Zar hnuz kêix hnuz 20/01, Ủy ban MTTQ VN tỉnh Yên Bái lênhk txeik tâu 1.300 poz huv, tsiv grê nhos 650 tsov đeiv, zos tsêr nhiêx Agribank ntơưv tỉnh Yên Bái muôz paz. Uô ntêx ntơư, tsêr nhiêx Agrribank chi nhánh Bắc Yên Bái cux muôz tâu 1 cxênhz poz huv tsiêz puz trâu têx chuôz zis pluôs thiêz lênhx nênhs muôx côngz têz qơưk hâur thax tsav ndax six hơưv tsiêz tsor shông 2022, iz poz tsiv grê nhos 500 cxênhz đeiv. Co zos têx huv mak hu zâuv sơưr đơưk siz chos  côngv têk, paz huv tsiêz tsor shông 2022 trâu têx chuôz zis pluôs, lênhx nênhs muôx côngz têz qơưk hâur thax tsav tỉnh, chiê cxuô lênhx sơưr đơưk, cxuô ziv chuôz zis lênhx tưs cux puôr lênhx muôx tsiêz nox shir phaz luk, sor si.

Têx shông đhâu, iz chas têx chuôz tsar nhiêx txiêx, lax luôv uô tâu trơưk tsưr ziv xar, paz huôv tsar kinh tế ntơưv qơư, luôs hâux lưv txiv ngaz xã hội thâuv tưs tưz tâu tsêr nhiêx Agribank nhoz tỉnh Yên Bái moz siêz, paz max txos. Phưv Chủ tịch Thường trực Ủy ban MTTQ VN tỉnh Yên Bái Phùng Quang Huy heik pâuz: Trơưk li tsưr ziv, Ủy ban mặt trận Tổ quốc tỉnh zuôr hu zâuv sơưr đơưk sik đros paz 6.400 poz huv chiê muôz puz trâu têx chuôz zis pluôs. Txos hnuz 20/01 tưz lênhk txeik tâu 5.372 poz huv, xav hur si tsiv grê nhos 3 tyv đeiv, puz trâu chor chuôz zis pluôs./.

 (Đinh Tuấn-Riê Lâux cxeik, nhênhv)

Cux zos ntơưv Yên Bái, Liên đoanx laox tôngv tỉnh tưz uô jông luôs hâux lưv muôz nhiêx paz trâu têx đoanx hluôk nênhs, laox tôngv trâus caz moz Covid-19 uô ruôr hiêv, trơưk li Tổng Liên đoanx laox tôngv VN quyết tênhv tso tơưv. Lênhx đoanx hluôk nênhs, nênhs laox tôngv zos trâus moz Covid-19, tsik uô cxâuv cxuô quy tênhv têz qơưs lok phax tir thêir caz moz Covid-19, zos iz lênhx tâu têz qơưs muôz 3 triệu nhiêx paz; zos lênhx nênhs trâus cik caz moz hnhar Covid-19, tâu chơưv kho 21 hnuz tror sâu hâur tsêr kho moz lok sik lênhx nênhs  co tưz thêv têx nhiêx phí công đoanx, cik caz moz Covid-19 ho trâus tuôs mak lênhx nênhs co chuôz ziv tâu tez qơưs muôz 5 triệu nhiêx paz./.

                                       Tsu cxêik nhênhv-Báo Yên Bái -Hạnh BT

Huyện Vân Hồ nhiv no muôx nhos iz cxênhz ha txir đuôx, hâur co 500 ntâu ha txir đuôx muôs hâur six howuv tsiêz têz qơưk. Têx shông uô ntêx, thâuv txos tsiêz, têx ziv chuôz zis pêx xênhv muôx phênhv sâu tâu txix muôs têx chês txir đuôx 100-300 tsov đeiv. Taz sik hâur six hơưv no, tsôngv pêx xênhv tsênhv cxơưx viv têx chês txir đuôx muôs tâu kênhz thiêz gri cux fênhx zis đuô pir li thâuv ntêx. Niêv lâul Nhừ Xênhv Shôngx nhoz jok Co Chàm, xã Lóng Luông, huyện Vân Hồ chuôz zis  txix ntâu shông lok no, tưz uô đreiv luôs hâux lưv chos têx tsoz chos txir đuôx chiê muôs hâur six hơưv tsiêz. Nhiv no, niêv lâul chuôz zis tưz muôx iz cxênhz ntâu tsoz txir đuôx ntơưv thax têz nhoz jê ntus cêr lox sôr 6. Trơưk li niêv lâul, cxiê shông thâuv txos luz six hơưv no, vax txir đuôx tưz muôx lok six chôngz nênhs tuôx zok nriêr zuôr, taz sik shông no iz jiês nor cux tsi pov lênhx tưs tuôx nriêr zuôr txos hlo: “Xưk iz zav cxiê shông mak têx chês txir đuôx iz jiês no tưz muôs tâu lơưv, taz sik shông no chuôz zis têx txir đuôx tưz ho tơưs pax uô ntêx tas. Txơưv tsi muôx moz Covid-19 lok nyê cux zuôr muôs tsi tâu, tsuv muôs thâuv luz six hơưv pax qir tơưs jov jơưk thiêz đra pâus ntơư thiêx muôs tâu. Txir đuôx mak muôx 2 zav, iz zav tơưs pax uô ntêx, hok iz zav mak lox đuô, nưk tơưs pax zos gâuk luz six hơưv no taz sik cux muôs tsi tâu, chiê  lưv shông mav muôs xưz”./.

(VOVTB-Riê Lâux cxeik, nhênhv)

Yuôr tsik ntêr hnuz tưz zuôr txos siêz têz qơưs, taz sik caz moz Covid-19 tsênhv huôv xênhz siz cik ntơưv oz luz tsêr cơưv ntơưr cxênhx 2 Bắc Hà, tỉnh laox Cai. Muôx 500 lênhx shuv xênhz tâu nhoz jê lênhx nênhs moz đros trâu yênhx puôr lênhx zôngx ziv trâu cik moz, tsuv tso shuv xênhz so ntơưr, tsênhv tâu cêv kuôk chêx chôngk ntêr hâur tsêr cơưv, cưk kriê cê zos niêv thiêz txir, cê zos cưk kriê ntơưr.  Trơưk li cưk kriê Phạm  Bích Quyên thơưx sêiz car tsêr cơưv cxênhx oz, xã Thải Giàng Phố, huyện Bắc Hà hêik pâuz; Hâur 3 ciêz đhâu lok no, hur si cxuô lênhx cưk kriê hâur tsêr cơưv, xav txix hli 1 xiêz shông 2022 txos nhiv no, tsik muôx lênhx cưk kriê tưs tâu muk tsêr; viv hâur tsêr cơưv muôx oz lênhx nênhs trâus cik caz moz Covid-19. Taz sik nhiv no tênhv Laox Cai quyết tênhv chiê chor nênhs nhoz jê lênhx nênhs trâus cik moz tâu cêv kuôk hâur lênhx nênhs co chuôz zis thiêz tok siv jiês 1 pok trâus cik caz moz Covid-19./.

                                       Tsu cxêik nhênh-An Kiên-Hạnh BT