Zar hnuz kêix 24/1, Ủy ban tỉnh Điện Biên đros Bộ Công an cơưv ntâuk grê lok luôs hâux lưv uô lơưr tsưr ziv paz max tsêr nhoz trâu têx chuôz zis pluôs hâur thax tsav huyện Điện Biên Dông, tỉnh Điện Biên. Têx luôs hâux lưv uô tso pov, tsuôk iz luz hlik ntâu fuô uô, tưz muôx iz cxênhz ntâu luz tsêr tâu uô tiêr thiêz choz zok chiê têx chuôz zis pluôs lok nhoz uô ntêx tsiêz têz qơưk shông 2022, muôz cêr shir phaz, paz têx chuôz zis pluôs muôx nzir đas jos chiê hla đhâu cêr txov. Đhâu iz hlik ntâu fuô uô, txix xav hur si têx pênhr muôx 55 tyv đeiv zos têx taz viv chơưv paz, txos hnuz 15/1/2022, tas nro 1 cxênhz ntâu luz tsêr nhoz Điện Biên Đông tưz tâu uô tiêr, choz trâu tsôngv pêx xênhv nhoz tâu trơưk li tsưr ziv tso tơưv. Hâur chor tsêr no, muôx 430 luz tsêr  tâu uô trơưk li Bộ Công an tsưr ziv, 350 luz cux uô trơưk li heik sâuv, taz sik tâu cxiv puôz vuôk luôx zos huyện cxiv uô, yuôr đuô li zos tsêr ntông, uô trơưk li tsôngv box cxuô heir nênhs hâur thax tsav qơư li têx tsêr nhoz. Huyện Điện Biên Đông cux tưz sâu jênhv, choz tas nro chor tsêr uô tâu tiêr heik sâuv trâu têx chuôz zis sir zôngv, lok nhoz./.

(Vũ Lợi-Riê Lâux cxeik, nhênhv)

Hnuz 24/1, Cơ quan Đaix nta suôz Việt Nam nhoz thax tsav faz Bắc sik côngv đros Công ty TNHH Huôv tsar du lịch Ntiêx têz Phượng Hoàng, Công ty TNHH Thịnh Gia Huy thiêz Đoanx hluôk nênhs chor taz viv: Trung ương Hôiv pov chir Việt Nam, Zênhx hangx Vietcombank Chi nhánh Sơn La, Công ty Viettel Logistic tsưr tsix tsaz yênhx siêz jông “Tsôngk yo sor trâu chor nhuôs nhoz tox siêz Sơn La”. Hlôngr njêx muôs têx taz viv tưz khơưk muôz học bổng, đros chor hax huv tsiêz muôx tsiv gri trâu chor shux xênhz tsêr cơưv Phôv thôngz mênhx cxưx niêv txir zus mor Cxênhx iz-Cxênhx oz Chiềng Khừa, xã Chiềng Khừa, huyện Mộc Châu, tỉnh Sơn La. Tsêr cơưv muôx 27 lớp đros muôx 620 ntâu lênhx shux xênhz, hâur co zuôr xar 200 lênhx shux xênhz zos chuôz zis pluôs. Cưk kriê ntơưr Khuất Minh Đức, nênhs sêiz car tsêr cơưv puz pâuz: “Tiv zos thax tsav kinh têr, xar hôiv txov nhêv tiv zix viv li shux xênhz ntơưv no luz lênhx lok six txov nhêv. Hnuz no tâu VOV Tây Bắc thiêz chor taz viv siêz jông khơưk muôz hax huv paz, chor nhuôs lok six shir phaz. Chor cưk kriê ntơưr cux lok six shir phaz viv tưz phênhv tưs paz tâu trâu chor nhuôs sir jos hâur luz nênhx, cêr cơưv ntơưr, muôx siêz njênhs đuô trâu xar hôiv thiêz zuôr sir jos cơưv ntơưr đuô hâur ntu zuôr txos no”./.

(TTTB-Lik Thox cxêik nhênhv)

Têx hnuz no, tsôngv box cxuô heir nênhs thax tsav tox siêz Lào Cai tsênhv max bax uô cxuô luôs hâux lưv tok tsiêz 30. Qêz suô têx vax tsêr, zuôr têx chuôz zênhx yiêz lok sik bax nzir têx tơưk tâu trâur…., lar heik zos tuô buô chiê nox tsiêz. No cux zos iz hâur têx chei cêr nênhx vênhx huôv thâuv nzor tâu tsôngv box tox siêz uô đrêiv txix đhâu ntâu tiêv lok. Tas cik sơưr nzor, Nàng Cảng, thị trấn Si Ma Cai, huyện Si Ma Cai huôz tsênhv pok niêz trâu tas nro thax tsav qơư, 2, 3 lênhx tuz hluôk tưz muôx njêx muôs ntơưv zơưv Thox Seo Phù chuôz zis chiê paz zơưv tuô buô nox tsiêz. Txix têx lâul txos trâu chor hluôk lol sik têx nhuôs zâu lênhx tưs cux puôr lênhx shir phaz luk, chiê siêz tok txos trâu hnuz no. Zơưv Thox Seo Phù, nhoz jok Nàng Cảng, thị trấn Si Ma Cai shir phaz heik: “Cur chuôz zis khưr iz shông, zus tâu 1-2 tus buô chiê tuô nox tsiêz, hu tsôngv cưr tix nênhx tsa sơưr đơưk tuôx đros nox côngv tsiêz 30 xưz. Tuô tus buô shông no lox đuô tus shông uô ntêx. Tuô buô, cur cux hu chor hluôk lơưr tuôx đros paz uô hâux lưv thiêz đros nox tsiêz lov jêv”./.

 (An Kiên-Riê Lâux cxeik, nhênhv)