Txix hnuz 18 txos 20/7, tỉnh Sơn La (Việt Nam) thiêz tỉnh Luông Pha Bang (Lào) tsưr tsix Hnuz hôiv Vênhx huôv-Du lịch shông 2022 ntơưv thành phố Luông Pha Bang, têz qơưk Lào. Hnuz hôiv zos xor xưv tâu tsưr tsix lox tiv zix txix thâuv ntêx txos nhiv no nhoz oz tỉnh, chiê chuôz cxaz sik côngv huôv tsar du lịch nhoz oz tỉnh hêik taz, oz têz qơưk Việt Nam-Lào hêik cxuô; yax mông, piêr pâuz txos lênhx nênhs, đêx ar, têx hax huv du lịch; vênhx huôv mênhx cxưx; cxuô zav jông jav muôx ntơưv cxuô thax tsav qơư… Hnuz hôiv tâu tsưr tsix đros muôx ntâu huôx tôngv lok vênhx huôv, nghệ thuật, ndis shuôk nriêr pâuz têx vênhx huôv-du lịch jông muôx nhoz tỉnh Sơn La thiêz tỉnh Luông Pha Bang; nriêr pâuz têx hax huv OCOP; nox têx zav nox kaz thiêz uô sik đhiê têx zav pax vuôs jông, pax vuôs lam vông sik côngv siêz…/.

(TTTB-Lik Thox cxêik nhênhv)

Tas cik hnuz 19/7, zuôr xar 2 cxênhz lênhx nênhs txưv zênhv zos hluôk nênhs, shux xênhz, canr bôv công nhân viên chức, lưv lươngv vũ trang tỉnh Sơn La tưz cxaz chuôz tso nyar jông siêz. Shông no, tsaz yênhx “tso nyar jông siêz jiês tiv 10” tâu tsưr tsix ntơưv 40 tỉnh, TP, njuôk xav zuôr lênhk txeik tâu nhos 500 cxênhz taz viv nyar, ciês tỉnh Sơn La njuôk xav zuôr tâu nhos iz cxênhz ntâu taz viv nyar. Chor nyar njuôk xav lênhk txeik tâu zuôr zênhx max cxaz trâu têz qơưk li qơư trâu têx nyar chơưv kho moz gênhk, khưx phưx qênhx shênhx muôx tsi txâuk nyar trâu chor nênhs moz zuôr trâul tâu cxaz nyar hâur cheix ntux sor no. Zơưv Nguyễn Quang Tùng, Phưv Giám đốc qơư tsês chiê têx nyar têz qơưk heik pâuz:

“Tỉnh Sơn La phôngz yaox tso nyar jông siêz hâur têx shông đhâu uô tâu lok six jông, tưz uô tâu đros trâu heik thiêz hu zâuv lok six ntâu ban, ngênhx hâur thax tsav tỉnh cxaz chuôz. Six hơưv zuôr txos, pêz vav chiê siêz thiêz njênhs njôngr tiêk, tỉnh Sơn La phôngz yaox tso nyar jông siêz zuôr ziv hnuz uô tâu jông thiêz truôx đuô chiê pêz sik pheiz kênh, sik đros tso nyar chơưv paz têx lênhx nênhs trâul moz hnhar zuôr trâul tâu cxaz nyar; sik pheiz kênh têx cêr txov, phiv liv đros lênhx nênhs moz thiêz côngv thôngx”./.

(TTTB-Riê Lâux cxeik, nhênhv)

Đhâu 5 hnuz sik tưr, Đại hội Thể dục thể thao tỉnh Lai Châu jiês tiv 5, shông 2022 tưz suôv câuv thiêz Ban tsưr tsix tưz khơưk muôz 79 bôv huy chương trâu chor nênhs cxaz chuôz sik tưr. Đại hội Thể dục thể thao tỉnh Lai Châu jiês tiv 5, shông 2022 muôx zuôr xar 1.000 lênhx nênhs nhoz 19 đoàn tuôx txix chor huyện, thành phố hâur tỉnh cxaz chuôz. Chor nênhs cxaz chuôz thik tưr 15 bôv môn zos: sik tưr đhiê, ndơưk poz, ntâuk poz… Chor môn thể thao mênhx cxưx li: tuô hnênhr, ntâuk tux luz, lêiv poz, sik lâuz pak, sik truz hluô. Suôv câuv đại hôiv, giải sơưr tiv iz tas nro đoàn khối thax tsav qơư zos thành phố Lai Châu; Giải iz khối Sở, nganhx zos khối chor cơ quan thiêz doanh nghiệp tỉnh./.

(Khắc Kiên-Lik Thox cxêik nhênhv)

Sở Lox tôngv Xaz pênhz thiêz xã hội tỉnh Lào Cai thôngz sâu tso pov, nhiv no tsênhv muôx 200 lênhx công nhân hâur thax tsav muk uô lox tôngv tsi trơưk chei trâu têz qơưk Campuchia. Xav txos iz jiês no, Lào Cai tsi tâu muôx têx ntâuz ntơưr tso lênhx nênhs tưs muk uô hâux lưv trâu Campuchia hlo, viv li muôx têx khav tinhv 200 lênhx công nhân no zos puôr lênhx muk đhâu têz qơưk tsi trơưk chei. Lar heik, six hơưv jê lok no muôx 9 hâur têx lênhx nênhs heik sâuv tâu chơưv paz tror lok tsêr đhâu thâuv hâur chuôz zis muôz nhiêx thêv chox lơưr tror lok hâur qơư nhoz viv uô ntêx co lơưr trâul nziêk đas tiêk, mul uô nuv trâu saz Campuchia, hâux lưv uô siz, tâu nhiêx ntâu, qơư uô nuv truôx tuk. Txix têx nênhs lox tôngv siz zâuv muk uô hâux lưv trâu Campuchia tsi trơưk chei, cơ quan muôx vax huôv tỉnh Lào Cai tưz muôx ntâuz ntơưr xa trâu cxuô thax tsav qơư chiê qênhz shuôs, seiz car jông lênhx nênhs hâur qơư nhoz; thôngz đhâu chuôz zis heik trâu chor nênhs muk uô hâux lưv tsi trơưk chei li sâuv hu trâu chor nênhs muôx vax huôv, Đại sứ quán chiê tâu por hưv, nzor tror  lok hâur qơư nhoz truôx tuk; yax kriê, heik tsôngv pêx xênhv tsi njênhs, tsi uô trơưk luôs lưv tus hâuz nziêk đhâu sâuv mạng xã hội./.

(An Kiên-Riê Lâux cxeik, nhênhv)