Sở y tế tỉnh Lào Cai nhiv kruôr xa ntâuz ntơưr trâu Cục y tế dưv phax-Bộ y tế thix ziv kho đuô số laov heik chor nênhs moz Covid-19 ntơưv tiv phaz trâus chuôz ndê siêz đuô 2 jiês tsuôk đhâu 1 hnuz. Lik zơưx tâu heik tơưv zos, uô ntêx co, hnuz 17/3 tiv cxix luôk phần mềm coar lik mã số nênhs moz Covid-19 trâus liêv viv li nênhs moz nhoz Lào Cai thiêx trâus chuôz ndê txix 4 cxênhz 787 lênhx yênhx 9 cxênhz 574 lênhx, siêz đuô 2 jiês pir đros tsênhv tsênhz. Cux chênhr viv li, nênhs moz yiêz nhoz Lào Cai tsênhv sơưr tiv 10 hâur hnuz 16/3 trâus cxơưz ndê txos sơưr tiv 3 tas nro têz qơưk hâur 24 six hơưv đhâu. Nhiv no, tas nro tỉnh muôx zuôr xar 44 cxênhz lênhx nênhs tsênhv cêv kuôk, kho moz. Taz sik, hâux lưv thôngz xor mông cxâuv lok qênhx shênhx moz nhoz tiv phaz, uô tsôngv box lok six cxơưx; uô zênhr shar txos huôx tôngv huôv tsar kinh têr, ngaz tul xã hội sâuv thax tsav. Tiv zix, Lào Cai ho zos iz tỉnh ntus đriv muôx ntâu huôx tôngv muôv muôs đhâu trôngx đriv./.

(An Kiên-Txâur Vax cxeik nhênhv)

Hâur nhos 2 ciêz tror lok no, iz hnuz tỉnh Sơn La muôx 4 cxênhz ntâu lênhx nênhs trâul moz Covid-19, uô trâu iz cxiê qơư y tế muôx chôngz nênhs moz hênhr. Zos qơư chơưv kho moz trâu chor nênhs trâul moz Covid-19 txix trâul moz siz txos moz hnhar, hâur ntu moz gênhk huôv xênhz phiv liv, chor nênhs trâul moz hnhar tuôx nhoz tsêr yuôx ntơưv tsêr kho moz Đa khoa tỉnh Sơn La ziv hnuz ziv chôngz lênhx, muôx kênh hnuz ndê txos xar muôx 100 lênhx nênhs moz, uô têx qơư kuôk cêv, kho moz Covid-19 lok six ntâu lênhx nênhs moz. Thạc sĩ, bắc sĩ Trần Quốc Khánh, Phưv Giám đốc tsêr kho moz đa khoa tỉnh Sơn La heik pâuz, Txơưv tiêk têx chuôz zênhx phưx vưv qơư kho moz Covid-19 tsênhv muôx tsi tâu txâuk pir li Bộ y tế cui tinhv, taz sik tập thể chor cưk yuôx, bác sĩ hâur tsêr kho moz tsênhv sir jos khưx phưx têx phiv liv ntơư, lênhk tok thiêz chơưv kho moz gênhk trâu têx lênhx nênhs moz:

“Thâuv muôx tsi txâuk têx chuôz zênhx phưx vưv seiz njuôk shuôs, kho moz mak xuz thơưx tưz phênhz têx moz, zos kror tưs zuôr trâul txos, zuôr muôz têx chuôz zênhx ntơư chiê phưx vưv chơưv kho têx moz zov chênhr uô ntêx. Muôx têx moz cik txos meir paz uô pa. meir liv trâuv lok sik têx cik txos fêis kho moz mak thâuv qơư kho moz Covid-19 no muôx heik pâuz, tsêr kho moz tsuv huiz tôngv, muôz chor meir co ntơưv tsêr kho moz yiêz (nhoz kuôk đêz qơư kho moz Covid-19 muôx 15 cêik ntâu) tuôx no chơưv paz”./.

(Trấn Long-Riê Lâux cxeik, nhênhv) 

Thâuv 8 six tas cik hnuz 20/3, tsôngv box jos 2 Luồng, xã Phúc Lợi, huyện Lục Yên, tỉnh Yên Bái pov muôx iz lênhx nênhs tuôs tov ntus cêr viv li tưz ciêr chênhr pov trâu chinhr quyênx tiv phaz. Đhâu xav tênhv, lưx lươngv muôx txơưx jênhv xav tênhv lênhx nênhs co zos Nguyễn Văn Khởi, xênhz shông 1982 nhoz jos Ba Vàn, xã Phúc Lợi, huyện Lục Yên (Yên Bái). Qir tiv tuôs qir thơưx tâu xav tênhv zos tiv zôngv ntâu zax zênhz. Tâu pâuz, no zos lênhx nênhs muôx 10 shông muôx hâuk zax zênhz. Hnuz 19/3 Khởi muk xã Động Quan (hâur iz huyện) uô si thiêz tsi pov lok, txos tas cik hnuz 20/3 tsôngv box pov tuôs tov ntus cêr. Zơưv Lương Hồng Ngoan, Phưv chủ tịch UB xã Phúc Lợi, huyện Lục Yên puz pâuz: thâuv seiz njuôs thiêz uô têx ntâuz ntơưr zuôr trâus, chính quyênx tưz choz nênhs tuôs trâu chuôz zis chiê tsưr tsix uô đaz kruô trâu nênhs tuôs./.

(Trịnh Xuân-Txâur Vax cxeik nhênhv)

Nhiv kruôr đhâu, Công an tỉnh Điện Biên tưz tsi so ntêk tâu 2 lênhx nênhs zos Lik Xênhv Hơưx, xênhz shông 2004, nhoz ntơưv jok Pá Liếng, xã Ảng Cang, huyện Mường Ảng zuôr muôs zax zênhz tsi trơưk chei, sâu tsês tâu iz cxênhz njiêr yuôx shơư zênhz, iz luz yêz meir, iz luz xor tôngx gra ntơưv têk. Thiêz uô ntêx ntơư, tổ côngz xưv sôr 1 Đội 1266 seiz car đros Trạm cảnh sát  zoz thôngz Tuần Giáo, Công an huyện Tuần Giáo qênhz pov, ntêk tâu Lò Văn Đảng, xênhz shông 1988, nhoz ntơưv jok Kép, xã Chiềng Sinh, huyện Tuần Giáo tsênhv jêik tsês hâur hnaz balo iz cir zax zênhz poz jêz đros ntâu zav chuôz zênhx txơưr đuô cik txos. Nhiv no Công an tsênhv tror uô cov tiêr têx ntâuz ntơưr chiê muôz tik cêr cxâuv trơưk đreiv li chei têz qơưk cui tinhv./.

(Vũ Lợi-Riê Lâux cxeik, nhênhv)