Hnuz hội siz chuôs njiz nthuôr uô vênhx huôv, thêv thao thiêz ju lix thax tsav ntus đriv Việt Nam-Lol Tsuôk jiês tiv 3 đros njiêz luk “VN-Lol Tsuôk cêr fôngx zưs jông-siz cxơưz, siz paz sik đros huôv tsar” zuôr uô hâur 3 hnuz ntơưv tỉnh Điện Biên lok hli 9/2022. No zos mông tâu Bộ Vênhx huôv, thêv thao thiêz ju lix nhiv kruôr heik pâuz. Zuôr muôx 9 tỉnh hâur pêz têz qơưk thiêz 10 tỉnh ntơưv Lol Tsuôk nhoz jê đriv têz Việt Nam cxaz chuôz. Hnuz hội co zos xor xưv vênhx huôv, chính trị lox, hơưv tok chiv nhênhv 60 shông  yênhx lix cêr coaz siv fôngx zưs (%/9/1962-5/9/2022) thiêz 45 shông cir Hiệp ước Hữu nghị, sik hux jos Việt Nam-Lol Tsuôk (18/9/1977-18/9/2022)./.

 (VOV4-Riê Lâux cxeik, nhênhv)

Uô lơưr hloz Hôx têx luk kriê, saz pênhz hov 3/4 Đèo Văn Hải, zus shông 1965 nhoz jok Nang Phai, xar Mường Bú, huyện Mường La, tỉnh Sơn La tưz sir jos hla đhâu têx phiv liv sir jos uô nox ntơưv thax tsav qơư li khơưz pak njêl zus njêl, chos ntông nox txir đros trâu tu zus tsiêx cxu paz muôx tâu kinh têr siêz. Txix cơưv shâuv chênhz zênhv uô nox txir ntâu tsưr ziv thiêz tsik so cxaz chuôz trâu têx lớp kruôz kriê, choz zok khoa học kỹ thuật lok paz trâu chos kôngz lôngk thiêz tu zus tsiêx cxu, chuôz zis tưz huôv tsar tsưr ziv uô nox kinh têr kôngz nuv đros thax tsav đar muôx 3 héc ta, chos cxuô zav ntông nox txir lơưr saz hữu cơ, muôx tsiv gri kinh têr siêz li: Txir lưv tsiz sôngz, txir vải, txir mo môngk Đài Loan, txir mo môngk Úc… Đros co, 7.000 héc ta pak njêl thiêz 10 tuk nhux đas sha mê nhuôv cux paz muôx nzir phênhv sâu truôx tuk yênhx shông. Zơưv Hải chuôz zis li tsưr ziv uô kinh têr no tưz paz sâu tâu muôx 350 triệu đêiv ntâu nhiêx liv iz shông.

“Thâuv cơưv Chi hôiv chor Bôv đôiv lâul mak cur cux hêik kriê trâu sơưr đơưk lok tsưr ziv uô nox, chos ntông, muôz chor tsoz chos tsiv gri kinh têr siêz lok chos thiêz lơưr cux uô trơưk; lênhx tưs khơưz tâu pak njêl mak cur cux muôz njêl nôngz paz trâu lơưr”./.

(Trấn Long-Lik Thox cxêik nhênhv)

Thôngz sâu txix ngênhx muôx vax huôv tỉnh Lào Cai tso pov, txix hâur shông shông txos nhiv no, ntơưv thax tsav qơư muôx zuôr xar 40 txuz uô yêz siz yar siz tsông tâus cêr, tsar ndê ntâu đuô pir li hâur shông 2021; hâur co, chor nênhs trâul moz trâuls azdnê muôx 60%. Đhâu 6 luz hlik xưv bluô chor nênhs uô cxâuv chei cheix yêz muk lol tâus cêr cux tâu tâu ntâuk grê zos uô tsi yuô tâu jông, têx nhiêx txiêx bluô tâu txix uô cxâuv chei tsi truôx tuk zoz thôngz muôx nhos 7 tyv đeiv, tsuôk bâuv 60% pir li shông 2020. Chiê txo grêk tsơưs tâu 5-10% têx txuz uô yêz siz yar siz tsông tâus cêr shông 2022 trơưk T.Ư tsưr ziv tso tơưv, mak 6 luz hlik kaz shôngk shông, cxuô ngênhx, ntơưv qơư nhoz Lào Cai tsuv sir jos qênhz yuôx, xưv bluô ntov jông chor nênhs uô cxâuv chei cheix yêz muk lol tâus cêr./.

(An Kiên-Riê Lâux cxeik, nhênhv)

Pêx xênhv Yên Bái uô nênhx nhoz trơưk oz saz ntus cêr lox 70 ntêr lok no cux tsênhv uô nênhx đros têx kror phiv liv txix chor yêz thâux suôz jêz, khoangr yax muk lok yênhx hnuz hmo tsik so đhâu ntơưv no. Chor yêz no tưz kho đuô têx đaz yêz chiê cov thâux tâu ntâu đuô. Cuô ar txix sâuv chor yêz cxênhv lok hâur cêr yênhx têx caz đêx lox ntêr uô muôx yưv tsik ngaz tuk zoz thôngz lok six siêz. Tix lâus Vương Thanh Dương nhoz jok Đá Chồng, xar Đại Đồng, huyện Yên Bình (Yên Bái) luz tsêr nhoz jê ciês ntơưv ntus cêr, thâuv tưs cux cxơưx trâu chor nhuôv zâu thiêz zuk viv tsik pâuz chor yêz no zuôr uô muôx yưv txiêz nanv thâuv tưs.

“Cêr đaz tuôs li no, pêx xênhv muk lok mak njiz ntâu kror phiv liv. Muôx ntâu txuz ntos yêz pêz tsuv chơưv paz trâu lơưr. Ciês cur pox niêv cux tưz ntos yêz lor têk tas tiv chor cêr no đaz tuôs hênhr”./.

(Đinh Tuấn-Lik Thox cxêik nhênhv)