Hâur đraz hli 5 shông no, têx hax huv muôs đhâu điện tử tưz cxươz cxiz paz trâu tsôngv pêx xênhv nhoz Sơn La muôs tâu 100 tấn txir khơưz kaz jiz trâu cxuô lênhx  hâur hur si têz qơưs.

Viv cxuô xã phươngx, jêx jos nhoz cxuô qơư puôr lênhx zuôr hax huv đhâu điện tử. Lar hêik zos hâur têx hnuz zuôr txos hnuz kriz ntênhk hội Fét ti va hêik lok cxuô zav txir ntông, cxuô zav hax huv muôx nhoz Sơn La VN shông 2022, tâu kriz uô trâu ntơưv đrôngl Sơn La, hnuz 28  hli 5 txos hnuz xiêz 1/6/shông 2022, cov muôx chôngz lênhx kruô pâuz txos./.

Tsu cxêik nhênhv-Thanh Thuỷ-Chai BT

Têx tsưr ziv uô jông thiêz sei hâur njuôs pov, canhv pov nzor muôx ntux nas tsênhv tâu krêz uô sâuv thax tsav tỉnh Yên Bái tsi taz taz por uô sei mak tsênhv paz tsôngv box jênhv pâuz tâu qơư zuk nhoz uô nênhx puôk trâus zênhr shar thâuv muôx ntux nas. Zơưv Trần Anh Văn, Phưv chi cục tsar chi cục đêx liv, Sở kôngz nuv thiêz huôv tsar nôngx cxênhz tỉnh Yên Bái puz pâuz: Chiê chuv tôngv đuô hâur côngz xưv phax tar ntux nas, tiv zix zos côngz xưv njuôs pov, phax tar, Ban chỉ huiz phax tar ntux nas thiêz nriêr chơưv nanv têx cấp tưz thiêz tsênhv krêz uô ntâu tsưr ziv thôngz đhâu hâux lưv zôngv KHCN, txix co yênhx trus cxiv tsa iz xã hôiv taz por hâur cheix ntux nas: “Hâux lưv zôngv công nghệ thôngz xor mông thiêz chuôz zênhx uô côngz xưv canhv pov nzor paz pêz jênhv pâuz, ntâuk grê tâu qênhx shênhx nhoz yênhx thax tsav, njuôs xav đêx cuôr yôngz lok sik muôx tox poz chiê thôngz pov txix tỉnh txos huyện txos xã, muk txos ciês jêx jos yax mông vênhv tôngv pox nhuôs chiê muôx tsưr ziv phax tar huv đros”./.

(Đinh Tuấn-Txâur Vax cxeik nhênhv)

Ntux lok nas truz ntêr hnuz sâuv thax tsav faz Bắc, uô ruôr hiêv tas ntâu txos cxuô tsênhv qơư li Điện Biên, Laox cai, Yên Bái.

Tỉnh Điện Biên, ntux lok nas lox, uô ntu cêr 279 trâus poz, puôk tsuôx tas ntâu.

Đuô li ntơưv tỉnh Laox Cai,  hâur têx hnuz đhâu ntux lok nas truz ntêr hnuz, uô trâu ntâu tus đêx huôv lox. Lênhx công nhân NQK, xênhz zus shông 2002, uô hâux lưv trâu ntơưv tsêr máy tênhv; thâuv muk uô hâux lưv tror lok tsêr, taz sik hmôngr tsik jông, thâuv lok txos ntơưv tus ntus đêx co thiêx plav tơư pôngz đêx trâus đêx cuôr yôngz.

Ntơưv tỉnh Yên Bái, ntux lok nas truz ntêr hnuz, cux uô puôk tsuôx 48 chuôz zis; hâur ntơư muôx 15 chuôz zis tsuv njêis chuôz zênhx chuôz tav trâu têx qơư txơưr chiê đrêiv nas chuô.

Chênhr zos li hêik ntơư, hâur têx hnuz no, cxuô tsênhv qơư tsênhv taz tov uô luôs hâux lưv chơưv paz chor chuôz zis trâus đêx nas chuô uô puôk tsuôx chiê tror cxiv kho đuô chuôz zis têx vax tsêr, liêx têz khưr uô nox./.

                                 Tsu cxêik nhênhv-VOVTB-Chia BT

Lok thâuv 3 six zar hnuz keix hnuz 24/5 ntơưv qơư muôv muôs xiv huv kôngz nuv, HTX kôngz nuv Minh Bảo, nhoz tuêv 2, phường Yên Thịnh, TP Yên Bái muôx yưv iz txuz hluôr tơưk cuz.

Ciês thâuv jênhv tâu xor mông thôngz pov, phongx cảnh sát phax cuz tuô cuz thiêz nriêr chơưv nanv-Công an tỉnh Yên Bái tưz huiz tôngv zuôr xar 40 lênhx cán bộ, chiến sĩ thiêz 4 luz yêz tuô cuz ciêr chênhr muk tuô hluôr tơưk. Đros chinhz yênhx sei đrơưv, đhâu 25 phênhz, lưx lươngv cảnh sát tưz tuô tâu hluôr tơưk, tsi muôx ruôr hiêv lok lênhx nênhs, hluôr tơưk tsi cuz txeik muk têx qơư txơưr.

Qir tiv muôx yưv txuz hluôr tơưk cuz qir thơưx xav jênhv zos tiv cuz tênhv tênhz. Trur tsêr vor tas nro zos blôngx cuôx zêv viv li hluôr tơưk cuz tas hur si qơư muôv muôs no./.

(VOVTB-Txâur Vax cxeik, nhênhv)