Nhiv kruôr đhâu, tỉnh Sơn La tưz sik côngv đros Cục paz thơưz Thương mại, Bôv Công thương tsưr tsix Jiês cơưv paz thơưz sâu zuôr, muôs tơưv saz đrâuv têz qơưk têx txir mo môngk thiêz kôngz nuv tỉnh Sơn La shông 2022. Jiês cơưv tâu cơưv txuôk đros trâu 24 kror qơư nhoz têx tỉnh, thành phố hâur têz qơưk thiêz 16 kror qơư saz đrâuv têz qơưk. Hêik ntơưv jiês cơưv, zơưv Vũ Bá Phú, Cục trưởng Cục paz thơưz Thương mại hêik tiêk, Sơn La tsik so zos tỉnh uô ntêx hlo hâur sik côngv chiê sâu zuôr muôs têx hax huv. Tiv zis zos thâuv txos chêix sâu têx kôngz lôngk, paz trâu pêx xênhv sơưr đơưk, têx doanh nghiệp, HTX zok nriêr qơư muôs têx hax huv thôngz đhâu ntâu huôx tôngv paz thơưz Thương mại hâur ntu đhâu: “Thôngz đhâu têx tsaz yênhx xưk li jiês cơưv no ntơưv Sơn La đros muôx cxuô tos sik côngv đros cxaz chuôz txix uô txos qơư muôs, têx doanh nghiệp uô, muôs tơưv saz đrâuv têz qơưk thiêz chor tsưr tsix paz trâu kinh doanh, Bôv Công Thương njênhs tiêk têx kror uô tâu nhiv no zuôr tâu kriz đar đuô, truôx jông đuô thiêz huôv tsar đuô hâur ntu tov ntêx no, zuôr paz trâu kôngz nuv Sơn La tâu muôs muk đêz đar đuô, truôx đrênhk đuô”./.

(Trấn Long-Lik Thox cxêik nhênhv)

Uô Bộ công an li thông tư 15 lok pheiz cấp côngz xưv đăng cir yêz trâu công an cấp huyện, cấp xã, nhiv kruôr đhâu, ntơưv 21 qơư uô ntâuz ntơưr đăng cir yêz meir cấp xã nhoz Yên Bái tưz qir huôx tôngv, chox lok ntâu kror muôx liv trâu tsôngv box.

Lơưr co, tsôngv box 21 xã muôx: Mường Lai (huyện Lục Yên), Nậm Có (huyện Mù Cang Chải), Bản Mù (huyện Trạm Tấu); Cảm Nhân, Bảo Ái (huyện Yên Bình); An Thịnh, Châu Quế Hạ, Đông An, ĐÔng Cuông, Lang Thíp, Lâm Giang, Mỏ Vàng, Viễn Sơn, Ngòi A, Phong Dụ Hạ, Phong Dụ Thượng (huyện Văn Yên) tâu uô ntâuz ntơưr đăng cir yêz meir ntơưv tiv phaz. Đrâuv co, tsôngv box cux muk uô ntâuz ntơưr đăng cir ntơưv tuêv cảnh sát zaoz thôngz- trật tự têx huyện, thị xã, thành phố thiêz Phongx CSGT, Công an tỉnh trâu yêz meir, yêz truz thiêz têx zav yêz muôx têx xưk li yêz meir lơưr Bộ công an li thông tư 15./.

(Thừa Xuân-Txâur Vax cxeik nhênhv)

Nas hmo, ntơưv thax tsav vuôk har txir khơưz đuz Nà Ka, thị trấn Nông trường Mộc Châu, huyện Mộc Châu, tỉnh Sơn La tsưr tsiêx ntênhk hôiv đê txir jiês tiv 6 shông 2022. Hnuz hôiv đê txir huyện Mộc Châu tâu tsưr tsix jiês xưz thơưx trâu shông 2014, zos huyện li xor xưv vênhx huôv-du lịch tâu uô tsik so, zos yênhx chor nênhs chos txir khơưz đuz li hnuz hôiv. Hnuz hôiv tâu tsưr tsix đros muôx ntâu kror li: Sik tưr đê txir, piêr pâuz thiêz nox têx txir khơưz đuz; ndis shuôk têx qơưk piêr pâuz lok vênhx huôv cxuô mênhx cxưx Mộc Châu li têx hax huv jông, zav nox mênhx cxưx thiêz têx qơư piêr pâuz lok têx hax huv tâu uô txix txir khơưz đuz… Tsôngv kruô cxaz chuôz hnuz hôiv cux tâu sêiz shuôk têx môn thể thao mênhx cxưx, têx zav uô si cxôngx nzor thiêz cxaz chuôz ciês trâu ntâu kror sik tưr li: sik tưr nox txir khơưz đuz, tuô hnênhr… Zơưv Phềnh Xênhv Muôk, jok Tà Số, xar Chiềng Hắc, huyện Mộc Châu, iz hâur chor chuôz zis tâu hênhr kruôk puz pâuz: Chuôz zis muôx 1,5 héc ta chos txir khơưz đuz, sâu tâu muôx 30 tấn, muôs tâu muôx 450 triệu đêiv iz shông. “Hnuz no tâu hênhr kruôk ntơưv hnuz hôiv mak cur lok six shir phaz, no cux zos kror paz trâu chuôz zis tror sir jos chos thiêz tu chor txir khơưz đuz, huôv tsar kinh têr chuôz zis”./.

(Lê Hạnh-Lik Thox cxêik nhênhv)

Ntơưv têx tỉnh Tây bắc, hâur têx hnuz đhâu, ntux lok nas lox nhoz ntâu qơư uô tox poz ar lơưk sâuv ntâu txox cêr muk lok.

Tsênhz mênhx, tas cik hnuz 22/5, ntơưv cei cêr 386+150, niêv cêr 37, thax tsav jos Đông, xã Tường Phù, huyện Phù yên, tỉnh Sơn La muôx yưv txuz tox poz môngr jông tsi muôx lênhx nênhs trâus saz.

Yuôr ntơưv tỉnh Lào Cao, tas cik hnuz 22/5, iz txuz tox poz zov chênhr muôx yưv sâuv niêv cêr 155, ntu đhâu xã Ngũ Chỉ Sơn, thị xã Sa Pa, tỉnh Lào Cai lok six riêz nênhs trâu têx qơư nhoz iz ndis co. Đros co muôx 2 lênhx tsôngv box muk đhâu, tiv tsâus ntux thiêz ntux lok nas viv li tưz trâus pôngz trâu hâur qơư muôx tox poz co. Môngr jông tsuôk trâus saz mê njik. Ar sâuk cux uô zênhr shar txos 1 ziv chuôz zis nhoz ntơưv co.

Ciês thâuv jênhv tâu xor mông, têx lưx lươngv muôx txơưx jênhv tưz ciêr chênhr huiz tôngv lênhx nênhs, chuôz zênhx tuôx khưx phưx, cxok fiêx canhv pov, vênhv tôngv tsôngv box trâus zênhr shar txar muk qơư nhoz taz por, tsưr tsix seiz nus tôngv vênhx nênhs tiv nanv./.

(VOVTB-Txâur Vax cxeik, nhênhv)