Lơưr Ban chox kriê Dự anr yưv pênhr cxiv tsa kriz đar Qơư tsar đrêk yêz za Điện Biên li ntâuk gri, ntâu dưv anr tsênhv tâu kriz uô kênhz; muôx têx kror hâux lưv uô kênhz txix 3-5 hli pir li tsưr ziv tưz tso tơưv. Viv li, chiê muôz qơư tsar đrêk yêz za no tror lok huôx tôngv uô ntêx hli 12 shông no phưx vưv trâu pêx xênhv thiêz tsôngv kruô chêix yêz za muk lok trơưk Thủ tướng chinhr phuv chox kriê zos kror zuôr lax uô tâu. Zơưv Trần Quốc Cường, Bí thư Tỉnh ủy Điện Biên, Trưởng Ban chox kriê dự anr puz pâuz: Hâux lưv kho đuô qơư tsar đrêk yêz za Điện Biên lok six zov chênhr, viv thâuv uô tiêr, dưv anr zuôr paz trâu tỉnh huôv tsar kinh têr, tiv zix zos chuôz ndê huiz tôngv têx pênhr trâu xar hôiv hâur ntu 2021-2025 nzir xar muôx 15.000 tiv đêiv, paz muôx hâux lưv uô trâu xar muôx 8.000 lox tôngv ntơưv thax tsav qơư… Viv li, Ban chox kriê tưz hêik chinhr quyền cxuô cấp, tiv zix zos Thành ủy Điện Biên Phủ thiêz huyện Điện Biên tror sik côngv truôx đros chor cơ quan, taz viv cik txos xưv lik cov jông têx phiv liv, paz zôngx ziv tiv zix trâu chor taz viv uô côngz trinhx./.

Vũ Lợi-Lik Thox cxêik nhênhv

        Ntux cuz sor, kruôr gis ntêr hâur ntâu luz hli lok no tưz uô têx pak đêx tênhv nhoz cxuô thax tsav hâur tas nro têz qơưk, hâur co muôx têx pak đêx ntơưv faz Tây Bắc trâul grik tas ntâu. Chor pak đêx tênhv lox li: Lai Châu, Sơn La, Hòa Bình tsênhv muôx tsi yuô txâuk đêx tso tênhv thiêz tsi tsơưs iz cxiê tsêr meir tênhv mê tsik txâuk đêx tso tênhv. Zơưv Khương Thế Anh, Giám đốc Công ty tsêr meir tênhv Sơn La-taz viv seiz car 2 tsêr meir đêx tênhv Lai Châu thiêz Sơn La heik pâuz: “Đhâu sox seiz têx pak đêx tênhv saz Trung Quốc, muôx đêx Sông Đax ntưk đhâu, đêx tưz grik tas lok six ntâu. Chênhr viv li, têx đêx hâur pak đêx tênhv Lai Châu thiêz Sơn La cux grik tas ntâu. Nhiv no, hur si têx pak đêx sâuv tus đêx liêz thiêz đêx Đas ntơưv Việt Nam puôr lênhx tsi muôx txâuk đêx, yuôr lok six tsơưs; lar heik zos pak đêx Thác Bà thiêz pak đêx Lai Châu tưz grik tas ntâu”./.

VOVTB-Riê Lâux cxeik nhênhv

          Txix iz đraz hli 4 txos nhiv no, tas nro tỉnh Sơn La tưz muôx yưv 49 txuz hluôr tơưl cuz jôngr, uô hiêv tas muôx 120 ntâu héc ta jôngr, nhiv no muôx 5 huyện, thành phố, zos Sốp Cộp, Vân Hồ, Sông Mã, Phù Yên thiêz TP Sơn La nhoz trâu thênhv zôngx ziv cuz jôngr siêz. Đros qênhx shênhx no, chor lưx lươngv muôx vax huôv thiêz cxuô nganhx, thax tsav qơư đros chor tsưr jôngr tsênhv sir jos sêiz shuôk jông, tsik so qênhz yuôx ntơưv têx jôngr zôngx ziv trâus cuz siêz, chor qơư muôx chôngz nênhs muk lok đhâu; bax uô jông tsưr ziv 4 ntơưv qơư thâuv muôx yưv cuz tox cuz jôngr, chiê txo grêk tsơưs tiv zix têx trâus hiêv lok lênhx nênhs thiêz cxuô zav. Zơưv Nguyễn Văn Tâm, Phưv Chủ tịch Ủy ban huyện Mường La, tỉnh Sơn La puz pâuz: “Ủy ban huyện Mường La tưz chox kriê chor xar yax kriê, hêik pox nhuôs luôx têz, hlơưr têz cov jong trơưk cui tênhv, tsik chiê muôx cuz tox cuz jôngr. Tiv 2 zos yax kriê txix jêx jok txos trâu chor ziv chuôz zis pâuz txos hâux lưv por vêv jôngr, phax cuz tuô cuz jôngr thiêz huôv tsar jôngr, sir jos chiê pêx xênhv uô tâu nênhx thiêz uô bluô nux tâu txix jôngr”./.

Thu Thùy-Lik Thox cxêik nhênhv

        Shông cơưv 2022-2023 zos iz shông cơưv huyện tox siêz Văn Yên, tỉnh Yên Bái uô tâu yênhx côngz têx luôs hâux lưv zok muôz, thâuv muôx zuôr xar 500 lênhx shux xênhz tưr thik tâu jông txux chi hâur têx jiês thik, hội thik txix cấp huyện, cấp tỉnh txos cấp têz qơưk, ntiêx têz. Ciês jiês thik xeir tsov shux xênhz cơưv coz cxênhx 2 hâur shông cơưv no, Văn Yên zos qơư sơưr tiv iz hâur tỉnh Yên Bái. Chiê muôx tâu têx li heik co, iz chas uô jông hâux lưv zoz zux, Văn Yên tsênhv moz siêz txos kriê têx txux chi zov chênhr txơưr đuô. Pos Lê Thị Thanh bình, Phưv Tsar phongx zoz zux huyện Văn Yên, tỉnh Yên Bái heik pâuz: “Pêz chox kriê cxuô luz tsêr cơưv sir jos qênhz pov têx lênhx shux xênhz cơưv tâu txux chi jông. Tiv 2 zos pêz muôx chor cưk kriê ntơưr moz siêz, muôx tsưr ziv kriê; têx lênhx cưk kriê co niêx shông, pêz tso cơưv cxaz têx tsưr ziv, txux chi yuôr trâul chiê kriê trâu shux xênhz; hux jos đros cxuô luz tsêr cơưv cxênhx 3 kriê têx txux chi trâu shux xênhz. Hâur co muôx têx jiês tưr thik, pêz uô hâux lưv jông trơưk cui tinhv thiêz tsênhz mênhx, côngz fênhx”./.

VOVTB-Riê Lâux cxeik nhênhv