Nhiv kruôr đhâu, ntơưv qơư kuô nza Liệt sĩ Tsêr tux Sơn la, Đoanx khối chor cơ quan Trung ương thiêz Tỉnh Đoàn Sơn La tưz tsưr tsix Ntênhk hlơưr shaz txi côngv, ndo txos chor zênhz shôngx liệt sĩ, Chiv nhênhv 75 shông Hnuz Saz pênhz liệt sĩ 27/7; 72 shông Hnuz Cxôngx nzor lưx lươngv hluôk nênhs uô ntêx hlo (15/7/1950-15/7/2022). Ntơưv jiês txi côngv no, chor hluôk nênhs Đoàn khối chor cơ quan Trung ương thiêz tỉnh Sơn La sir jos sik côngv iz siêz, cơưv shâuv, uô ntêx hlo chiê cxiv tsa thiêz pox vêv têz qơưk trơưk li Đảng, têz qơưk chox kriê thiêz huv đros trâu chor zênhx shôngx liệt sĩ li têx côngz lox co. Tix lâus Bùi Hoàng Tùng, Qênhx Bí thư Đoàn khối chor co quan Trung ương, puz pâuz:

“Cur thiêz chor hluôk nênhs lok six shir phaz thâuv tâu hlơưr shaz txi côngv ndo txos chor zênhz shôngx liệt sĩ. No zos jiês chiê cxênhx hluôk khối chor cơ quan Trung ương zoz zux chax chês cách mạng, thiêz txox cêr mak hloz Hôx, Đảng tưz xêir tsov. Chiê cxênhx hluôk hnuz no pâuz tâu txos zuk txơưx jênhv, sir jos, uô lox tôngv cov huv đros trâu cxênhx nênhs uô ntêx li têx côngz lox co”./.

(Lê Hạnh-Lik Thox cxêik nhênhv)

Hnuz 24/7, ntơưv TP Điện Biên Phủ, Ban chox kriê vênhv tôngv tso nyar jông siêz tỉnh Điện Biên tưz tsưr tsix tsaz yênhx “tso nyar” jiês tiv 10 shông 2022 thiêz kruôs txos chor nênhs uô ntêx nyuôs tso nyar jông siêz. Tsaz yênhx tưz hu zâuv chôngz lênhx ntâu tus canr bôv, công nhân viên chức, lưv lươngv vũ trang thiêz tsôngv pêx xênhv đros tso nyar. Ndax six hơưv no, T.Ư Hội Chữ thập đỏ Việt Nam, Uỷ ban tỉnh Điện Biên tưz muôz ntâu ntơưr kruôs trâu têx tập thêv thiêz lênhx nênhs uô jông hâux lưv tso nyar jông siêz, thiêz vênhv tôngv tso nyar jông siêz. Trơưk li Ban tsưr tsix, tsaz yênhx tưz hu zâuv zuôr xar 500 lênhx nênhs đas cir tso nyar, njuôk xav zuôr lênhk txeik tâu nhos 300 ntâu taz viv nyar./.

 (Vũ Lợi-Riê Lâux cxeik, nhênhv)

6 luz hli hâur shôngk shông 2022, phênhv sâu zuôr muôs tơưv saz đrâuv têz qơưk đhâu thax tsav tỉnh Lào Cai tax tâu xar muôx 1,037 tiv USD. Lơưr zơưv Hà Đức Thuận, Phưv Tsar Ban sêiz car Thax tsav kinh têr tỉnh Lào Cai, njuôk xav 6 luz hli kaz shông no têx hâux lưv zuôr  muôs hax huv tơưv saz đrâuv têz qơưk đhâu Lào Cai tsênhv yuôr ntâu kror phiv liv. Lơưr Chinhr phuv thiêz têx bôv, nganhx Trung ương li hêik pâuz, tuôr truôx ngaz tuk lok caz moz ntơưv trôngx đriv cux zos paz tuôr truôx ngaz tuk trâu zuôr muôs hax huv tơưv saz đrâu têz qơưk:

“Pêz cux sir jos sik côngv jông đros saz Hà Khẩu (Vân Nam-Trung Quốc), cxiv tsa phongx njuôk shuôk caz moz PCR ntơưv trôngx đriv. Hâux lưv no tưz kriz uô tâu muôx 2 luz hli ntâu lok no lơưv. Vav tiêk đhâu thâuv uô tâu qơư njuôk shuôk caz moz no mak tas nro chor hax huv thiêz têx yêz thâux hax huv muôs tơưv saz đrâuv têz qơưk zuôr tâu njuôk shuôk jông ntơưv Lào Cai, zos pov tsik trâus moz Covid-19 mak thiêx li chiê muk đhâu ntus đriv. Uô tâu li no mak zuôr paz gra siêz đuô tsiv gri chor hax huv muôs tơưv saz đrâuv tez qơưk, tiv zix hâur sir jos muôs têx hax huv kôngz nuv muk trâu luôs oz chas têz qơưk”./.

(An Kiên –Lik Thox cxêik nhênhv)

  Cơ quan txiv ngaz qênhz yuôx, Công an tỉnh Lai Châu nhiv kruôr tso tơưv quyết tinhv tik cêr cxâuv thiêz ntêk cxov Sơưv Xênhv thox, xênhz shông 1983 thiêz Zax Chinh Phừ, xênhz shông 1974, puôr lênhx nhoz uô cê ntơưv jok Khoa Sang, xã Mù Sang, huyện Phong Thổ, tỉnh Lai Châu chiê tror qênhz yuôx lok sâuv “chox kriê cêr trâu luôs lưv tus muk lol đhâu đriv têz tsi trơưk chei”.

Tsênhv tsênhz, tas cik hnuz xiêz 06/7, Tổ côngz xưv Zênhx Pênhz phax Vàng Ma Chải uô hâux lưv qênhz yuôx shuôs ntơưv thax tsav jok Hoang Thèn, xã Vàng Ma Chải, huyện Phong thổ, qênhz pov 6 lênhx nênhs muk tơư đhâu đriv têz txix Trung Quốc lok hâur Việt Nam. Thâuv tổ côngz xưv cov lơưr đrêk chiê qênhz yuôx têx ntâuz ntơưr muk lol tâus cêr, thâuv co chor nênhs no tưz tso têk khiêr. Tổ côngz xưv zênhx max châuv lơưr thiêz ntêk tâu Zax Chinh Phừ, đros 4 lênhx nênhs Trung Quốc. Ntơưv cơ quan muôx vax huôv, Phừ thiêz Sơưv gơưk krêz lênhk tiêk, tưz nhav chox kriê cêr 4 lênhx nênhs Trung Quốc co tuôx hâur Việt Nam tsi trơưk chei, thâuv muk txos ntơưv jok Nậm Cáy, xã Ma Ly Pho lơưr mav muôz nhiêx trâu gơưk, txơưv trâul ntêk tâu. Nhiv no txuz nuv co tsênhv tror tâu qênhz yuôx, uô tsênhz mênhx./.

 (Khắc Kiên-Riê Lâux cxeik, nhênhv)