“Tsoz mắc ca tưz khav tênhv tâu tsiv gri, kinh têr, por vêv tênhv qơư jôngr, paz muôx ntâu hâux lưv uô trâu thax tsav tox siêz đêz đrôngs, paz trâu tsôngv box mênhx cxưx tsơưs nênhs muôx nzir phênhv sâu”. Co zos Chủ tịch têz qơưk Nguyễn Xuân Phúc li luk hêik thâuv hêik ntơưv jiês phuôx tôngv chos ntông lơưr: Đề án chos 1 tiv tsoz ntông njuôz ntu 2021-2025 đros trâu huôv tsar tsoz chos công nghiệp sâuv thax tsav tỉnh Điện Biên nhiv kruôr đhâu.

Lơưr zơưv Lê Thành Đô, Chủ tịch Ủy ban tỉnh Điện Biên, đhâu ntâu shông nhênhz chơưv thiêz nriêr pâuz tsênhv tsênhz, Điện Biên thiêz Hiệp hội mắc ca Việt Nam tưz xêir tsov mắc ca zos tsoz chos chênhr chiê uô lơưr tsưr ziv muôx jôngr vor ar tox trôngz đo thiêz no cux zos zav tsoz chos muôx tsiv gri kinh têr siêz, paz muôx nzir phênhv sâu trâu pêx xênhv./.

(VOV4-Lik Thox cxeik, nhênhv)

Zơưv Vũ Xuân Cường, Phưv bí thư thường trực Tỉnh ủy Lào Cai puz pâuz, txix têx jênhv pâuz lok Ntâuk grê 01-KL-TW Bộ chính trị tso tơưv hnuz 18/5/2021 li kror coaz tsôngv, đros thiêz thôngx ziv siêz hâur tập thêv BCH, Ban thường vụ, Tỉnh ủy Lào Cai tưz tso tơưv Nghị quyết 12, yênhx tiv phaz xuz thơưx hâur tas nro têz qơưk muôx Nghị quyết txơưr chiê uô ntâuk grê no.

No zos ziv chênhv tâu hek hâur Lào Cai li jax tham luận ntơưv phêv ziv tas nro têz qơưk ntâuk grê 1 shông uô Ntâuk grê 01-KL/TW lok tror uô Bộ chính trị li chỉ thị 05-CT/TW “cxơưz tiês cơưv shâuv thiêz uô lơưr Chủ tịch HCM li cêr uô nênhx jông” tsưr tsix zar hnuz keix hnuz 19/5/2022, trơưk chiv nhênhv 132 shông hnuz xênhz Hloz Hôx. Zơưv Vũ Xuân Cường puz pâuz: “Lào Cai xav tênhv seiz hâux lưv cơưv shâuv thiêz uô lơưr zos 3 hâux lưv tsênhv: seiz shưz xar zos hâur pâus uô; zuôr hâux lưv xênhz huôx chi bộ chiê zaoz zux yax six; zuôr hâux lưv qênhz yuôx cơưv shâuv chiê cxơưz cxiz, heik kriê; zuôr hâux lưv khơưk kruôk chiê tôngv vênhx, krêz uô đêz đar”./.

(VOVTB-Txâur Vax cxeik nhênhv)

Xar muôx 9 six têis cik 19/5, ntơưv jok Bản Tát, xar Nà Hẩu, huyện Văn Yên, tỉnh Yên Bái muôx yưv iz txuz hluôr tơưl chis cuz tsêr, cuz tas niêv tix Giàng Thị Chứ, zus shông 1986 chuôz zis luz tsêr 3 qar vor blôngx puôx zêv, xor ntông đros tas nro cxuô zav chuôz zênhx muôx hâur tsêr.

Qir tiv tâu xav jênhv zos tiv niêv tix Chứ chuôz zis tsik uô jông sêiz shuôk thâuv kra chor kok ntông nhôngk ntơưv kror chuz chiê uô zav nox trâu tu zus. Hmôngr jông tsik muôx nênhs uô li chak. Txêik  tâu xor mông hêik pâuz, chor lưx lươngv muôx vax huôv đros chính quyền xar Nà Hẩu tưz tuôx qênhz yuôx, chox kriê thiêz đros tsôngv box hâur jok paz trâu chuôz zis njiz trâus nanv.

Ciês hnuz 19/5, hlôngr njêx muôs lênhx tov huyện, zơưv Doãn Văn Thủy, Phưv Chủ tịch Ủy ban  huyện Văn Yên cux tưz khơưk muôz paz huyện chor nhiêx muôs 20 triệu đêiv, Hôiv chữ thập đỏ tỉnh paz 3 triệu đêiv chiê paz trâu niêv tix Giàng Thị Chứ chuôz zis nzor truôx tuk luz nênhx./.

(Thừa Xuân-Lik Thox cxêik nhênhv)

Đhâu 2 hnuz tsưr tsix jiês krêz tik cêr cxâuv trâu pos Trần Thị Hiền (xênhz shông 1975) nhoz xã Thanh Hưng, huyện Điện Biên, tỉnh Điện Biên (zos tul nxeik muôs keiz Cao Mỹ Duyên trâus tuô tuôs li niêv) thiêz pos Vì Thị Thu (xênhz shông 1982) nhoz huyện Điện Biên viv muôv muôs zax zênhz, zar hnuz keix hnuz 19/5 tòa án thênhv siêz ntơưv Hà Nội tưz thôngx ziv đros Trần Thị Hiền li ntơưr thor tror seiz shuôk tik cêr cxâuv viv iz cxiê hâux lưv tsi tâu tsênhz mênhx, thôngx cxix ruôr por tsês án sơ thẩm hnuz 27/11/2019 đros lênhx nênhs no, muôz ntâuz ntơưr trâu Viện kiểm sát tỉnh Điện Biên chiê qênhz yuôx cxaz nzir. Yuôr pos Vì Thị Thu mak tuôr truôx cuiz tênhv tik cêr cxâuv hnuz 27/11/2019, trâus cơư tux tas tiêv nênhx, xav txix hnuz 29/3/2019./.

(VOVTB-Txâur Vax cxeik, nhênhv)