Thax tsav đriv têz VN-Lào hâur six hơưv đhâu tror tâu ntâuk grê zos thax tsav cuz nxor lok zax zênhz; muôx 270 ntâu cêik cêr đriv têz buôk 2 tỉnh Hủa Pahưn thiêz Luông Pha Băng (Lào), viv li Sơn La tưz yênhx thax tsav chor nênhs zuôr muôs uô luôv zax zênhz khênhr thâux gra zax zênhz txix đriv têz saz đrâuv lok hâur VN đhâu co chiê muôs. Thượng tá Nguyễn Tuấn Anh, Phưv tsar phongx Cảnh sát qênhz yuôx têx lênhx nênhs zuôr muôs uô luôv zax zênhz tsi trơưk chei, Công an tỉnh Sơn La heik pâuz: Txix têx txuz trâul ntêk cxov nhiv no tso pov, lơưr têx tsưr ziv, chor nênhs nhiês zuôr muôs uô luôv zax zênhz ntơư khênhr muk lol đhâu tỉnh, ziv hnuz ziv txơưx jêik, muôx tsưr ziv nhiês uô luôv, zuôr muôs têx huv txưr heik sâuv. Lơưr muôx cêr siz tuôr hâur lok six truôx jông uô cê, liv zôngv chei têz qơưk têx tsi yuô uô đrux ntov, lok sik nziêk đas, hlôngr lưv tus bê uz no…..cov têx lưv lươngv muôx vax huôv tsi yuô chênhr phax chiê lơưr nhiês uô têx nuv tsi trơưk chei, chênhr viv li, cơ quan muôx vax huôv lok six phiv liv hâur xơưz xưv. Trơưk li jênhv tinhv, six hơưv zuôr txos, tiv moz Covid-19 huôv xênhz phiv liv, chor nênhs zuôr muôs, uô luôv zax zênhz tsi trơưk chei zuôr zôngv ntâu faz tsưr ziv nhiêk txơưr nhiêk tsi siz thôngx chiê nhiês uô têx nuv tsi trơưk chei li heik sâuv, txix ntơư uô phiv liv trâu têx lưv lươngv muôx vax huôv./.

(CTV-Riê Lâux cxeik, nhênhv)

Zar hnuz keix hnuz 23/3, phongx cảnh sát hình sự, Công an tỉnh Lai Châu đros Công an huyện Tam Đường jênhv txuz án tul txir tuô pox niêv tiv xar tiêk pox niêv đênhr hluôk. Lơưr co, thâuv 12 six 30 phênhz tar su hnuz 21/3, thâuv nox su thiêz hâuk chơưr ntơưv tsêr, Zax A Cáng xênhz shông 2005 nhoz jos Cò Lọt Mông, xã Bản Bo, huyện Tam Đường (Lai Châu) pov pox niêv zos Lồ Thị V, xênhz shông 2002 cê êr mê nhuôv cê muôz tsôngs yo tso hâur hnaz thiêz heik tiêk xar muk seiz niêv teik zơưv txir nhoz huyện Sa Pa tỉnh Lào Cai. Xar tiêk pox niêv đênhr hluôk, Cáng thiêz pox niêv tưz siz char siz chêv. Viv tưz hâuk chơưr, tsưx phưv tsi tâu tul khênhx, Cáng đhiê muk tov kror chuz gra traz fov chiv chir uô lok tuôx pox niêv. Pov pox niêv ntok ciês hâur pês têz thiêz lok nyar ntâu, Cáng txơưv êr mê nhuôv thiêz seiz pox niêv pok tsênhv uô pa. Đhâu seiz shuôk, chiz coaz muôx txơưx jênhv xav tênhv qir tiv uô V tôs zos tiv cxa tâuz hâu trâus saz, muôx 5 luz muôk txưr suôz fov lox 0,4 cm hâur V tâuz hâu./.

(K. Kiên-Txâur Vax cxeik nhênhv)

Trơưk li quyết tinhv cxiv kho iz cxiê tsênhv njiêz uô lơưr tsưr ziv phax tar moz Covid-19 hâur thax tsav nhiv kruôr tso tơưv, txix hnuz 22/3, TP Yên Bái, tỉnh Yên Bái tso chei krêz trôngx uô iz cxiê zav hâux lưv. Tsênhv tsênhz: Têx qơư uô jâuz mor nox muôs, uô lax luôv li: Qơư hu gâux uô si, qơư txiêr plâuz hâu, muôs hax huv tâus cêr, qơư uô thêv dục thêv thao hâur tsêr….hâur TP Yên Bái tâu chei tror krêz trôngx uô hâux lưv. Taz sik sđ tsuv tsuv chox ntâuz bos kror ndâux, uô jông trơưk li Bộ Y tế têx cui tinhv fuô kriê, iz tus nhoz kuôk đêz iz tus, tsi so muôz têx đêx cuô yuôx nzuôr têk, tsuôs trâu têx qơư muôs huv…. Nênhs lox tôngv, nênhs uô hâux lưv, zuôr muôs huv, txiêr plâuz hâu uz no…. tsuv tâu cxax tsơưs tsơưs txix 1-2 côngz yuôx vắc xin phax tar moz Covid-19.

TP Yên Bái cux tso chei têx qơư Tôn giáo, hơưv tsưr uô hâux lưv, taz sik tsi tâu siz zâuv chôngz nênhs hênhr tuôx trâu têx qơư co.

Têx jiês cơưv uz no mak cơưv txuôk đros trâu luôs 2 chas thax tsav qơư, yưx têx jiês cơưv zov chênhr phưx vưv chính trị, kinh tế, XH thiêz thâuv zuôr cơưv ntơư tsuv tâu Ban chox kriê phax tar moz Covid-19 TP thiêz cơ quan seiz car thôngx ziv, tso chei, uô lơưr jông Bộ Y tế, Sở Y tế tỉnh Yên Bái li têx tsưr ziv kriê lok phax tar moz gênhk thâuv tsưr tsix cơưv li heik sâuv, thiêz cux tsi tâu hu chôngz lênhx ntâu tus đại biểu tuôx cxaz chuôz./.

(Đinh Tuấn-Riê Lâux cxeik, nhênhv)

Tsâus ntux thiêz tas cik hnuz 23/3, ntơưv Lào Cai pov muôx chuô txiêk thiêz ntux lok nas iz cxiê qơư. Tsênhz mênhx, ntơưv xã Nàn Sán, huyện Si Ma Cai, ntux lok nas lox uô pox nhuôs li zuôr xar 40 hecta poz cưk thiêz tâuv pâur trâus zênhr shar; thax tsav thị trấn huyện, ntux lok nas lox uô iz cxiê cêr muk lok trâus đêx ngaz, muôx muôx nhos 70 yiv đruôz ar, poz jêz txix sâuv trôngz ntưs lok hâur cêr. Ntơưv huyện Mường Khương, ntux lok nas lox cux uô ruôr hiêv tsôngv box iz cxiê tsoz chos, tsêr nhoz. NJuôs pov txix Đeix njuôs pov qiv hơưv tỉnh Lào Cai tso pov, hâur 24 six zuôr txos, chuô txiêk zuôr tror uô zênhr shar txos Lào Cai, ntux lok nas lox njuôs xav zuôr pov ntơưv iz cxiê qơư, viv li têx tiv phaz tsuv chuv tôngv phax tar. Chuô txiêk cux uô jêx tưv ntơưv têx thax tsav nhoz Lào Cai grês kis, tox siêz ntux no njiv, jêx tưv txix 14-16 tưv./.

(An Kiên-Lan dịch đọc)