv cxuô luz jos Tân Quế, Xuân Quế, Nông Quỳnh, Huổi Dương…Xã Cò Nòi, huyện Mai Sơn, tỉnh Sơn La tâu ntâu shông đhâu lok. Chor tsoz chos jâuz caz no tâu gra chox lok  chos hlôngr trâu têx ar têz thâuv ntêx chos poz cưk, chos caz tsiz. Tsoz chos jâuz caz huv đros thax tsav qơư hêik sâu đros trâu têx têx txir jâuz caz nox kaz, muôx chôngz lênhx kruô cxuô tỉnh txơưr nhiêv zuôr txos thiêz tsênhv thâux têx txir jâuz caz chox muk muôs trâu đrôngl Hà Nội. zơưv Lê Trung Toàn, nhoz jos Nông Quỳnh, xã Cò Nòi hêik pâuz: “Pir li têx tsoz chos txơưr, têx txir jâuz caz muôs tâu grê siêz. Pir li iz cxênhz ar têz chos poz cưk, chos vơưs kok ntông muôs tsuôk tâu 4-5 triệu nhiêx; taz sik zos chos jâuz caz tsuv muôs tâu 50 triệu đêiv nhiêx, tâu yax 10 bâus pir chos poz cưk”

                                       Tsu cxêik nhênh-Lê Hạnh -Hạnh BT

Hâur 3 hnuz đhâu, chor nênhs trâul moz Covid-19 hâur tỉnh Điện Biên tsi so tsar ndê chôngz lênhx, kênh hnuz muôx txos 90 lênhx nênhs trâul moz. Txix hâur hlik hli 1 txos nhiv no, tỉnh Điện Biên tưz muôx zuôr xar 890 lênhx nênhs trâul moz thiêz nhiv no tsênhv chơưv kho moz trâu 841 lênhx nênhs moz. Nhiv no, têx lưv lươngv muôx vax huôv hâur tỉnh cux tsênhv tror fuô uô têx faz tsưr ziv phax tir thêir moz, xav tinhv qir tiv seiz zos cik tâu moz li chas, yơưz phơưz, seiz njuôk shuôs kho moz trâu têx lênhx tâu xav tiêk trâul moz ntơư trơưk cui tinhv. Njuôk xav six hơưv zuôr txos tsiêz têz qơưk, yênhx cxênhz lênhx nênhs muk cơưv ntơưr, uô hâux lưv trâu luôs 2 chas thax tsav zuôr tror lok tsêr nox tsiêz, viv li tỉnh Điện Biên nhiv kruôr yênhx lix nzir qơư seiz jor ndâux cêr chiê têx lênhx nênhs muk lol đhâu krêz heik pâuz lol zuk đas jos ntơưv đơưv trôngz Pha Đin chiê phênhz cêr, txo grêk tsơưs muôx chôngz nênhs, ntâu yêz hênhr nhoz tok ntơưv qơư co muk lol hâur thax tsav. Qơư trâu sơưr đơưk krêz heik pâuz lok đas jos no tâu uô trâu ntơưv đơưv trôngz Pha Đin (cêik cêr 376+200, sâuv txox cêr lox sôr 6), hâur thax tsav jok Hua Cá, xã Quài Tở, huyện Tuần Giáo. Li ntơư, txix nhiv no txos tsiêz, tỉnh Điện Biên zuôr uô đreiv 2 qơư li heik sâuv ntơưv thax tsav đơưv trôngz Pha Đin. Têx lênhx tuôx thiêz lok hâur thax tsav txix chei yêz kruô thiêz yêz hux thôngx cux tror uô têx ntâuz ntơưr, krêz heik pâuz li sâuv ntơưv qơư seiz jor ndâux cêr nor. Hok têx lênhx muk yêz lox, zuk mul zuk yêz thiêz têx zav yêz txơưr đuô mak zuôr krêz heik pâuz trâu ntơưv qơư seiz jor ndâux cêr cxaz nzir nhiv kruôr uô heik tas ntơư./.

(Vũ Lợi-Riê Lâux cxeik, nhênhv)