Sir jos uô ntêx hlo hâur luk hêik thiêz têx hâux lưv uô, phuôx huiz lênhx đảng viên li pưk txux uô ntêx hlo, tix lâus Lik Xênhv Shôngx, Bí thư Chi bộ, Trưởng bản Huổi Lúm, xar Nậm Vì, huyện Mường Nhé, tỉnh Điện Biên tsik so hâur 10 shông đhâu zênhx sir jos paz trâu pox nhuôs hâur jêx jok, hâur xar huôv tsar kinh têr, jux juk hla đhâu cêir yêiz pluôs. Tix lâus Lik Xênhv Shôngx puz pâuz: shông 2011, iz cxiê lênhx nênhs fêv hêik cov yênhx lik têz qơưk Hmôngz nhoz jok Huổi Khon, xar Nậm Kè. Thâuv co pox nhuôs nhoz Huổi Lúm cux cxơưx, xar uô trơưk. Muôx nênhs hâur jok trâus moz gênhs, taz sik trâus chor nênhs fêv nziêk đas viv li zông nox, zông hâuk, nhiês muk hâur har jôngr zok nriêr luz nênhx cov jông đuô. Chiê pox nhuôs sơưr đơưk tsik mnôngs trơưk chor nênhs fêv nziêk đas, đros zos iz lênhx đảng viên, luk hêik tsuv đros đrêiv têx hâux lưv uô, tix lâus tưz jênhv tiêk zuôr paz trâu pox nhuôs hâur iz shông uô tâu oz chiv blêx liêx, tsuôk pox nhuôs nhoz truôx jông ntơưv thax tsav qơư tsik tso vax tsêr tsês. Uô jux juk, iz cxiê chuôz zis mnôngs uô trơưk thiêz tas nro jêx jok cux tưz uô trơưk. Khov co, thâuv muôx yưv têx phiv liv ntơưv Huổi Khon lok jok Huổi Lúm cux tsik nxor siêz, pêx xênhv jêx jok cux nhoz truôx thiêz tso siêz khưr uô nox.

“Đros zos iz lênhx đảng viên sơưr thơưx hâur chi bộ, cur tsik so hêik đros uô, sir jos paz trâu pox nhuôs huôv tsar kinh têr, taz por côx phax ngaz tuk, hêik pox nhuôs uô oz chiv blêx liêx iz shông. Cur cux zuôr sis jos paz trâu pox nhuôs sơưr đơưk luz nênhx, tsuôk zos pox nhuôs tsik mnôngs trơưk chor nênhs fêv, tsik tso jêx jok tsês…”./.

(Vũ Lợi-Lik Thox cxêik nhênhv)

Đros thiêz bax jông têx tsưr ziv, uô ntêx nyuôs hâur cxuô cêr nuv, hâur six hơưv đhâu, đoanx hluôk nênhs Công an tỉnh Sơn La tsi tiêk uô tiêr jông hâux lưv tâu zok muôz lok taz por txiv ngaz chính trị, truôx tuk XH, tsênhv fuô uô ntâu luôs hâux lưv muôx liv, tsênhv tsênhz viv côngv thôngx luz nênhx thiêz. Xav ciês hâur shông 2021, têx lênhx hluôk nênhs Công an tỉnh Sơn La tưz uô 80 têx nuv muôx liv jông li: “Tsêr niêv côngv siêz”, uô têx nuv jông siêz hâur cheix ntux no, cheix ntux yiêz uô têx hâux lưv siêz jông, cxơưz paz têx nhuôs muk tsêr cơưv…..đros thiêz yênhx cxênhz poz huv tâu muôz puz txos trâu têx nhuôs shux xênhz, chuôz zis muôx côngz têz qơưk, chuôz zis muôx luz nênhx txov nhêv. Trung úy Dương Hải Anh, Phưv Bí thư Đoanx hluôk nênhs Công an tỉnh Sơn La heik pâuz:

“Uô têx hâux lưv hơưv tok luz hlik hluôk nênhs shông 2022 thiêz đại hội đại biểu đoanx hluôk nênhs Công an tỉnh Sơn La jiês tiv 21, six cxiv 2022-2027, tâu Đảng ủy, Ban giám đốc Công an tỉnh li moz siêz txos, Đoanx hluôk nênhs Công an tỉnh Sơn La hâur luz hlik hluôk nênhs tưz muôx ntâu hâux lưv uô  viv côngv thôngx, têx nuv yax kriê chei têz qơưk….., chor hluôk nênhs Công an tỉnh Sơn La li têx nuv uô tsênhv tsênhz co zos chiê sik pheiz kênh têx phiv liv, cêr txov đros tsôngv lax pêx xênhv, iz chas ntơư cxiv tsa têx đuôz jông lok lênhx chiến sĩ Công an uô hâux lưv viv tsôngv pêx xênhv”./.

(CTV-Riê Lâux cxeik, nhênhv) 

Tơưl tênhz chis pov cêr têx jêx jok zos iz hâur Đoanx hluôk nênhs tỉnh Yên Bái li têx phongz yaox hâur ntu đhâu tâu uô tsênhz mênhx. Chor cêr muk lok hâur têx xar, jêx jok tâu tơưl tênhz chis pov cêr tưz tsik zos uô trâu jêx jok jông jav mak tsênhv paz tuôr truôx ngaz tuk, paz trâu pox nhuôs muk lok tâu zôngx ziv đuô, tso siêz khưr uô nox, huôv tsar kinh têr. Tsuôk xav ciês shông 2021, đros muôx Đoanx hluôk nênhs sêiz shuôk, huyện Lục Yên tưz muôx nzir 38 ntu cêr, ntêr muôx 55 cêik cêr ntơưv chor jêx jok txov nhêv; chor jêx jok zôngx ziv njiz trâus ntâu kror phiv liv tâu tơưl tênhz chis pov cêr.../.

(Thừa Xuân-Lik Thox cxêik nhênhv)

Tas cik sơưr nzor hnuz 24/3, sâuv txox cêr lox sôr 4D, ntu muk đhâu jok Giàng Thàng, xã Đồng Tuyển, TP Lào Cai, lưv lươngv tuz lênhv Pênhz phax sik hux jos tưz ntêk tâu Lảnh Xênhv Zax, xênhz shông 1988, nhoz ntơưv jok Huổi Lắp, xã Quảng Lâm, huyện Mường Nhé, tỉnh Điện Biên thiêz Meir Xênhv Lik, xênhz shông 1990, nhoz ntơưv jok Chuyên Gia, xã Nậm Kè, huyện Mường Nhé, tỉnh Điện Biên thâux gra tsi trơưk chei zax zênhz, têx chuôz zênhx sâu tâu muôx 32 poz zênhz đơưz, iz luz yêz meir, đros trâu iz cxiê zav chuôz zênhx, ntâuz ntơưr txơưr đuô cik txos. Ntơưv cơ quan qênhz yuôx, 2 lênhx nênhs sâuv krêz lênhk tiêk, lơưr tưz ntiêr gơưk thâux gra chor zax zênhz heik sâuv txix Điện Biên muk Lào Cai trâu iz lênhx nênhs Trung Quốc, muk txos TP Lào Cai txơưv trâul qênhz pov thiêz ntêk tâu. Nhiv no txuz nuv co tsênhv tror tâu qênhz yuôx, uô tsênhz mênhx./.

 (An Kiên-Riê Lâux cxeik, nhênhv)