Trơưk li cơ quan njuôk ntux yar ntux nas tỉnh Yên Bái, tiv phiv liv txix chuô txiêk, viv li txix hmo 22/3 txos hnuz 24/3, cxuô thax tsav qơư hâur tỉnh Yên Bái muôx ntux nas, têx qơư lok nas lox thiêz muôx chuô. Ntux nas lox zuôr lok txix hmo 22 txos hnuz 23/3. Hâur chor coz nas chuô, zuôr muôx chuô lox, lok lơưs. Thax tsav tox siêz, vuôk har tsuv phax tar muôx ngaz cuôr, tox poz ar lơưs. Đros ntux li txơưr txar phiv liv, Ban sêiz car phax tar ntux têz ruôr hiêv thiêz zok nriêr chơưv paz tỉnh Yên Bái tưz hêik cxuô thax tsav qơư sêiz kaz truôx jông ntux li txơưr txar chiê hêik trâu pêx xênhv pâuz phax tar; bax jông têx tsưr ziv chiê txo grêk tsơưs têx trâus ruôr hiêv./.

(Thừa Xuân-Lik Thox  cxêik nhênhv)

  Jê lok no, tỉnh Điện Biên sir jos cxiz têx hâux lưv muôv muôs kôngz nuv, lar heik zos têx xiv huv hur jông OCOP đros ntâu faz tsưr ziv txơưx xar tơưv thiêz jông….. Nhiv no tỉnh Điện Biên muôx 45 xiv huv hur jông. Hur tiz si têx huv co puôr lênhx tâu chos ntâu uô cê, cxiv tsa qơư sik côngv uô chiê muôx tâu ntâu zav xiv huv jông, tsơưr lươngv. Chiê  luôs hâux lưv cxiz muôv muôs co huv đros zoz qơưx tsênhv tsênhz hâur ciêz đrôngs, Sở Kôngz nuv thiêz huôv tsar tox siêz tưz sir jos chox kriê cxuô taz viv lês car uô đreiv têx nuv co zok nriêr tsưr ziv paz max, sik đros sâu zuôr têx kôngz thôngz đhâu zuôr muôs điện tử, têx qơư muôs txuôk đros luôs 2 chas ciêz đrôngs, têx xiv huv hur jông sâuv tas nro têz qơưk. No zos tsưr ziv jông hâur ntu muôx moz gênhk huôv xênhz phiv liv./.

 (Báo Điện Biên-Riê Lâux cxeik, nhênhv) 

Sâuv cxuô kror hâux lưv, sir jos yax kriê, kriê uô hâux lưv, paz trâu pêx xênhv huôv tsar kinh têr, txo grêk têx phongx cxưx pôngz kaz, cxiv tsa luz nênhx vênhx huôv… Zơưv Đỗ Quốc Trụ-zos lênhx nênhs muôx suôz bê nhoz jok Thống Nhất (thị trấn Phong Thổ, huyện Phong Thổ, tỉnh Lai Châu) tâu pâuz txos zos lênhx nênhs paz nriêr tsưr ziv uô chiê txo grêk cêr yêiz pluôs, paz trâu pox nhuôs hâur jok huôv tsar uô nox. Txix zuk têx sir jos thiêz txơưx jênhv, sir jos uô têx hâux lưv, paz trâu pêx xênhv, zơưv Trụ tưz sir jos paz trâu jok Thống Nhất hlôngr yiêz ntâu. Luz nênhx tsâu sor muôx nhoz cxuô chuôz zis thiêz uô trâu pêx xênhv muôx siêz njênhs, zos kror paz trâu zơưv Trụ thiêz chor nênhs muôx suôz bê txơưr sir jos paz trâu cxuô thax tsav qơư hâur ntu zuôr txos./.

(Baolaichau-Lik Thox cxêik nhênhv)

Lưv lươngv muôx vax huôv qênhz pov Bùi Văn Đảng- lênhx nênhs fêv tuô tuôs nênhs nhoz xã Minh Xuân, huyện Lục Yên, tỉnh Yên Bái tưz đei chax đaz tuôs pêv trôngz. Xưk li VOV xa mông, thâuv 11 six ntâu tar su hnuz 21/3, ntơưv jok Kéo Quạng, xã Minh Xuân, huyện Lục Yên (Yên Bái), Bùi Văn Đảng, xênhz shông 1990, nhoz ntơưv jok Kéo Quạng, xã Minh Xuân tưz zôngv triêv gâuk tix lâus Bùi Văn Ch, xênhz shông 1981 plaz. Đhâu thâuv trâul Đảng muôz triêv gâuk tuô co, tix lâus Ch tưz sir jos khiêr cov điv, taz sik Bùi Văn Đảng tưz châuv lơưr kaz thiêz tror muôz triêv hlêis tix lâus Ch chax đaz, uô trâu tix lâus Ch trâul tuôs đhâu co. Thâuv no Đảng tưz khiêr muk trâu tov cêr, njiz tix lâus TRần Văn D, xênhz shông 1983 mak Đảng txơưv zôngv triêv gâuk tix lâus D trâul lok six saz thiêz. Đhâu hlo uô muôx têx cêr cxâuv li co tas, Bùi Văn Đảng tưz tso têk khiêr gâuv, tsi nhoz ntơưv qơư. Txos thâuv 8 six 30 phênhz tas cik hnuz 22/3, lưv lươngv muôx vax huôv qênhz pov Bùi Văn Đảng tưz đei chax đaz tuôs pêv trôngz poz jêz hâur jok Kéo Quạng, xã Minh Xuân, huyện Lục Yên./.

 (Thừa Xuân-Riê Lâux cxeik, nhênhv)