Chor đêx hur tsênhv muôx tsơưs jux juk uô trâu 200 ntâu ziv chuôz zis thiêz iz cxiê luz tsêr cơưv ntơưr ntơưv xar Bản Hồ, thị xar Sa Pa, tỉnh Lào Cai muôx tsik txâuk đêx. Qênhx shênhx no muôx yưv iz hli ntâu lok no tsênhv uô phiv liv tsik tsơưs txos trâu pox nhuôs sơưr đơưk luz nênhx, tiv zix zos shux xênhz. Côngz trinhx đêx hur ntơưv jok Hoàng Liên cungz đêx trâu iz cxiê jêx jok hâur xar Bản hồ tâu yưv pênhr uô txix shông 2021. Tiv tsênhv txos trâu chêix ntux kruôr viv li chor đêx muôs tsơưs. Tưz tsik zos li xưz, zar hâur đêx, chôngz pêx xênhv uô njưs thêir chiê tok đêx lok uô liêx têz. Hâux lưuv sik txênhz đêx muôx yưv txix ntêr lok, tsik tâu xưv lik uô trâu côngz trinhx no muôx tsik txâuk đêx phưx vưv trâu pêx xênhv sir zôngv. Zơưv Phạm Văn Việt-Phưv Giám đốc công ty TNHH dịch vụ cungz đêx Lào cai puz pâuz: “Taz viv tưz muk hêik chor ziv chuôz zis phêiz kênh hâur đêx, taz sik cux lok six lax uô tâu; tiv lơưr hêik tiêk tưz uô nênhx nhoz ntơưv no txix ntêr lok lơưv mak xav no zos lơưr chor đêx, zuk hêik tiêk zos têz qơưk li lơưr cux tsik mnôngs”./.

TTTB-Lik Thox cxêik nhênhv

        Tar su hnuz 23/5, ntơưv tỉnh Điện Biên tưz pov muôx huôz vix hnuz. Lơưr chor nênhs nhênhz chơưv khoa học phênhz, huôz vix hnuz khênhr muôx yưv thâuv ntux txơưr txar. Tsênhv tsênhz, ntơưv Điện Biên, pêx xênhv pov li ntơư zos sơưr đơưk tsênhv njiz trâul jiês cuz sor hênhr, uô kror cxiê qơư kruôr gis. Ntâu luz pak đêx hâur thax tsav nhiv no tưz gris tas ntâu. Iz chas co, njuôk xav ntơưv Điện Biên ntux tsênhv zuôr cuz sor ntêr nhos 10 hnuz thiêz. Zơưv Lê Văn Thi, Giám đốc Công ty seiz car đêx phưx vưv uô kôngz Điện Biên heik pâuz: Nhiv no taz viv tsênhv bax tsưr ziv hux jos đros chor tsêr meir tênhv tênhz hâur thax tsav tso đêx, côngz đêx trâu thax tsav kaz đês, taz por muôx đêx phưx vưv uô kôngz lôngk./.

Vũ Lợi-Riê Lâux cxeik nhênhv

       Nganhx Zoz zux Lai Châu nhiv kruôr tsưr tsix hênhr kruôk 190 lênhx shux xênhz uô tâu hâux lưv jông hâur chor phongz yaox sik tưr shông cơưv 2022-2023. Hâur shông cơưv no, txơưv yuôr ntâu kror phiv liv lok vax tsêr cxuô zav thiêz muôx tsik txâuk chor cưk kriê ntơưr, tiv zix zos cưk kriê môn luk Anh thiêz Tin học… taz sik nganhx Zoz zux tỉnh Lai Châu tưz khưx phưx cxuô kror phiv liv, tsêx trung uô jông chor tsaz yênhx zoz zux phôv thôngz yiêz đros trâu uô lơưr têx tsưr ziv sik tưr mak tỉnh, cux xưk li Bôv Zoz zux tưz tso tơưv. Zơưv Đinh Trung Tuấn, Giám đốc Sở Zoz zux tỉnh Lai Châu hêik pâuz, 190 lênhx shux xênhz tâu hênhr kruôk jiês no zos chor nênhs uô tâu hâux lưv jông hâur nganhx, thax tsav qơư li chor phongz yaox sik tưr; chôngz lênhx nênhs muôx luz nênhx txov nhêv, taz sik tưr sir jos cơưv ntơưr thiêz zos yênhx têx lênhx nhuôs gruôs, ciêz, cơưv ntơưr txơưx zơưv hloz Hôx./.

Khắc Kiên-Lik Thox cxêik nhênhv

        Hâur 3 hnuz txix 26-28/5, Hnuz hội ju lix Vênhx huôv tỉnh Sơn La, đros njiêz luk “Qơư jông trâu tsôngv kruô sơưr đơưk tuôx ndis shuôs uô si” shông 2022 zuôr tsưr tsix ntơưv têz qơưk li thax tsav ju lix Mộc Châu đros ntâu txux chi jông li: Sik tưr uô têx zav nox Sơn La, sik tưr uô hâux lưv chox kriê cêr trâu kruô ndis seiz têz qơưk uô si, nênhs jông gâux sik tưr hnar têx tsôngk tril yo cxôngx nzor….. Pos Nguyễn Thị Hoa, Phưv Chủ tịch Ủy ban huyện Mộc Châu, tỉnh Sơn La heik pâuz: “Hur tiz si têx qơư uô hnuz hội tsênhv tâu pêz sir jos bax, uô cov tiêr têx zuôr trâul txos. Mộc Châu tâu choz seiz car Hnuz hội sik tưr đê txir ntông, txos nhiv no, pêz tưz bax uô tâu cxuô luôs hâux lưv hur si lơưv. Vav chiê siêz hnuz hội zuôr uô tâu jông chiê piêr kriê trâu tsôngv kruô hâur têz qơưk thiêz sâuv ntiêx têz pâuz txos têx đuôz, qơư jông ndis shuôs uô si”./.

                                     Lê Hạnh-Riê Lâux cxeik nhênhv