Tas cik hnuz 21/3, ntơưv TP Điện Biên Phủ, tỉnh Điện Biên, Ủy ban tỉnh Điện Biên cơưv lok yưv pênhr uô thiêz huôv tsar nhoz têx Hiệp hội doanh nghiệp, doanh nhân Hàn Quốc thiêz tỉnh shông 2022. Trơưk li Chủ tịch Ủy ban tỉnh Điện Biên Lê Thành Đô, hâur tsưr ziv huôv tsar txos shông 2030, tỉnh Điện Biên xav tinhv zuôr sir jos huôv tsar tsiv uô kôngz-jôngr nuv, gra siêz têx xiv huv; hâur co, muôx tsôngv pêx xênhv thiêz doanh nghiệp sik đros uô, tâu seiz zos qơư truôx chiê hlôngr yiêz, gra siêz tsôngv pêx xênhv luz nênhx nox nhoz thiêz phênhv sâu tâu. Ntơưv jiês cơưv, tỉnh Điện Biên tưz cir têx ntâuz ntơưr chos luk lol sâuv sik hux jos đros têx lênhx hlôngr njêx muôs Hiệp hội Doanh nhân thiêz yưv pênhr uô VN-Hàn Quốc ntơưv VN; Hiệp hội Doanh nghiệp Hàn Quốc ntơưv VN thiêz iz cxiê doanh nghiệp Hàn Quốc. Têx doanh nghiệp, doanh nhân co cux sik pheiz kênh, heik kriê têx tsưr ziv huôv tsar uô nox, piêr kriê xiv huv, hu zâuv luôs lưv tus yưv pênhr uô thiêz sik paz uô lax luôv  hâur têx ngênhx kôngz nuv, sik hux jos piêr kriê, hu zâuv yưv pênhr  thiêz siz paz cxơưz uô lax luôv, huôv tsar ju lix./.

 (Vũ Lợi-Riê Lâux cxeik, nhênhv)

Zar hnuz keix hnuz đhâu, zơưv Nguyễn Trọng Hài, Phưv Chủ tịch UB tỉnh Lào Cai thiêz tỉnh li đoanx côngz xưv tưz tuôx ntơưv qơư, chox kriê hâux lưv khưx phưx ar poz, uô puôk tsuôx cêr Hoàng Liên (nhoz thị xã Sa Pa, Lào Cai) uô zênhr shar txos iz buôk ndis. Poz ntêr muôx nhos 35-40 yiv, njuôs xav uô zênhr shar txos 4 thax tsav qơư iz ndis co, muôx qơư tsôngv box nhoz uô nênhx, tsêr so, qơư ndis shuôk uô si Cát Cát, cêr Phan Xi Păng, cêr hlâu ndê muk sâuv trôngz Mường Hoa...Zơưv Hài chox kriê uô ntêx tsuv ciêr chênhr khưx phưx đêx kiês nênhs, car tos đêx đhâu thax tsav ar poz; thôngx cxix tror cxiv kho đuô tsas ar. Viv tsưr ziv uô tul qox lav muk đhâu tsi huv đros, Phưv chủ tịch UB tỉnh Lào Cai thix ziv chính quyênx thị xã nriêr cêr txơưr chiê tsôngv box lav muk đhâu; tsi chiê muôx lênhx nênhs nhiês muk đhâu qơư muôx ar poz no./.

(An Kiên-Txâur Vax cxeik nhênhv)

Txơưv tưz txo grêk tsơưs pir li ntâu shông uô ntêx, taz sik chor nênhs fêv zuôr muôs lênhx nênhs nhoz thax tsav đriv têz ntơưv tỉnh Lai Châu  cux tsênhv muôx yưv phiv liv. Chiê phax tir thêir têx nênhs fêv heik co, hâur six hơưv đhâu, chor tuz lênhv pênhz phax Lai Châu tưz sir jos đros têx tsưr tsix đoanx thêv li: Hội pox hiêv vir ndâuk, Đoax hluôk nênhs, têx tsêr cơưv ntơưr….chiê yax mông, piêr kriê têx chei têz qơưk trâu tsôngv niêv txir lax pêx xênhv thiêz shux xênhz thax tsav ntus đriv to tâuz, pâuz tsênhz txos têx nênhs fêv li tsưr ziv hâuz nziêk…. Têx taz viv tsi so qênhz yuôx, qênhz shuôs đriv têz, lar heik zos têx cêr mê lus muk lol đhâu. Moz siêz cxiv tsa têx tsưr ziv uô nox, paz tsôngv pêx xênhv huôv tsar uô nox uô hnar, uô jông luôs hâux lưv sik hux jos, sik thôngx siêz đros pêx xênhv phax tir thêir têx nênhs fêv./.

 (Bienphong-Riê Lâux cxeik, nhênhv)

Thâuv 10 six tas cik hnuz 21/3, ntơưv thax tsav tuêv 6, phường Chiềng Sinh, TP Sơn La, tỉnh Sơn La, Tuêv cảnh sát qênhz yuôx nênhs phamv cxâuv lok kinh têr, zax zênhz (Công an TP Sơn La) đros Phongx cảnh sát qênhz yuôx nênhs phamv cxâuv lok zax zênhz (Công an tỉnh Sơn La) pov thiêz ntês iz lênhx nênhs muôv muôs zax zênhz. Co zos Lò Văn Yên, xênhz shông 1998, nhoz jos Búa, xã Chiềng Khương, huyện Sông Mã. Sâu tâu 50 hnhaz ntiv 9 cxênhz njiêr zax zênhz, 1 luz yêz meir...Ntơưv chiz coaz Công an, Yên jênhv tâu iz lênhx txir nênhx tsi pâuz bê ntơưv thax tsav ntus đriv ntiêr thâux chor zax zênhz no txix huyện Sông Mã muk TP Sơn La thiêz tâu thêv nhiêx côngz 30 tsov đeiv. Thâuv tsênhv thâux gra muk txơưv trâus Công an pov, ntês cxov. Nhiv no hâux lưv no tsênhv tror tâu qênhz yuôx uô cov tsênhz mênhx./.

(CTV-Lan dịch đọc)