Ủy viên Bộ Chính trị, Bí thư Trung ương Đảng, Trưởng Ban Tsưr tsix Trung ương Trương Thị Mai thiêz đoanx côngz xưv nhiv kruôr chuôr yuô, phôngv Tsiêz Đảng bộ, chính quyền thiêz pêx xênhv tỉnh Yên Bái. Hêik ntơưv jiês uô hâux lưv, Trưởng Ban Tsưr tsix Trung ương Trương Thị Mai sâu jênhv, hênhr kruôk txos tỉnh Yên Bái têx hâux lưv uô tâu hâur shông 2021; ntâuk gri siêz kror tỉnh tưz tsov cưv txos, chox kriê chor thành phố, huyện, thị xar txos trâu xar, phường kriz uô tsưr ziv, tsaz yênhx txoz cxơưx tsiêz trâu nênhs muôx côngz, chuôz zis tâu sơưv cêr chêi, nênhs njiz trâus phiv liv tiv moz Covid-19. Thôngx cxix hêik mênhx, shông 2022 zos shông zov chênhr hâur kriz uô têx luôs hâux lưv, tsưr ziv lơưr Nghị quyết ntu 2020-2025. Viv li, tỉnh tsuv muôx hlôngr yiêz, sir jos, uô cxix cxuô têx tsưr ziv huôv tsar kinh têr-xar hôiv, paz uô cov tiêr têx tsưr ziv tưz tso tơưv. “Tổng Bí thư Nguyễn Phú Trọng tưz zênhx hêik: tưz jông lơưv mak tsuv jông đuô thiêz. Co cux zos cur lok luk phôngv jông trâu Yên Bái hâur shông yiêz, iz shông tror uô tâu ntâu kror, zênhx liv, qênhz yuôx tâu caz moz; Yên Bái tror huôv tsar, uô tâu têx tsưr ziv lơưr Nghị quyết Đại hôiv Đảng bộ tỉnh jiês tiv 19, paz trâu uô Nghị quyết Đại hội Đảng tas nro têz qơưk jiês tiv 18. Thor phôngv sơưr đơưk muôx đas jos jông, shir phaz; phôngv pêx xênhv nhoz Yên Bái muôx tâu luz nênhx ziv hnuz ziv jông đuô”./.

(Đinh Tuấn-Lik Thox cxêik nhênhv)

Phưv thủ tướng chính huv Lê Văn Thành đros chính phuv li đoanx côngz xưv muôx jiês uô hâux lưv đros lênhs tov tỉnh Điện Biên lok chêx cuk uô jênhv vưv chính trị, huôv tsar KTXH, taz por côx phax txiv ngaz. Phuôx plov ntơưv jiês uô hâux lưv, Phưv thủ tướng chính phuv Lê Văn Thành muôx luk kruôk txos tỉnh Điện Biên li têx chêx cuk tax tâu hâur têx shôngk đhâu. Phưv Thủ tướng heik mênhx: tỉnh tsuv tror cxơưz tiês hâux lưv txu grês cêr pluôs lơưr tsưr ziv tso tơưv, taz por 100% tsôngv box tâu sir zôngv tênhv tênhz, đêx hur. Taz sik chiê car chêx tâu têx phêv liv tsênhv yuôr tsuv tsov cưv trâu hâux lưv huôv tsar zaoz thôngz, viv no zos têx paz zaz zâuv yưv pênhr, doanh nghiệp yưv pênhr lok thax tsav, tiv zix zos hâur huôv tsar ju lix. Hâux lưv krêz côngz cxiv uô Qar tsav yêz za Điện Biên tưz krêz tơưv ntâu kror jông trâu tỉnh li huôv tsar hâur ntu zuôr txos, taz sik tsuv seiz car đuô têx njuôs siv lok côngz tsinhx, cxiv tsa têx đề án sik côngv zaoz thôngz đros têx tiv phaz, têx trôngx đriv./.

(Vũ Lợi-Txâur Vax cxeik nhênhv)

Paz phêiz kênh têx phiv liv. Cêr txov đros chor chuôz zis pluôs nhoz ntus đriv, chiê cxuô chuôz zis puôr lênhx muôx tsiêz nox, Bộ Chỉ huy Bộ đôiv Pênhz phax tỉnh Sơn La tưz sik côngv tsưr tsix Tsaz yênhx “Ntux yiêz Pênhz phax sor so pêx xênhv jêx jok siêz” ntơưv xar Mường Hung. Shông no tsaz yênhx tsik muôx chor hâux lưv vênhx huôv, vênhx nghệ, têx zav uô si li cxiê jâuk, taz sik cux muôx cêr shir phaz. Zuôr xar 1.000 kror hax huv, zos nhiêx txiêx, pav, trik yo, cxur thiêz têx zav txơưr…tưz tâu khơưk muôz trâu chor chuôz zis muôx luz nênhx txov nhêv sâuv thax tsav chor xar Mường Hung, Chiềng Khương, Mường Sai, Mường Cai. Đuô li, tsaz yênhx tsênhv muôx ntâu kror hâux lưv uô tsênhv tsênhz li muôz paz cxiv uô vax tsêr niêv côngv siêz trâu pêx xênhv, muôz học bổng paz trâu chor nhuôs tuôx muk cơưv nơưr…Tix lâus Bạc Cầm Nơi, jok Coi, xar Mường Hung hêik: “Cur chuôz zis zos chuôz zis pluôs, luz nênhx txov nhêv, tsiêz no bax tsik tâu đaz tsi hlo. Hnuz no txêik tâu têx hax huv muôz paz no mak lok six shir phaz. Uô tsâus chor bôv đôiv Pênhz phax tưz paz trâu cur chuôz zis muôx tâu tsiêz nox sor siêz đuô”./.

(Lê Hạnh-Lik Thox cxêik nhênhv)

Bộ trưởng Bộ khoa học thiêz công nghệ Huỳnh Thành Đạt đros đoanx côngz xưv tưz muôx jiês uô hâux lưv đros tỉnh Lai Châu lok qênhx shênhx huôx tôngv, khoa học, công nghệ thiêz hlôngr yiêz sâuv thax tsav tỉnh Lai châu shông 2021 thiêz tsưr ziv ntu 2022-2025. Lơưr co, niêx shông, tiv phaz zuôr thôngz đhâu txix 10-15 jênhv vưv khoa học thiêz công nghệ krêz uô sâuv thax tsav; paz txưv hlôngr yiêz công nghệ trâu 5-10 công nghệ; xav tênhv qênhx công nghiệp trâu 5 tsưr tsix, lênhx nênhs; zôngv ntơưr nriêr pâuz hâur pâus xiv huv trâu tsơưs tiv zix 5 doanh nghiệp; paz ứng dụng khoa học thiêz công nghệ muôx txix chêx cuk nhênhz chơưv KHCN trâu 5-10 taz viv. Lai Châu cux tsov cưv huôv tsar tsoz sâm Lai Châu thiêz tsiv uô têx xiv huv por vêv đas jos; chuôz tsar côngz xưv thox cxov, kriê cxaz, muôz siêz tsơưr lươngv cán bộ coar lik têz qơưk lok KHCN. Chuv tôngv sik côngv đros Viện nhênhz chơưv, tsêr cơưv đại học chiê thox cxov lênhxnênhs; cxơưz tiês paz txưv hlôngr yiêz, xar tơưv, uô têx jênhv vưv paz txưv doanh nghiệp muôx njik mê thiêz mê./.

(K.Kiên-Txâur Vax cxêik nhênhv)